‘ఆంధ్రనగరి’ చారిత్రక నవల ఇప్పుడు ఈ-బుక్ గా మీకోసం!

ఆంధ్రనగరి పుస్తకావిష్కరణ జరిగి ఈరోజుకి సరిగ్గా సంవత్సరం. అందుకే ఇదే రోజు ఈ పుస్తకాన్ని ప్రపంచవ్యాప్తంగా ఉన్న పాఠకులందరికీ కినిగె ద్వారా అందుబాటులోకి తీసుకువస్తున్నారు రచయిత శ్రీ సాయి పాపినేని గారు.
ఎంతో పరిశోధించి, మరెంతో పరిశ్రమించి హాయిగా సాగిపోయే భాషలో ఈ చారిత్రక నవలను రచించారు రచయిత. విమర్శకుల ప్రశంసలను, పాఠకుల అభిమానాన్ని ఎంతగానో చూరగొన్న ఆంధ్రనగరి నవల కినిగెలో ఇప్పుడు ఈ-బుక్ మరియు ప్రింటు బుక్ రూపాలలో కూడా లభిస్తుంది.

18-06-2013న జరిగిన ఆంధ్రనగరి పుస్తకావిష్కరణ వివరాలు

 

 

 

 

 

 

 

 

 

 

 

తెలుగు సాహితీవనంలో ఒక తొలకరి జల్లు

ప్రస్తుతం ప్రపంచమంతా చారిత్రక నవలా సాహిత్యానికి ఎంతో ప్రాచుర్యం ఉంది. ఇంగ్లీష్ కాల్పనిక సాహిత్యానికి ఉన్న విస్తారమైన అదరణ వల్ల విజయవంతమైన రచయితలకి ఆర్థిక లబ్ధి కలుగుతుంది. అందువలన చారిత్రక నేపధ్యంపై విస్తృతమైన పరిశోధన జరపటం వాళ్ళకు సాధ్యమయింది. కానీ ప్రాంతీయ భాషా సాహిత్యానికి ఉన్న పరిమితమైన ఆదరణ దృష్ట్యా, ఎంతో ఖర్చుపెట్టి లోతుగా పరిశోధించటం అంత సులువైన పని కాదు. ప్రాంతీయ భాషలలో చారిత్రక నేపధ్యంతో పూర్తి అవగాహనగల రచనలు అంత తరచుగా రాకపోవటానికి ఇదే ముఖ్య కారణం. ఈ నేపధ్యంలో సాయి పాపినేని గారి ఆంధ్రనగరి మన తెలుగు సాహితీవనంలో ఓ తొలకరి జల్లు.
క్రీ.పూ. మూడవ శతాబ్దిలో వేళ్ళూని వెయ్యేళ్ళపాటు మహోజ్వలంగా సాగిన మహాంధ్ర సామ్రాజ్యచరిత్రకి అద్దంపట్టిన ఈ నవల, నిన్న హుస్సేన్‌సాగర్ నడిబొడ్డున బుద్ధవిగ్రహంవద్ద అవిష్కరించబడింది. ప్రముఖులు, సాహితీవేత్తలు, పాత్రికేయుల సమక్షంలో, సోమా గ్రూప్ అధినేత, శ్రీ మాగంటి రాజేంద్రప్రసాద్‌గారి చేతులమీదుగా, ఈ కార్యక్రమం జరిగింది. రాజేంద్రప్రసాద్‌గారు ఈ సందర్భంగా మాట్లాడుతూ, “శ్రీ సాయి పాపినేనిగారు ఈ నవల గురించి ఎంతో లోతైన పరిశోధనచేసి దాని రచనని ఒక మహాయజ్ఞంగా నిర్వహించారు. ప్రాచీనాంధ్ర సంస్కృతిని మనవాళ్ళకి పరిచయం చేయాలనే ఆయన ఉద్దేశ్యం మంచిది. అదే వారి ప్రయత్నానికి కావలసిన సహకారం అందిచడానికి నన్ను ప్రేరేపించింది. వారి ఈ ప్రయత్నం సఫలమవ్వాలనీ, ఈ ఆంధ్రనగరి పుస్తకం లక్షలాది తెలుగువారిలో మన సంస్కృతిపట్ల అవగాహననీ, గౌరవాన్నీ పెంపొందించాలనీ ఆశిస్తున్నాను”, అన్నారు.
క్రీ.శ. 18వ శతాబ్దాంతంలో, అమరావతి స్తూపాన్ని కనుగొన్నప్పటినుండీ, అది పురాతన వస్తు సంగ్రహకులూ, పురాతత్వవేత్తలూ, ప్రభుత్వోద్యోగుల చేతుల్లోపడి ఈనాటికి నామమాత్రంగా మిగిలింది, అప్పటి వారి అనాలోచిత నిర్ణయాలవల్ల అమరావతి శిల్పసంపద అనేక మ్యూజియమ్‌లకి చేరి ప్రపంచపు నలుమూలలా ఖ్యాతిగాంచినా, మన తెలుగువాళ్ళకి మాత్రం దూరమయింది. వెయ్యేళ్ళు మన ఆంధ్రుల రాజధానిగా వైభవం కనుజూచిన ఈ మహానగరం, నేడొక మట్టి గుట్టగా మిగిలింది. రచయిత తన మనోనేత్రంతో ఆకాలానికివెళ్ళి, కృష్ణా నదీమతల్లి ఒడిలో వెలిసిన ఈ అపూర్వ నాగరికతయొక్క ఉత్థానపతనాలని, తన పాత్రలతో, కథనంతో పునరుజ్జీవింపజేసి కనులకు కట్టినట్లు మన ముందుంచాడు. అటు రోమన్ సామ్రాజ్యంనుండి, ఇటు చైనా వరకూ జరిగిన, సమకాలీన ప్రపంచ రాజకీయ, వాణిజ్యపరమైన ఘట్టాలని ముడివేస్తూ, ముఖ్యోద్దేశానికి ఏమాత్రం భంగం కలిగించకుండా కథ మలచబడింది. ఈ నవల యొక్క సరళమైన శైలీ, జీవం ఉట్టిపడే పాత్రలు, చరిత్రపట్ల మక్కువ కలిగిన ఏ కొద్దిమందికి మాత్రమేగాక చదివిన ప్రతి తెలుగువానికీ సంతృప్తినిస్తాయి.
ఈ నవల ఆర్ట్స్ & లెటర్స్, హైదరాబాద్ వారిచే ప్రచురించబడి, విశాలాంధ్ర పబ్లిషింగ్ హౌస్ వారిచే పంపిణీ చేయబడుతుంది. ప్రాచీన చరిత్రపై ఎన్నో పుస్తకాలను ప్రచురించి మనకందించిన ఆర్ట్స్ & లెటర్స్ సంస్థ అధ్యక్షులు శ్రీ చెన్నూరు ఆంజనేయరెడ్డిగారు ఈ సందర్భంగా మాట్లాడుతూ, “ఆంధ్రుల చరిత్రలో ప్రాచీన చారిత్రక యుగం ఎంతో ప్రాముఖ్యం సంతరించుకొంది. ఈనాటి ప్రజల జీవనంపైనా, ఆలోచనావిధానంపైనా ఆనాటి ప్రభావం ఎంతో ఉంది. అప్పటి సంఘంలో సర్వమానవాళితో స్నేహ సద్భావనలను వెల్లివిరిసాయి. మన ఆంధ్రదేశం ప్రపంచపు నలుమూలలకీ నాగరికతని పంచింది. మనచరిత్రలోని ఈ స్వర్ణయుగాన్ని మీముందుంచే ఈ నవలని అందించటానికి ఆర్ట్స్ & లెటర్స్, హైదరాబాద్ సంస్థ ఎంతో గర్విస్తుంది”, అన్నారు.
ప్రఖ్యాత తెలుగు రచయిత, విద్యావేత్త, ఆచార్య కేతు విశ్వనాథరెడ్డిగారు ఆహూతులతో మాట్లాడుతూ, “భాషాపరంగా చూస్తే సాయి పాపినేనిగారిది చారిత్రక ఇతివృత్తానికి, నేపథ్య నిర్వహణకు పాత్రల చిత్రణకూ అనుగుణమైన రచన. సారళ్యము, ప్రసన్నత, గాంభీర్యము తగుపాళ్ళలో మేళవించిన ఆధునిక శైలి”, అని రచయితని ప్రశంసించారు.

-18th June 2013

***

ఆంధ్రనగరి” డిజిటల్ రూపంలో కినిగెలో లభిస్తుంది. కినిగె వెబ్‌సైట్ ద్వారా ఆర్డర్ చేసి ప్రింట్ పుస్తకాన్ని తగ్గింపు ధరకి పొందవచ్చు. మరిన్ని వివరాలకు ఈ క్రింది లింక్‌ని అనుసరించండి. 

ఆంధ్రనగరి on kinige

Related Posts:

అక్షరానికో అందమైన కథ – అక్షరమాల(కథలు)

అమ్మ, ఆవు, ఇల్లు, ఈశ్వరుడు ఇలా ఒక్కో తెలుగక్షరానికి ఒక్కో కథ చొప్పున రాయబడిన చక్కని కథల సమాహారమే…అక్షరమాల(కథలు). తల్లాప్రగడ రవికుమార్  రచించిన ఈ కథలు చాలాకాలం క్రితం ఆంధ్రప్రభ దినపత్రికలో ధారావాహికంగా ప్రచురించబడ్డాయి. పిల్లల్ని అమితంగా ఆకట్టుకునే శైలిలో ఈ కథా రచన సాగింది. పెద్దిభొట్ల సుబ్బరామయ్యగారు ఆశ్శీఃపూర్వకంగా అన్న ఈ క్రింది వాక్యం ఈ కథల గొప్పతనాన్ని సూచిస్తుంది.

నీతి చంద్రిక చదివితే ఎటువంటి ప్రయోజనం సిధ్ధిస్తుందో అదే ప్రయోజనం ఈ కథల వల్ల కూడా సిద్ధిస్తుంది.

ఒకటి రెండు పేజీలు మించకుండా అందమైన బొమ్మలతో తీర్చిదిద్దిన ప్రతీ కథ ఆహ్లాదాన్ని కలిగించేదే! ఇలాంటి సృజనాత్మక ప్రయోగాలు  పిల్లల్లో పఠనాశక్తిని పెంచడానికి ఎంతగానో ఉపయోగపడతాయనడంలో సందేహం లేదు.

వెలగా వెంకటప్పయ్య గారు ఈ పుస్తకం ముందు మాటలో ప్రస్తావించిన ఈ క్రింది మాటలు ఈ కథా సంపుటికి యోగ్యతా పత్రంగా భావించవచ్చు.

“ఈ చిరు గ్రంథం ఒక కొత్త ప్రయోగం. తెలుగు వర్ణ సమాన్మయంలోని అక్షరాలను తీసుకొని – ఆ అక్షరం ఇచ్చిన స్ఫూర్తితో కథలను అల్లారు. ‘అమ్మ’ అనే తొలికథలో ఇతర ప్రాణుల యెడల దయ చూపాలని తెలియజేస్తారు. సత్యప్రవర్తన ప్రాధాన్యాన్ని రెండవ కథ ‘ఆవు’లో వివరిస్తారు. ‘ఉడుత’ కథలో సాటివారికి సాయం చేసే తీరు ప్రబోధిస్తారు. ‘ఎలుక’ అనే కథలో స్నేహసంపద ఔన్నత్యాన్ని వివరిస్తారు. కలసి ఉంటే కలదు సుఖం అనే జీవిత సత్యాన్ని ‘ఐకమత్యం’ అనే కథ ద్వారా తెలుపుతారు. ఇలా ప్రతీ కథ ఒక సందేశాన్ని తెలియజేస్తూ, ఒక సదుద్దేశ్యంతో జనహితంగా కథారచన సాగింది. భాష సరళంగా, చదివే అలవాటును పెంచేదిగా ఉంది. బాలసాహిత్య నందనవనంలో ఈ గ్రంథం ఒక పారిజాత కుసుమం కాగలదనడంలో సందేహం లేదు.”

అక్షరమాల కథలు” డిజిటల్ రూపంలో కినిగెలో లభిస్తుంది. కినిగె వెబ్‌సైట్ ద్వారా ఆర్డర్ చేసి ప్రింట్ పుస్తకాన్ని తగ్గింపు ధరకి పొందవచ్చు. మరిన్ని వివరాలకు ఈ క్రింది లింక్‌ని అనుసరించండి.

***
అక్షరమాల కథలు on Kinige

Related Posts:

మనీ పర్స్ 2 శ్రమలేని ఆదాయం

చిట్ ఫండ్స్ లాభమా? నష్టమా?

నేలని నమ్మినవాడు ఎన్నడూ చెడిపోడా?

రియల్ ఎస్టేట్ పెట్టుబడికి ఏ జాగ్రత్తలు తీసుకోవాలి?

వంద రూపాయలతో పది వేల కోట్లు….. ఎలా?

ఏడాదికి 9% వడ్డీ గిట్టుబాటయ్యే ఎండోమెంట్ బీమా పాలసీ ఏది?

ఎల్‍ఐసి ఎండోమెంట్ పాలసీలో రాబడి ఎంత?

ఏది ఉత్తమ పెట్టుబడి?

నమ్మకానికి అమ్మవంటిది ఎల్‌ఐసి మాత్రమేనా?

ప్రైవేటు బీమా కంపెనీలని నమ్మవచ్చా?

ఏజంటు లేకుండా పాలసీ తీసుకోవచ్చా?

పిల్లలని కోటీశ్వరులని చేయడం ఎలా?

పోస్టల్ ఆర్‌డి, బ్యాంక్ ఆర్‌డి లలో ఏది ఎక్కువ లాభం?

వేయి రూపాయలు = లక్ష రూపాయలు

బంగారానికీ కల్తీ కావాలి.

ఆరోగ్య మహాభాగ్యానికి ఏమి చేయాలి?

బ్యాంకులో ఫిక్స్‌డ్ డిపాజిట్ లాభమా? నష్టమా?

బంగారం ఎలా కొంటే మంచిది?

ఆరోగ్య మహాభాగ్యానికి ఏమి చేయాలి?

జీవిత బీమా తక్కువయితే నేరం, ఎక్కువయితే ప్రమాదం?

…. ఇంకా ఎన్నో ఆర్థిక సందేహాలకు చదవండి

వంగా రాజేంద్ర ప్రసాద్ రాసిన

మనీ పర్స్ 2 శ్రమలేని ఆదాయం

Related Posts:

2 మైల్స్ టు బోర్డర్

సుప్రసిద్ధ డిటెక్టివ్ నవలా రచయిత మధుబాబు గారి థ్రిల్లర్ “2 మైల్స్ టు బోర్డర్“.

***

షాడో బందిపోటుగా జీవించిన కాలం నాటి కథ ఇది. ప్రజలను హింసించి దోచుకునే ఎందరో సేట్‌లను దోచి, ఆ డబ్బును బీదసాదలకు పంచుతుంటాడు షాడో. మిత్రుడు గంగారంతో కలసి గుజరాత్ నుంచి రాజస్థాన్ ప్రయాణిస్తున్నప్పుడు జరిగిన సంఘటనలూ, తదుపరి పరిణామాలు ఈ నవలికకి కథావస్తువులు.
రైలులో ప్రయాణిస్తున్న షాడోని పోలీసులు అనుమానించి వెంటపడగా, వారి నుంచి తప్పించుకోడానికి రైల్లో నానా హంగామా చేస్తాడు గంగారాం. జాన్ పీటర్స్ అనే దొంగ ద్వారా గిరాబ్ గ్రామంలో ఉండే సేట్ నందన్‌లాల్ చేస్తున్న అక్రమాలు తెలుసుకుంటాడు షాడో.
నందన్‌లాల్ కొడుకుని పాకిస్తాన్ లోని మహమ్మద్ అనే బందిపోటు అపహరించుకుపోయాడని, రెండు లక్షల రూపాయలు అడుగుతున్నాడని తెలుస్తుంది షాడోకి. గిరాబ్ గ్రామం చేరాక, నందన్‌లాల్ అనుచరులతో గొడవపడి, కావాలనే బంధితుడవుతాడు. అదే రాత్రి నందన్‌లాల్ ఇంటిని దోచేసి పారిపోతుంటే, అతని భార్య మంచితనం అర్థమవుతుంది. కొడుకుని పోగొట్టుకున్నందుకు ఆమె పడుతున్న బాధ షాడోని కలచివేస్తుంది. ముందు బందిపోటు మహమ్మద్ నుంచి నందన్‌లాల్ కొడుకుని విడిపించి, ఆ తర్వాత అతన్ని దోచుకోవాలని నిర్ణయించుకుంటాడు షాడో.
దొంగతనంగా సరిహద్దు దాటి పాకిస్తాన్‍లోకి ప్రవేశిస్తారు షాడో, గంగారాం. అక్కడ పోలీసులనుంచి తప్పించుకుని బందిపోటు మహమ్మద్‌ను కలుసుకోడానికి అడవిలో ప్రవేశిస్తారు. అక్కడ మహమ్మద్ అనుచరులకు దొరికిపోతారు. ఇంతలో ఓ అడవి ఏనుగుల గుంపు ఒకటి ఈ బందిపోటుల ముఠాపై దాడి చేస్తే, షాడో మహమ్మద్‌ని రక్షిస్తాడు. ఈ పరిణామాల మధ్య, షాడోకి, మహమ్మద్‌కీ స్నేహం ఎలా కుదిరిందన్నది ఆసక్తిదాయకం. ఆ తర్వాత ఏం జరిగింది? నందన్‌లాల్ కొడుకుని మహమ్మద్ వదిలేసాడా? అదే అడవిలో ఎదురైన మరో బందిపోటు ముఠానుంచి ఎలా తప్పించుకున్నారు? రెండో ముఠాకి పాకిస్తాన్ సైన్యంలో ఓ ఉన్నతాధికారికి ఏమిటి సంబంధం? వారు పాకిస్తాన్‌లో తలపెట్ట దలచిన ఘాతుకాన్ని షాడో ఎలా అడ్డుకున్నాడు?
ఈ ప్రశ్నలన్నింటికీ జవాబులు కావాలంటే ఈ ఉద్విగ్నభరితమైన థ్రిల్లర్ చదవాల్సిందే.

***

“2 మైల్స్ టు బోర్డర్” డిజిటల్ రూపంలో కినిగెలో లభిస్తుంది. మరిన్ని వివరాలకు ఈ క్రింది లింక్‌ని అనుసరించండి.

2 మైల్స్ టు ది బోర్డర్ On Kinige

Related Posts:

బియాండ్ కాఫీ గురించి యండమూరి వీరేంద్రనాథ్ అభిప్రాయం.

ఖదీర్ బాబు వ్రాసిన బియాండ్ కాఫీ కథా సంకలనం గురించి ప్రముఖ రచయిత యండమూరి వీరేంద్రనాథ్ అభిప్రాయం.

ప్రియమైన ఖదీర్ బాబు,
వైజాక్ నుండి వస్తూ ఇప్పుడే మీ పుస్తకం చదివాను. బియాండ్ కాఫీ. రెండు తప్ప అన్ని కథలూ మైండ్ బ్లోయింగ్. నాకు తెలిసినంతవరకూ ఆత్మ ఒంటరితనాన్ని కెలెడోస్కోపులో చూపిన తొలి రచయితవు నువ్వే.
మచ్చ సింబాలిక్ గా అప్పీలింగ్ గా ఉంది.
‘టాక్ టైమ్’ లేడీస్ కొత్త కాదు. ఫోనులో ఇబ్బంది పెడుతున్న వారిపై నేను కూడా పోలీస్ కంప్లైంట్ ఇవ్వాల్సి వచ్చింది. ఇప్పటికీ ఆ కేసులు కోర్టులో పెండిగులో ఉన్నాయి. నీ కథలు చదువుతున్నప్పుడు మెటాఫిజికల్ శూన్యం పై వ్రాసిన శామ్యూల్ బాకెట్ మరియు అతని డ్రామా వెయిటింగ్ ఫర్ గోడోట్ మదిలో మెదిలాయి. ఇంకా నేను వ్రాసిన ఆనందో బ్రహ్మ నీ వహీద్ కథ చదువుతున్నప్పుడు గుర్తు వచ్చింది. యూ హేవ్ డన్ ఏ గ్రేట్ జాబ్.
అభినందనలు.
యండమూరి.

ఈ బియాండ్ కాఫీ పుస్తకం చదవడానికి ఇక్కడ నొక్కండి. 

బియాండ్ కాఫీ On Kinige

Related Posts:

సాధన

ప్రముఖ రచయిత మధుబాబు రచించిన నవల “సాధన“.

సి.బి.ఐ. స్పెషల్ ఆఫీసర్ సాధనా సక్సేనా డేరింగ్ డాషింగ్ అండ్ డైనమిక్ లేడీ. ఎన్నో స్పెషల్ కేసులు సాధించి సి.బి.ఐ.కి మంచిపేరు ప్రఖ్యాతులు తెచ్చిపెట్టింది. ఉన్నట్లుండి ఆమె అదృశ్యమవుతుంది. దేశభద్రతకు ముప్పు కలిగించే విద్రోహచర్యకు సంబంధించి కీలక సమాచారం ఏదో సాధనా సక్సేనా వద్ద వుందని సి.బి.ఐ. వర్గాల అనుమానం. ఆ పనిమీదే ఆమె పహాడ్‌గంజ్‌కి బయలుదేరి వెళ్ళటం జరిగింది. అలా వెళ్ళినా సక్సేనా తిరిగి రాలేదు. ఆమెను ట్రేసవుట్ చేయటంలో సి.బి.ఐ. వర్గాలు విఫలమయ్యాయి. పదిరోజులయినా ఆమె జాడ తెలీకపోవటంతో సిబిఐ డైరెక్టర్ సామంత్ సిన్హా వాత్సవను పిలిపించుకుని స్వయంగా కేసు వప్పగిస్తాడు.

దీనికి కొద్ది రోజుల ముందు ఓ క్లబ్ మీద రైడ్ చేస్తుంది సాధన. ఆ రైడింగ్‌లో కొందరు విదేశీయులు అనుమతి లేకుండా కనబడతారు. వారిలో ఒక నీగ్రో జాతి యువకుడు సాధనపై కాల్పులు జరుపుతాడు. అతని గురి నుంచి తప్పించుకుని, తన గన్‌తో వాడిని కాలుస్తుంది సాధన. వాడి జేబులను వెతికితే, కొన్ని ఆధారాలు దొరుకుతాయి. అందులో ఒక నాణెం అత్యంత ప్రమాదకరమైన జాకాల్ గ్రూప్‌దని గుర్తిస్తుంది. ఈ తతంగంలో మాజీ రక్షణ మంత్రి గోవర్థన్ దాస్ హస్తం ఉందని తెలుసుకున్న సాధన మరింత సమాచారం కోసం ఆ ఆధారాలను అనుసరించి పహాడ్‌గంజ్ చేరిన సాధన అదృశ్యమవుతుంది.

రంగంలోకి దిగిన వాత్సవ సాధన ఆచూకీ కనిపెట్టడంలో కొంతమేర విజయం సాధిస్తాడు, ఆమె నాగాలాండ్‌లోని కొహిమాలో ఉందని తెలుసుకుంటాడు. ఈ క్రమంలో ఎన్నో ప్రమాదాలనెదుర్కుంటాడు. సాధనని ఎలా తప్పించాడు? సాధారణంగా ఒకరి ఎసైన్‌మెంట్‌లో మరొకరు జోక్యం చేసుకోని శ్యామ్ సుందర్, వాత్సవలు ఈ ఎసైన్‌మెంట్‌లో ఎందుకు కలవాల్సి వచ్చింది? సాధనకి, వాత్సవకి, శ్యామ్‌కి అనేక ఆటంకాలు కల్పించిన ఎస్. ఐ. ఎవరు? వారు ముగ్గురు దేశద్రోహుల ఆట ఎలా కట్టించారు?
ఈ ప్రశ్నలన్నింటికీ జవాబులు ఆసక్తిగా సాగిపోయే ఈ నవలలో లభిస్తాయి.

* * *

సాధన నవల డిజిటల్ రూపంలో కినిగెలో లభిస్తుంది. మరిన్ని వివరాలకు ఈ క్రింది లింక్ చూడండి.

సాధన On Kinige

Related Posts:

డేంజరస్ గేమ్

బర్మాలో గొప్ప సాధువుగా పూజలందుకుంటున్న బాబా హరిదేవ్ అనే సాధువుని కలవడానికి వెడతాడు బైజీన్ కాకా అనే బీహార్ కి చెందిన జమీందారీ వంశీకుల సేవకుడు. ఆ రాజవంశానికి చెందిన కైలాశ్ నారాయణ్ అనే మాజీ జమీందారు కూతురు రూప తల్లిదండ్రులును, అయినవాళ్ళని వదిలివచ్చి, బాబాజీ ఆశ్రమంలో ఉంటోంది. ఆమెని తిరిగి ఇంటికి పంపమని అడగడానికి బైజీన్ కాకా బర్మా వెడతాడు. ఆ అమ్మాయి రానడంతో, బాబాజీ ఇచ్చే పాదతీర్థంలో మత్తు పదార్ధాలు కలపబడుతున్నాయని నిరూపిస్తాడు బైజీన్ కాకా. ఇంతలో ఆశ్రమంలోని దుండగులు అతన్ని హత్యచేసి, రూపని మరో ప్రాంతానికి తరలిస్తారు. అదే సమయంలో బర్మాలో భారీ భూకంపం వస్తుంది.

షాడోకి అత్యంత సన్నిహితుడు, గురుసమానుడు అయిన ఠాకూర్ రాంచంద్ మేనల్లుడు ఆ భూకంపంలో చిక్కుకుపోయి గాయపడతాడు. అతన్ని రక్షించి భారతదేశానికి తీసుకురావడానికి షాడో కులకర్ణిగారి అనుమతి లేకుండా బర్మా బయల్దేరుతాడు.

మాండలీ నగరంలోనూ, చుట్టు ప్రక్కల ప్రాంతాలలోని ఆరోగ్యవంతమైన యువకులు ఉన్నట్లుండి మాయమైపోతూంటారు? వారి వెనక ఎవరున్నారో తెలియదు. నిజాలు తెలుసుకునే ఈ ప్రయత్నంలో షాడోకి ఎన్నో మాండలీ నగరం పోలీసులనుంచి ఎన్నో ఇబ్బందులు ఎదురవుతాయి. అనుకోకుండా తన పాత శత్రువు షింగ్‌టాయ్ యోధులతో తలపడాల్సి వస్తుంది.
అదే సమయంలో భారత ప్రభుత్వం కూడా ఒక ప్రత్యేకమైన ఎసైన్‌మెంట్ పై షాడోని బర్మా పంపాలనుకుంటుంది. ఏమిటా ఎసైన్‌మెంట్? షాడో అయిపు తెలియక స్వయంగా కులకర్ణిగారు బర్మా బయల్దేరుతారు. ఆయనకెదురైన ప్రమాదాలు ఏవి? షాడో, కులకర్ణి ఎలా కలుసుకున్నారు? రూపని షాడో ఎలా రక్షించాడు? దేశానికి సంభవించబోయే ప్రమాదాన్ని షాడో ఎలా తప్పించాడు?

ఈ ప్రశ్నలన్నింటికి జవాబులు మధుబాబు రచించిన “డేంజరస్ గేమ్“నవలలో దొరుకుతాయి. చివరిదాక ఆసక్తిగా చదివించే ఈ థ్రిల్లర్ డిజిటల్ రూపంలో కినిగెలో లభిస్తుంది. మరిన్ని వివరాలకు ఈ క్రింది లింక్‌ను అనుసరించండి.

డేంజరస్ గేమ్ On Kinige

Related Posts:

శ్రీ విజయనామ సంవత్సర పంచాంగం

శ్రీ విజయనామ సంవత్సర ఉగాది సందర్భంగా శ్రీ విఖసన ఆర్షధర్మ పీఠం వారు అందిస్తున్నారు దృక్‌సిద్ధాంత పంచాంగం.

తిధి, వార౦, నక్షత్ర౦, యోగ౦, కరణ౦ మొదలైన వివరాలను అందిస్తూ, శ్రీరామనవమి, వైష్ణవ శ్రీ కృష్ణాష్టమి, దేవీ నవరాత్రి వంటి పండుగలను ఎలా నిర్ణయించాలో ఈ పంచాంగంలో సవివిరంగా తెలియజేసారు పంచాగకర్తలు శ్రీయుతులు ముత్తేవి శ్రీనివాస శశికాంత్ మరియు నారాయణం తాండవకృష్ణ చక్రవర్తి.

వివిధ రాశుల వారికి ఆదాయ వ్యయాలు, రాజపూజ్యం, అవమావం వివరాలు చెబుతూ శ్రీ విజయనామ సంవత్సరంలో ఆయా రాశులలో జన్మించిన వ్యక్తుల రాశి ఫలితాలను వెల్లడించారు.

వివిధ శుభకార్యాలకు కావల్సిన ముహూర్త నిర్ణయాలు, వివిధ పీడా/బాధా నివారణలకు పాటించవలసిన చర్యలు ఈ పంచాంగం సూచిస్తుంది.

Preview free download is available at Sree vijayanaama saMvatsara paMchaaMgaM

శ్రీ విజయనామ సంవత్సర పంచాంగం On Kinige

Related Posts:

వోడ్కా విత్ వర్మ

ఏకబిగిన ఓ పుస్తకం చదివి ఇప్పటికి ఇరవై ఏళ్ళయ్యింది… ఇన్నాళ్ళ తర్వాత మళ్ళీ మధ్యలో ఆపకుండా చదివిన పుస్తకం ఈ ‘వోడ్కా విత్ వర్మ

పూరీ జగన్నాథ్ (సినీ దర్శకుడు)

వర్మని కొందరు సైకో అంటారు, మరి కొందరు అతివాది అంటారు, ఇంకొందరు సంఘవ్యతిరేకి అంటారు. తనని స్త్రీలోలుడు, రాక్షసుడు, శాడిస్టు అనేవాళ్ళు కూడా ఉన్నారు.

సిరాశ్రీ (ఈ పుస్తక రచయిత)

రాములో ఒక చాలా తెలివైన పిల్లవాడు, ఒక మహా అమాయకుడైన ఎదిగినవాడు కలిసి ఉన్నారు.

రత్న (వర్మ మాజీ భార్య)

రాము నాన్నని నేను ఎప్పుడూ ఒక తండ్రిగా కాకుండా కేవలం ఒక బెస్ట్ ఫ్రెండ్‌గా మాత్రమే చూసాను.

రేవతి (వర్మ కుమార్తె)

* * *

“వోడ్కా విత్ వర్మ” డిజిటల్ రూపంలో కినిగెలో లభిస్తుంది. కినిగె వెబ్‌సైట్ ద్వారా ఆర్డర్ చేసి ప్రింట్ పుస్తకాన్ని తగ్గింపు ధరకి పొందవచ్చు. మరిన్ని వివరాలకు ఈ లింక్ చూడండి.

వోడ్కా విత్ వర్మ On Kinige

Related Posts:

డబ్బు సంపాదించాలంటే ‘తప్పు’ చేయక తప్పదనుకునే యువత కోసమే ఈ పుస్తకం …..

ముందిది చదివి….

కారులో షికారుకెళ్ళే పాలబుగ్గల పసిడిదానా - నీ బుగ్గ మీద గులాబి రంగు ఎలావచ్చెనో చెప్పగలవా?” అని డబ్బులేని హీరో పాడేపాటలూ, “దులపర బుల్లోడో…. ఈ డబ్బున్న కుర్రోళ్ళ భరతం పట్టి….” అని బీద హీరోయిన్ పాడే పాటలూ ఇటీవలి కాలంలో సినిమాల్లో కనపడటం లేదు.

విప్లవం పాటలు వదిలేస్తే, డబ్బు సంపాదించవద్దని గానీ, డబ్బు వుండటం తప్పనిగానీ, ఇటీవలి కాలంలో ముఖ్యంగా హీరో హీరోయిన్లుపాడటం లేదు. మారుతున్న గ్లోబలైజేషన్ ప్రభావానికి ఇంతకన్నా నిదర్శనం ఏం కావాలి?

సరి అయిన చోట, సరి అయిన సమయంలో, సరీగ్గా చూడగలిగితే ఈ ప్రపంచంలో ప్రస్తుతం కావల్సినంత డబ్బు వుంది. నైతిక విలువలు కోల్పోకుండా, లంచాలు పట్టకుండా, హత్యలు చెయ్యకుండా కూడా డబ్బు సంపాదించవచ్చని మారుతున్న ఈ వ్యవస్థ చెపుతోంది.

అయినా కూడా మరోవైపు కొందరు యువతీ యువకులు ఆర్థికపరమైన డిప్రెషన్‌కు లోనవుతున్నారు. ఏం చెయ్యాలో తోచక నిరాశ నిస్పృహలకు గురి అవుతున్నారు. డబ్బు సంపాదించాలంటే తప్పుచేయక తప్పదన్న తప్పు అభిప్రాయంతో మగ్గుతున్నారు.

వారికోసమే ఈ పుస్తకం.

ఇడ్లి-ఆర్కిడ్-ఆకాశం On Kinige

* * *

తొలిగా ఇంగ్లీషులో వ్రాయబడిన ఈ పుస్తకం ఇప్పటికి 14 భాషల్లోకి అనువాదం కావింపబడింది. పబ్లిష్ అయిన అయిదు నెలల్లో రెండో ముద్రణ కొచ్చింది. రెండు యూనివర్సిటీల్లో నాన్-డిటెయిల్డ్ పుస్తకంగా వుంది. దీన్ని కన్నడ భాషలో ప్రచురించిన నా కన్నడ పబ్లిషర్ దీన్ని తెలుగులో వ్రాయమని నాకు సూచించారు. ఆ తరువాత విఠల్ వెంకటేశ్ కామత్ నాతో ఫోన్‌లో మాట్లాడుతూ, ఈ పని తెలుగులో నేను చేపట్టినందుకు సంతోషం వ్యక్తం చేసారు. వారిద్దరికీ నా కృతజ్ఞతలు. అదేవిధంగా ఈ రచనలో నాకు సహకరించిన కుమారి జ్యోతి శైలజకు కూడా నా అభినందనలు.

నీ మంచితనమే నీ విజయానికి తొలిమెట్టుఅన్న పాజిటివ్ థింకింగ్ ఈ పుస్తకంలో నాకు బాగా నచ్చింది. నేను సాధారణంగా నా నవలల్లో వ్రాసే పాత్రల తెలివి తేటలు, హీరో లక్షణాలు, వ్యాపార గిమ్మిక్కులుఅన్నీ ఈ నిజజీవితంలో కూడా కనపడతాయి. ఇతరుల రచనలు ఇంతవరకూ అనువాదం చేపట్టని నేను, దీన్ని వ్రాయటానికి కూడా అదే కారణం.

నలభై సంవత్సరాల రచనా ప్రస్థానంలో ఇది నా తొలి అనువాద రచన. గతంలో ప్రార్థన, ‘దుప్పట్లో మిన్నాగుమొదలైనవి కేవలం ఆంగ్ల రచనల ప్రేరణలే తప్ప, నేనెవరివీ అనువాదం చెయ్యలేదు.

నా శైలీ, శిల్పం గురించి తెలిసిన వారికి ఈ రచనలో కూడా ఆ స్వేచ్ఛానువాదం కనపడుతుంది. ఒరిజినల్ పుస్తకంలో మొదట కొన్ని అధ్యాయాలు సాఫీగా సాగుతాయి. అందుకని కొన్ని కొటేషన్లు చేర్చి, కథలో వేగం పెంచటానికి ప్రయత్నం చేసాను. మిగతాదంతా యథాతథమే!

ఇడ్లి-ఆర్కిడ్-ఆకాశం On Kinige

ఈ కథలో హీరో పెద్ద వ్యవహారకర్త కాదు. పెద్దగా లౌక్యం తెలిసినట్టు కనపడదు. పట్టుదల, కొత్తగా ఆలోచించాలన్న తపన, కృషిఇవి అతడిలో మెండుగా కనపడతాయి. ‘కెరటం నా స్ఫూర్తి…. లేచిపడినందుకు కాదు. పడి లేచినందుకుఅన్న సూక్తి అతడి పట్ల నిజమనిపిస్తుంది. ఈ కథలో మనకి గాంధీ, నెల్సన్ మండేలా ఆత్మకథల్లోలాగా దేశం కోసం పోరాటాలూ, జైలుశిక్షలూ కనపడవు. మనలాటి మామూలు వ్యక్తి, తన జీవితంలో పైకి రావటం కోసం చేసే ప్రయత్నంలో సాధకబాధకాలు కనపడతాయి. గాంధీ నెహ్రూల కథలు స్ఫూర్తినివ్వొచ్చు. ఈ కథలు యువతకి మార్గనిర్దేశనమవుతాయి.

అతి సామాన్య కుటుంబంలో పుట్టి, అంచెలంచెలుగా ఎదిగిన ఈ యువకుడి కథలో ఎత్తులూ, పల్లాలూ స్పష్టంగా కనిపిస్తాయి. “మాకు లౌక్యం తెలీదు. పదిమందిలో మాట్లాడటం తెలీదు. సరీగ్గా చదువులేదు. మా దగ్గిర పెట్టుబడికి డబ్బు లేదు. ముక్కుకి సూటిగా మాట్లాడే మనస్తత్వంతో బ్రతకటం కష్టం. వ్యాపారంలోనూ ఉద్యోగంలోనూ అలా నెగ్గుకు రావటం అసాధ్యంఅన్న అభిప్రాయంలో వున్న యువతీ యువకులకు ఈ పుస్తకం ఒక కనువిప్పు.

ఎలా ప్రారంభించాలో, ఎక్కణ్ణుంచి మొదలు పెట్టాలో, ఎలా బ్రేక్ త్రూ సాధించాలో ఈ పుస్తకం చెపుతుంది. ఇది చదివి ఒకరైనా స్ఫూర్తిపొందితే, ఈ రచన ఆశయం నెరవేరినట్టే.

- యండమూరి వీరేంద్రనాథ్

1-2-08

తప్పక చదవాల్సిన ఈ పుస్తకం కోసం ఇప్పుడే కినిగెను దర్శించండి, ఇక్కడ నొక్కి ….

ఇడ్లి-ఆర్కిడ్-ఆకాశం On Kinige

Related Posts: