కినిగె స్మార్ట్ స్టోరీ కాంపిటీషన్ 2013 ఫలితాలు

యువతరంలో సృజనాత్మకతను ప్రోత్సహించటానికి ఈ స్మార్ట్ స్టోరీ కాంపిటీషన్ కినిగె.కాం ద్వారా నిర్వహించాము. 28 ఏళ్ళు లేదా ఆలోపు వాళ్లే రాయాలి, 750 పదాల లోపే రాయాలి అన్న నిబంధనలతో ఔత్సాహిక యువతీయువకులను ఆహ్వానించాము. మా ఆహ్వానానికి అనూహ్య స్పందనతో ఎదురొచ్చిన యువతరానికి ధన్యవాదాలు. ఎందరో కొత్తగా చిగుళ్లేస్తున్న తమ ఊహల్ని కాగితాలపై పరిచి పంపించారు. పోటీలో పాల్గొన్న ప్రతి ఒక్కరికీ ధన్యవాదాలు. మంచి ఉద్దేశాన్ని గ్రహించి పోటీని అందరి ముందుకూ తీసుకెళ్లడంలో ఎంతో సాయపడిన మీడియాకు కృతజ్ఞతలు. యువత ఎంత ఉత్సాహంగా తమ సృజనల్ని పంపిందో, అంతే ఉత్సాహంగా వాటిని బేరీజు వేసేందుకు ముందుకు వచ్చిన అనుభవజ్ఞులైన మా న్యాయనిర్ణేతలకు నమస్కృతులు. ఈ ప్రయత్నంలో మరెన్నో రకాలుగా మాకు తోడ్పాటు నందించిన స్నేహితులకూ, శ్రేయోభిలాషులకూ పేరు పేరునా ధన్యవాదాలు. ఈ పోటీ పరమార్థం విజేతల్ని ఎన్నుకోవటం కాదు, సృజనాత్మకతను గెలిపించటం. కాబట్టి విజేతలూ పరాజితులన్న బేధం లేకుండా పాల్గొన్న వారందరూ గెలిచినట్టే. ఈ పుస్తకంలో చోటు చేసుకున్న వారే గాక, మరెందరో దీటైన ప్రయత్నాలతో ముందుకు వచ్చారు. వారందరికీ శుభాకాంక్షలు. భవిష్యత్తు మీతో ఉంటుందనీ, ఉండాలనీ మా ఆకాంక్ష.

ఈ పోటీలో మొదటి మూడు స్థానాలు గెలుచుకున్న విజేతల వివరాలు: ఈకథలను చదవడానికి ఇక్కడ నొక్కండి. 

విజేత

కథ

1

సతీష్ కుమార్ పొలిశెట్టి

అంతరంగం

2

సాయికిరణ్

ఆవిష్కరణ

3

మేడి చైతన్య

చెదిరిన ఆదర్శం

కన్సొలేషన్ బహుమతులు పొందిన వారి వివరాలు:

4

గోరంట్ల వెంకటేష్ బాబు

బడి మూసేశార్రా అబ్బోడా

5

నాగ పావని

ఇద్దరం కాదు ఒక్కరం

6

పృథ్వి. ఎన్

మీటర్ ఎంతైంది?

7

వినోద్ కుమార్

ప్రేమ చినుకు

8

యం. శైలేందర్

అక్షరాలతో అనుబంధం

9

యం. అమృత సాయి

నిద్ర సహాయం

10

ఎ. నరసింహ చారి

అమ్మాయి చదువు

11

అశోక్ పొడపాటి

ఓ చిన్న ప్రేమ కథ

12

రవి కిరణ్ మువ్వల

ఆమె రాక!

13

నడకుదటి లోకేశ్వరి

వెన్నెల

14

పితాని వీర వెంకట సత్యనారాయణ

ఉదయం

15

శరత్ కుమార్

మై స్టోరీ

Related Posts:

కినిగె స్మార్ట్ స్టోరి కాంపటీషన్ గురించి ప్రముఖుల అభిప్రాయాలు

కినిగె స్మార్ట్ స్టోరి కాంపటీషన్ గురించి సుప్రసిద్ధ బ్లాగరు, రచయిత కొత్తపాళీ అభిప్రాయం
“నాకో చిన్న థియరీ ఉంది. ఇప్పటికి తెలుగులో అనేక అస్తిత్వవాద సాహిత్యాలు వచ్చాయి. ఇవన్నీ చూశాక అస్తిత్వవాద సాహిత్యం అంటే ఏవిటి అంటే .. ఒక వర్గానికి చెందిన మనుషులు తమ కథల్ని తామే చెప్పుకోవడం అని నాకనిపించింది. మరి ఇప్పుడు కథలూ నవల్లూ రాస్తున్న వారందరూ నలభైలు దాటిన వాళ్ళే కనిపిస్తున్నారు. యువత గొంతెక్కడ? యువతకీ సాహిత్యంలో అస్తిత్వం నిలబడాలి అంటే వాళ్ళ కథల్ని వాళ్ళే చెప్పుకోవాలి. లేకపోతే వంకర చిత్రీకరణలే కనబడతాయి – ఇప్పటికే ఆ ధోరణులు మన కథల్లో కనిపిస్తున్నై.
తెలుగు కథల్లో యువత అస్తిత్వానికి స్వాగతం పలుకుతున్నారు కినిగె వాళ్ళు ఈ కథల పోటీతో.
ఇంతకంటే మంచి అవకాశం మరోటి ఉండబోదు.
రండి యువతరానికి ప్రతినిధులారా, మీ మీ కథలు చెప్పండి.”

కినిగె స్మార్ట్ స్టోరి కాంపటీషన్ గురించి సాహిత్య విమర్శకుడు శ్రీ జంపాల చౌదరి అభిప్రాయం
“గొప్పగా వ్రాయడానికి ఎక్కువ మాటలు అవసరం లేదు.
ఏసుక్రీస్తు మొదట చూపించిన మహిమ – నీటిని ద్రాక్షాసవంగా మార్చటం – గురించి ఒకాయన The conscious water saw its God and blushed అని ఒక్క వాక్యంలో చెప్పాడట.
నేను శాస్త్రీయ పత్రాలు వ్రాయటం మొదలుబెట్టిన రోజుల్లో మా ప్రొఫెసర్‌గారు ఒక సూత్రం చెప్పారు. నువ్వు వ్రాయదలచుకున్నదంతా వ్రాసేశాక, దాన్ని అంతకు సగం మాటలతో తిరగవ్రాయి. దాంట్లో సగం మాటలతో మళ్ళీ తిరగవ్రాయి. నువ్వు చెప్పదలచుకున్నది క్లుప్తంగా, స్పష్టంగా అప్పుడు చెప్పగలుగుతావు అని.
కల్పనా సాహిత్యంలోనూ ఈ సూత్రం బాగా పని చేస్తుంది. గొప్ప తాత్విక విషయాలను కొద్ది మాటలలో హైకూలలో, తేటగీతుల్లో, ఆటవెలదులలో చెప్పటం మనకు తెలుసు. యువ కథకులను తక్కువ మాటల్లో కథలు వ్రాయటానికి కినిగె సంస్థ ఈ స్మార్ట్ స్టోరీ కాంపిటీషన్ ద్వారా ప్రోత్సహించటం ముదావహం, అభినందనీయం.”

కినిగే స్మార్ట్ స్టోరి కాంపిటిషన్ (2013) వివరాలకు ఇక్కడ చూడండి:
http://teblog.kinige.com/?p=2773

Related Posts:

కినిగె స్మార్ట్ స్టోరి కాంపటీషన్ గురించి ప్రముఖ రచయిత మధుబాబు అభిప్రాయం

తెలుగు సాహిత్యంలో దాదాపు మూడున్నర దశాబ్దాలుగా నిరంతరంగా వ్రాస్తూ , తన అభిమానుల్ని అలరిస్తున్న రచయిత ‘మధుబాబు’ . అనితర సాధ్యమైన ‘షాడో’ సృష్టికర్త మృదు మధురమైన జానపద నవలాకారుడు. ఆయన శైలి అత్యద్భుతం నాలుగు వాక్యాలు వ్రాస్తే చాలు అవి ఆయన వ్రాసినవే నని అందరు గుర్తుపట్టే విధంగా వుంటుంది ఆయన ఉపయోగించే భాష .

సున్నితమైన భావాలను సైతం సూటిగా చిన్న చిన్న వాక్యాలలో చెప్పి మెప్పించగల మాటల మాంత్రికుడు. కాకా హోటల్స్ లో పనిచేసే వెయిటర్స్ దగ్గిర్నించి కార్పోరేట్ ఆసుపత్రులలోని డాక్టర్స్ వరకు అన్ని రంగాలలోను ఆయన అభిమానులు వున్నారు. ఆ మధుబాబు యువ నవ కధకులను ఆహ్వానిస్తున్న *కినిగే స్మార్ట్ స్టోరి కాంపిటిషన్ (2013)* గురించి ఏమని అంటున్నారో చదవండి!

“మనకి కొత్త రచయితలు కావాలి. ఒక చక్కని రచయితగా ఒక పది కాలాల పాటు రాయగలగాలి. అలాంటి రచయితల్ని అహ్వానిస్తూ, ప్రోత్సహిస్తున్న కినిగె వారి స్మార్ట్ స్టోరి కాంఫటిషన్ సరైన సమయంలో సరైన పోటిని నిర్వహిస్తున్నందుకు అభినందిస్తున్నాను. నవయువ రచయితలు ఈ అహ్వానాన్ని అందుకోవాలి. వారి రచనల కోసం నేను కూడా ఎదురుచూస్తుంటాను” .

కినిగే స్మార్ట్ స్టోరి కాంపిటిషన్ (2013) వివరాలకు ఇక్కడ చూడండి:
http://teblog.kinige.com/?p=2773

మధుబాబు నవలలు ఇక్కడ కొని చదువుకోండి:
http://kinige.com/kbrowse.php?via=tags&tag=Madhubabu

Related Posts:

కినిగె స్మార్ట్ స్టోరి కాంపటీషన్ గురించి ప్రముఖ రచయిత(త్రు)ల అభిప్రాయాలు

“కినిగె స్మార్ట్ స్టోరి కాంపటీషన్ గురించి Sathyavathi Pochiraju గారు ఏమంటూన్నారో చూడండి! మరి వెంటనే పంపండి పోటీకి మీ కథలను!

“వృద్ధాప్యంలోకో,మధ్య వయస్సులోకో వచ్చేస్తోందేమోనని అనుమానం కలిగిస్తున్నతెలుగు సాహితీ వనంలోకి “స్మార్ట్” యువరయితలు ఇప్పటి అవసరం”
సత్యవతి

కినిగెలో సత్యవతి గారి సాహిత్యం ఇక్కడ:

http://kinige.com/kbrowse.php?via=author&name=P.+Sathyavathi&id=263

* * *

“అనామకుడు”అనే కలం పేరుతో సుప్రసిద్ధులైన అల్లంరాజు రామశాస్త్రి గారు ఏమంటూన్నారో చూడండి!
“స్మార్ట్ స్టోరీ ని తెలుగు లో ఏమంటారన్న మీమాంసలో పడకండి. అమలాపురం సరోజ (ఎవరో తెలియదా? వేదం చూడండి!) చెప్పినట్లు అలాంటి వాటిని పెద్దలకి వదిలెయ్యండి. మన అందరికీ స్మార్ట్ స్టోరీ అంటే ఏమిటో తెలుసు. స్టార్ట్ రైటింగ్ ఇట్.

ప్రపంచమంతా భాషల్లో మార్పులు వస్తున్నాయి. రావాలి. అలా మారని భాషలు ప్రజలకి దూరంగా వెళ్లి పోతున్నాయి. కొత్త ఆలోచనల్ని అందించాలంటే భాష కొత్త పదాల్ని తన స్వంతం చేసుకోవాలి. అలా స్వంతం చెయ్యగలిగేది వ్యాకరణ వేత్తలు నిఘంటు కర్తలు కారు. అలా చెయ్యగలిగేది మీ లాంటి యువరచయితలు.

మీరు చూస్తున్న ప్రపంచం కొత్తది. అందులోంచి ఇతివృత్తాలు ఏరుకోండి. మీ జీవితాల్లో ఉన్న సమస్యల్ని, సందేహాల్ని, సంతోషాల్ని హాయిగా రాయండి.నలుగురితో పంచుకోండి. నవ్వించండి. ఏడిపించండి. కొత్త తరం ఆలోచనల్నీ అనుభవాల్ని అనుభూతుల్నీఅందరికీ అందించండి. అప్పుడే తెలుగుకి కొత్తతనం అందుతుంది. తెలుగు కధ కొత్త చిగుళ్ళేస్తుంది.

అదే స్మార్ట్ స్టోరీ పోటీ పరమార్థం. యంగ్ రైటర్స్, కీబోర్డందుకోండి. ”

కినిగెలో రామశాస్త్రి గారి సాహిత్యం ఇక్కడ:

http://kinige.com/kbrowse.php?via=author&name=Anamakudu&id=28

Related Posts:

స్మార్ట్ స్టోరీ కాంపిటీషన్ 2013

ఫలితాలు వెలుబడ్డాయి. ఇక్కడ చూడండి. 

స్మార్ట్ స్టోరీ కాంపిటీషన్

(2013)

“750 పదాల”

స్మార్ట్ స్టోరీ

రాయండి

రూ. 10,000/-

విలువైన

బహుమతులు

గెలుచుకోండి

మిత్రులారా…

మీరు 28 సంవత్సరాల లోపు వారా? అయితే, మీ సృజనాత్మకతని వెల్లువెత్తించండి, మీ కీబోర్డులకి పనిచెప్పండి…. రూ.10,000/- వరకూ గెలుచుకునే చక్కని అవకాశాన్ని అందిపుచ్చుకోండి!

మీరు చేయాల్సిందల్లా.. కినిగె స్మార్ట్ స్టోరీ కాంపిటీషన్ (2013)కి 750 పదాల లోపు, ఒక స్మార్ట్ స్టోరీ రాసి submit@kinige.com కి పంపిస్తే చాలు! మీ కథ బహుమతి గెలుచుకునే అవకాశం. వివరాలు దిగువ …

ప్రథమ బహుమతి:

మీ కథ… కినిగె ప్రథమ ఉత్తమ స్మార్ట్ స్టోరీగా ఎంపికైతే…

మీకు రూ.4000/- విలువగల బహుమతి లభిస్తుంది.

మీ కినిగె స్మార్ట్ స్టోరీ (2013) – అంతర్జాతీయంగా ప్రసిద్ధమైన తెలుగు ఈ-బుక్ పబ్లిషింగ్ హౌస్ కినిగె.కాం ప్రచురించబోయే ప్రత్యేక ఈ-బుక్‌లో ప్రచురితమై, ప్రపంచవ్యాప్తంగా పాఠకులకు అందుబాటులోకి వస్తుంది.

అంతే కాకుండా, విస్తృతమైన సర్క్యులేషన్ గల వివిధ వెబ్‌జైన్స్‌లోనూ, ఇతర మాగజైన్లలోనూ, ఇతర సోషల్ మీడియా సైట్లలోను ప్రచురితమయ్యే అవకాశం!

ద్వితీయ బహుమతి

మీ కథ… కినిగె ద్వితీయ ఉత్తమ స్మార్ట్ స్టోరీగా ఎంపికైతే…

మీకు రూ.2000/- విలువగల బహుమతి లభిస్తుంది.

మీ కినిగె స్మార్ట్ స్టోరీ (2013) – అంతర్జాతీయంగా ప్రసిద్ధమైన తెలుగు ఈ-బుక్ పబ్లిషింగ్ హౌస్ కినిగె.కాం ప్రచురించబోయే ప్రత్యేక ఈ-బుక్‌లో ప్రచురితమై, ప్రపంచవ్యాప్తంగా పాఠకులకు అందుబాటులోకి వస్తుంది.

అంతే కాకుండా, విస్తృతమైన సర్క్యులేషన్ గల వివిధ వెబ్‌జైన్స్‌లోనూ, ఇతర మాగజైన్లలోనూ, ఇతర సోషల్ మీడియా సైట్లలోను ప్రచురితమయ్యే అవకాశం!

తృతీయ బహుమతి

మీ కథ… కినిగె తృతీయ ఉత్తమ స్మార్ట్ స్టోరీగా ఎంపికైతే…

మీకు రూ.1000/- విలువగల బహుమతి లభిస్తుంది.

మీ కినిగె స్మార్ట్ స్టోరీ (2013) – అంతర్జాతీయంగా ప్రసిద్ధమైన తెలుగు ఈ-బుక్ పబ్లిషింగ్ హౌస్ కినిగె.కాం ప్రచురించబోయే ప్రత్యేక ఈ-బుక్‌లో ప్రచురితమై, ప్రపంచవ్యాప్తంగా పాఠకులకు అందుబాటులోకి వస్తుంది.

అంతే కాకుండా, విస్తృతమైన సర్క్యులేషన్ గల వివిధ వెబ్‌జైన్స్‌లోనూ, ఇతర మాగజైన్లలోనూ, ఇతర సోషల్ మీడియా సైట్లలోను ప్రచురితమయ్యే అవకాశం!

ప్రోత్సాహక బహుమతులు (6 కథలకు)

మీ కథ… కినిగె స్మార్ట్ స్టోరీ కాంపిటీషన్‌లో కన్సోలేషన్ ప్రైజ్‌కి ఎంపికైతే… మీకు రూ.500/- విలువగల ప్రోత్సాహక బహుమతి లభిస్తుంది.

మీ కినిగె స్మార్ట్ స్టోరీ (2013) – అంతర్జాతీయంగా ప్రసిద్ధమైన తెలుగు ఈ-బుక్ పబ్లిషింగ్ హౌస్ కినిగె.కాం ప్రచురించబోయే ప్రత్యేక ఈ-బుక్‌లో ప్రచురితమై, ప్రపంచవ్యాప్తంగా పాఠకులకు అందుబాటులోకి వస్తుంది.

అంతే కాకుండా, విస్తృతమైన సర్క్యులేషన్ గల వివిధ వెబ్‌జైన్స్‌లోనూ, ఇతర మాగజైన్లలోనూ, ఇతర సోషల్ మీడియా సైట్లలోను ప్రచురితమయ్యే అవకాశం!

మీరు చేయదగినవి!

1. మీకు నచ్చిన ఇతివృత్తాన్ని ఎంచుకోవచ్చు

2. కావాలనుకుంటే కలం పేరు వాడవచ్చు (*కానీ, కినిగె అడిగినప్పుడు, మీ అసలు పేరు, గుర్తింపులను ఋజువులతో సహా చూపవలసి ఉంటుంది)

3. మీరు టెక్స్ట్ పాడ్, నోట్ పాడ్, లేదా ఎం. ఎస్. వర్డ్ డాక్యుమెంట్ లేదా తత్సమాన డాక్యుమెంట్ ఏదైనా ఉపయోగించవచ్చు. తెలుగు అక్షరాలను స్పష్టంగా చూపే ఏ అప్లికేషన్ని అయినా వాడేందుకు సంకోచించనవసరం లేదు.

4. మీ కినిగె స్మార్ట్ స్టోరీకి వన్నె తెచ్చే యోగ్యమైన బొమ్మలను జోడించండి (*కాపీరైట్‌ని గౌరవించడం మరచిపోవద్దు)

మీరు చేయాల్సినవి!

1. మీరు మీ రచనని కినిగె స్మార్ట్ స్టోరీ కాంపిటీషన్ (2013) కోసమే రాయాలి

2. మీ కినిగె స్మార్ట్ స్టోరీని యూనికోడ్‌లో మాత్రమే* టైప్ చేయాలి

3. టైపింగ్ దోషాలు, అచ్చుతప్పులు, వ్యాకరణ దోషాలు ఉండకూడదు.

4. సబ్జెక్ట్ లైన్‍లో “కినిగె స్మార్ట్ స్టోరీ కాంపిటీషన్ (2013) కోసం” అని రాయాలి. మీ స్మార్ట్ స్టోరీ (2013) పేరు ప్రస్తావించాలి.

5. మీ పూర్తి పేరు, పోస్టల్ అడ్రస్ (పిన్‌కోడ్‌తో సహా) పంపాలి.

6. మీ కథలను 20 సెప్టెంబర్ 2013లోగా కినిగెకి అందేలా పంపాలి

7. మీ రచనలను submit@kinige.com కి పంపాలి

8. మీ వయసు డిసెంబరు 2013 నాటికి 28 సంవత్సరాల లోపు ఉండాలి.

మీరు చేయకూడనివి!

1. గతంలో ప్రచురితమైన కథలు పంపకూడదు.

2. ఇతర పోటీలలోగాని లేదా ఇతర ప్రచురణకర్తలు లేదా ఇతర ఆఫ్‌లైన్ మరియు ఆన్‌లైన్ ప్రచురణల వద్ద పరిశీలనలో ఉన్న కథలను పంపకూడదు.

3. అనువాద కథలు పంపకూడదు.

4. ఒక వేళ మీ కథకు బహుమతి లభిస్తే, ఆ కథని మీరు ఏ బ్లాగులో గానీ, వెబ్‌జైన్‌లో గాని, ఇతర సోషల్ మీడియా సైట్లలో గాని లేదా ఇతర ఆఫ్‌లైన్ మరియు ఆన్‌లైన్ ప్రచురణలలో కనీసం ఒక ఏడాది వరకు ప్రచురించరాదు.

5. ఈ నిబంధనలలో దేనినైనా, అన్నింటినీ లేదా కొన్నింటిని మీ కథ ఉల్లంఘిస్తే, మీరు పోటీకి అనర్హులవుతారు.

6. వెరసి, మీరు కినిగె స్మార్ట్ స్టోరీ కాంపిటీషన్ (2013) కోసం సరికొత్త కథ, కినిగెకి మాత్రమే రాయల్సి ఉంటుంది.

మీకు సహాయపడే వనరులు:

మీ రచనలను యూనికోడ్‌లో టైప్ చేసేందుకు

1. lekhini.org

2. సురవర తెలుగు కీబోర్డు suravara.com

3. యూనికోడ్‌లో టైప్ చేసేందుకు మరింత సాయం కోసం ఈ లింక్ క్లిక్ చేయండి.

గమనిక:

పోటీ ఫలితాల విషయంలో కినిగెదే తుది నిర్ణయం. ఈ విషయంలో ఎటువంటి ఉత్తరప్రత్యుత్తరాలకు తావులేదు. ఫలితాలను ప్రభావితం చేయడానికి ప్రయత్నిస్తే, పోటీకి అనర్హులవుతారు.

*ఒకవేళ మీకు ఇంకా ఏవైనా సందేహాలుంటే support@kinige.com కి ఈమెయిల్ చేయాలి

మీ రచనలు కినిగెకి పంపడానికి తుది గడువు 20 సెప్టెంబర్ 2013!

Related Posts: