“1948: హైదరాబాద్ పతనం” పుస్తకావిష్కరణ

మొహమ్మద్ హైదర్ రాసిన పుస్తకం “1948: హైదరాబాద్ పతనం” 7 ఏప్రిల్ 2013 ఆదివారం ఉదయం 10 గంటలకు హైదరాబాద్ ఆబిడ్స్ తిలక్ రోడ్ లోని సారస్వత పరిషత్ హాల్ లో ఆవిష్కరించబడుతోంది. సభని హైదరాబాద్ బుక్ ట్రస్ట్, (040 23521849) , అన్వేషి సంస్థ (040 27423168) సంయుక్తంగా నిర్వహిస్తున్నారు.

పుస్తకావిష్కరణ చర్చలో పాల్గొనాల్సిందిగా హైదరాబాద్ బుక్ ట్రస్ట్ అందరికీ ఆహ్వానం పలుకుతోంది.

వివరాలకు ఆహ్వానపత్రం చూడండి.

పుస్తకం గురించి:
హైదరాబాద్విమోచన, విముక్తి, విలీనం, విద్రోహం, పోలీసు చర్య, ఆపరేషన్ పోలో….
1948లో భారత సైన్యం హైదరాబాద్ సంస్థానంపైకి దండెత్తినప్పటి ఘటనలను వివరించేందుకు ఇలా ఎన్నో పేర్లు వినపడతుంటాయి. నాడు చోటు చేసుకున్న చారిత్రక ఘటనల పరంపర ఒకటేగానీ వాటిని దర్శించే దృష్టి కోణాల్లోనే మరే సందర్భంలోనూ లేనంతటి తీవ్ర వైవిధ్యం, పరస్పరం సంఘర్షించుకునే భావ వైరుధ్యాలు ఎన్నో వ్యక్తమవుతుంటాయి. ఈ ఉద్వేగపూరిత కథనాల మధ్య చాలాసార్లు అసలు జరిగిందేమిటో గ్రహించటం కష్టసాధ్యంగా పరిణమిస్తుంది. నాటి ఘటనల చుట్టూ పేరుకున్న ఆ మాయనూ, మబ్బుతెరలనూ తొలగించి చూపిస్తుందీ మొహమ్మద్ హైదర్ రచన.
నాటి ఉద్రిక్త కాలంలో ఉస్మానాబాద్ కలెక్టర్‌గా పని చేశారు హైదర్. ఏడాది తిరగక ముందే ఆయనను తన జిల్లా జైలుకే పంపించారు. జైలులో గడుపుతూనే ఓ పరిపాలనాధికారిగా 1948 ఘటనలకు సంబంధించి తన ప్రత్యక్ష అనుభవాలను, జ్ఞాపకాలను కాగితంపై పెట్టారాయన. ఎంతో హుందాగా, అక్కడక్కడ చెణుకులతో సాగిపోయే ఈ రచన- ఎటువంటి ఆవేశకావేశాలకూ లోనుకాకుండా సాగిపోవటమే కాదు- చివరకు మన కళ్లు తెరిపిస్తుంది కూడా !
Hyderabad Patanam

Related Posts:

మిసిమి మే 2012 సంపాదకీయం

గాంధీ విద్యార్థి దశలో లండన్ లో ఉన్నప్పుడు మాథ్యూ ఆర్నాల్డ్ వ్రాసిన “లైట్ ఆఫ్ ఏషియా” గ్రంథాన్ని ఒకటికి రెండుసార్లు చదివి ఎంతో ప్రభావితుడయ్యాడు. “కార్య కారణ సిద్ధాంతాన్ని ప్రతిపాదించిన ఏకైక ఆచార్యుడు, గౌతముడే” నని గాంధీ వక్కాణించాడు.

ఇరవైయవ శతాబ్దపు ప్రసిద్ధ విజ్ఞాన శాస్త్రవేత్త, ఆల్బర్ట్ ఐన్ స్టీన్ కూడా బౌద్ధధర్మాన్ని “ఆధునిక శాస్త్ర విజ్ఞాన అవసరాలకు సరితూగే ధర్మం ఏదైనా ఉందంటే అది బౌద్ధమే” అని ప్రశంసించారు.

ఆధునిక జీవితంలో విజ్ఞాన పరిశోధనకు ఎంత ప్రాముఖ్యత ఉన్నదో బౌద్ధంలో సత్యశోధనకూ అలాంటి ప్రాముఖ్యతే ఉంది. ఈ విషయానికి కాలామ సుత్త లో ఒక ఉదాహరణ: కాలాములు నివాసమున్న కేసపుత్త అనే నిగమాన్ని భగవానుడు దర్శించినపుడు కాలాములు ఆయన వద్దకు వచ్చి ఇలా అడిగారు: “భగవాన్! ఇక్కడకు వచ్చిన బ్రాహ్మణులు, శ్రమణులు ఇతరుల సిద్ధాంతాలను, విశ్వాసాలని ఎండకడుతూ, తమ ధర్మాలను ఘనమైనవిగా ఘోషిస్తున్నారు. మరొక వర్గీయులైన బ్రాహ్మణులు, శ్రమణులుకూడా వారి వారి సిద్ధాంతాల ప్రాముఖ్యతను ప్రశంసిస్తూ ఇతరుల ధర్మాన్ని నిరసిస్తున్నారు. ఈ సంఘటన మమ్ములను సంశయంతో, సంఘర్షణతో నింపివేస్తోంది. వీరిలో ఎవరు సత్యాన్ని చెబుతున్నారు, ఎవరు అసత్యాన్ని చెబుతున్నారు?”

కరుణాసముద్రుడైన భగవానుడు ఇలా అన్నాడు. “అవును కాలాములారా, మీరు లోనైన సందిగ్ధంలో ఈ సందేహం రావడం సహజమే. ఒకరు చెప్పింది కానీ, మరొకరు చేరవేసింది కానీ, సంప్రదాయంలో ఉన్నదని కాని, మీరు దేనినీ విశ్వసించి గుడ్డిగా అనుసరించకండి. మత గ్రంథాలలో పేర్కొన బడిందని, తర్కంతో లేదా సూచనల వలన, ఊహాజనిత విషయాల వలన, సాధ్యాసాధ్యాల వలన, అభిప్రాయాల వలన ప్రేరేపితులు కాకండి. కానీ, మీ విజ్ఞతతో మీరు కొన్ని విషయాలు సర్వజన సమ్మతం కావని తెలుసుకొన్నపుడు వాటిని వదిలివేయండి; మీ విజ్ఞతతో మీరు కొన్ని విషయాలు సర్వజన సమ్మతమని తెలుసుకొన్నపుడు వాటిని గ్రహించి ఆచరించండి.”

ముఖ్యంగా ఈ ప్రాథమిక అంశాల సంయోగ సహకారాల వలననే బౌద్ధం శాస్త్ర పరిశోధనకు సమాంతరస్థాయిలో ఉంటుంది. విశ్వాసం కంటే పరిశోధనా ప్రమాణాలే బౌద్ధానికి ప్రధానాంశాలు. ఈ ముఖ్యలక్షణమే బౌద్ధాన్ని ప్రపంచంలో ఇతర మతాలనుంచి భిన్నంగా ఉంచుతోంది. బౌద్ధం ఒక దైవదత్తమైన మతవిశ్వాసం కాదు. దీనికి దైవప్రోక్తమైన గ్రంథమేదీ లేదు. ఒక ప్రవక్త లేడు, అందువలన మూఢనమ్మకాలనూ, పిడివాదాన్ని ఆశ్రయించదు. వీటిపై ఆధారపడిన మతవిశ్వాసాలు, ఈనాటి సాంకేతిక సమాచార ప్రభావంతో పేకమేడల్లా కూలిపోతున్నాయి.

ఈ నేపథ్యంలో బౌద్ధం ఒక్కటే శాస్త్రవిజ్ఞానం, హేతుసంకేత పరంగానే ఉన్నదని, ఇప్పటి ప్రాచ్య, పాశ్చాత్య దేశ ప్రజలు గుర్తిస్తున్నారు. ముఖ్యంగా అక్షరాస్యత అధికంగా ఉన్న పాశ్చాత్య దేశాలలో బౌద్ధానికి గుర్తింపు ఎక్కువగా లభిస్తున్నది.

2556 బుద్ధ జయంతి సంచికలో బౌద్ధ ధర్మంలోని లోతుపాతులను పరిశీలించి చిక్కని రచనలందించిన రచయితలకు మా కృతజ్ఞతలు.

సంపాదకులు

* * *

మిసిమి మాసపత్రిక డిజిటల్ రూపంలో కినిగెలో లభిస్తుంది. మిసిమి తాజా సంచిక కొరకు ఇక్కడ క్లిక్ చేయండి. మరిన్ని వివరాలకు ఈ క్రింది లింక్‌ని అనుసరించండి.

మిసిమి మే 2012 On Kinige

మిసిమి వార్షిక చందాపై రాయితీ లభిస్తోంది. ఆ వివరాలకు ఈ క్రింది లింక్‌ని అనుసరించండి.

Misimi 2012 Subscription On Kinige

Related Posts:

షార్ట్ స్టోరీస్ ఆఫ్ విశ్వనాథ – పుస్తకావిష్కరణ

“షార్ట్ స్టోరీస్ ఆఫ్ విశ్వనాథ” అనే శీర్షికతో విశ్వనాథ సత్యనారాయణ గారి కథలని ములుకుట్ల యోగ ఆంగ్లంలోకి అనువదించారు.

ఈ సంకలనం తేదీ: 21 మార్చి 2012 నాడు ఆవిష్కృతమవుతోంది. రేపు సాయంత్రం ఆరు గంటలకి విశ్వనాథ సాహిత్యపీఠం అధ్యక్షులు శ్రీ వెలిచాల కొండలరావు ఆధ్వర్యంలో ఈ పుస్తకావిష్కరణ విశ్వనాథ సాహిత్య పీఠం ప్రాంగణంలో (నీలోఫర్ హాస్పిటల్ వద్ద, రెడ్ హిల్స్, హైదరాబాద్.) జరుగనుంది.

శ్రీ విజయరామారావు పుస్తకాన్ని ఆవిష్కరిస్తారు. శ్రీ మండలి బుద్ధప్రసాద్ సభకి అధ్యక్షత వహిస్తారు. శ్రీ సి.సుబ్బారావు పుస్తకాన్ని పరిచయం చేస్తారు.

ఆహ్వానపత్రికని ఈ లింక్‍లో చూడగలరు.

Related Posts:

“మహార్ణవం” కథాసంపుటికి పురస్కారం

కొల్‌కతాలోని భారతీయ భాషా పరిషద్ 1974లో స్థాపించబడింది.

భారతీయ సాహిత్యం కోసం ఎనలేని సేవ చేస్తున్న సంస్థ ఇది. ఒక భాషలో వెలువడిన పుస్తకాన్నిఇతర భాషలలోకి అనువదింపజేసి, ఆ పుస్తకాన్ని అందరికీ అందుబాటులోకి తేవడం ఈ సంస్థ లక్ష్యాలలో ఒకటి.

అన్ని భారతీయ భాషలలోని సాహిత్యకారులను ఒక వేదిక మీదకి తెచ్చే ప్రయత్నంలో భాగంగా, ఈ సంస్థ 1980 నుంచి వార్షిక పురస్కారాలను అందిస్తోంది.

2011 వ సంవత్సరానికి భారతీయ భాషా పరిషద్, కలకత్తా వారి పురస్కారం – తెలుగులో- సుప్రసిద్ధ రచయిత్రి శ్రీమతి టి.శ్రీవల్లీరాధిక రచించిన “మహార్ణవం” కథాసంపుటికి – ప్రకటించబడింది.

ది 18 – 19 ఫిభ్రవరి 2012 తేదీలలో జరిగిన కార్యక్రమంలో రచయిత్రి ఈ అవార్డుని స్వీకరించారు. రచయిత్రికి అభినందనలు.

మహర్ణవం కథా సంపుటి డిజిటల్ రూపంలో కినిగెలో లభిస్తుంది.

వివరాలకు ఈ క్రింది లింక్‌ను అనుసరించండి.

మహార్ణవం On Kinige

Related Posts:

కినిగెలో రాబోయే ఈపుస్తకాలు

పర్‌స్పెక్టివ్స్ వారి ఈ క్రింది ప్రచురణలు త్వరలో కినిగెలో ఈ-పుస్తకాలుగా లభించనున్నాయి.

  • అల్లం రాజయ్య సాహిత్యం (కథలు) -1
  • అల్లం రాజయ్య సాహిత్యం (కథలు) -2 (సృష్టికర్తలు)
  • సంభాషణ
  • మోదుగుల పూలవనం/ప్రాణహిత
  • కొమరం భీం
  • ఇలా మిగిలేం
  • పతంజలి భాష్యం
  • సహచరులు
  • మన చలం
  • విభిన్న
  • మృగన

Related Posts:

  • No Related Posts

కథా విశ్లేషణ పోటీ!

తెలుగు కథ శతవార్షికోత్సవ కానుక వర్తమాన కథాకదంబం కథాజగత్‌లో 200 కథలు ప్రకటించిన సందర్భంగా తురుపుముక్క తెలుగు బ్లాగర్లకు ఒక పోటీ నిర్వహిస్తోంది.

ఈ పోటీకి తెలుగులో బ్లాగులు నడుపుతున్న ప్రతి ఒక్కరూ అర్హులే. మీరు చేయవలసినదల్లా కథాజగత్‌లోని కథల్లో ఒక కథను ఎంపిక చేసుకుని ఆ కథ మీకు ఎందుకు నచ్చిందో, లేదా ఎందుకు నచ్చలేదో వివరిస్తూ ఆ కథపై మీ విశ్లేషణను ఇచ్చిన గడువులోగా మీ బ్లాగులో ఒక టపా వ్రాసి ఆ టపా లంకెను తురుపుముక్క బ్లాగులో కామెంటు రూపంలో ఇవ్వడమే.

వచ్చిన ఎంట్రీలలో ఉత్తమమైన మూడు విశ్లేషణలను కథాసాహిత్యంలో పేరుగాంచిన న్యాయనిర్ణేతలచే ఎంపిక చేయించి బహుమతులు ఇవ్వనున్నారు.

బహుమతుల వివరాలు:
మొదటి బహుమతి : 2000/- రూపాయల విలువ చేసే కినిగె.కాం వారి గిఫ్ట్ కూపన్
రెండవ బహుమతి : 1000/- రూపాయల విలువ చేసే కినిగె.కాం వారి గిఫ్ట్ కూపన్
మూడవ బహుమతి : 500/- రూపాయల విలువ చేసే కినిగె.కాం వారి గిఫ్ట్ కూపన్
మరియు పాల్గొన్న ప్రతి ఒక్కరికి ఒక ప్రోత్సాహక బహుమతి.

ఈ పోటీలో పాల్గొనడానికి చివరి తేదీ 31-01-2012.

పూర్తి వివరాలకు తురుపుముక్క బ్లాగులోని ఈ టపా చూడండి.

Related Posts:

దర్శనమ్ ఆధ్యాత్మిక వార్తామాసపత్రిక – ఇక నుంచీ కినిగెలో

శ్రీ మరుమాముల వెంకట రమణశర్మ గారి నేతృత్వంలో, మరుమాముల రుక్మిణిగారి సంపాదకత్వంలో ఏడు వసంతాలు పూర్తి చేసుకుని ఎనిమిదో ఏడాదిలో అడుగిడింది దర్శనమ్ ఆధ్యాత్మిక వార్తామాసపత్రిక. భారతీయ దార్శనిక భావాలను నేటికాలపు యువతకు సరళమైన భాషలో అందించడం, మరుగున పడిపోతున్న భారతీయ సాహితీకళకు మళ్ళీ ప్రాచుర్యం కల్పించడం వంటివి దర్శనమ్ లక్ష్యాలలో కొన్ని.

ప్రస్తుత హైందవ యువతలో పురణేతి హాసాలపై కనీస అవగాహన లోపించిన కారణంగా, దర్శనమ్ రామాయణ, భారత, భాగవతాది కావ్యేతిహాస పురాణాలను సరళమైన భాషలో వ్యాసాల రూపంలో, ధారావాహికల రూపంలో – అవసరమైన చోట పద్యాలు, శ్లోకాలను జత చేసి వాటి అర్థ వివరణలను పాఠకులకు అందిస్తోంది. భారతీయ దార్శనిక భావాలను ప్రతిబింబించే రచనలను ప్రచురిస్తోంది. అంతేకాకుండా చిన్న చిన్న కథలతో పాఠకులను భక్తి మార్గంలో నడిపించే ప్రయత్నం చేస్తోంది.

అంతేకాకుండా ఆధ్యాత్మికంగా ఔన్నత్యం సాధించేందుకు, ఆధ్యాత్మిక సాధనలో తగిన పురోగతి సాధించేందుకు అవసరమైన సమాచారం, సూచనలు గొప్ప గొప్ప ఆధ్యాత్మికవేత్తలు, రచయితలు, రచయిత్రలు రచనల ద్వారా అందజేస్తోంది.

పెద్దపెద్ద పత్రికలే బొమ్మల కథలు అందివ్వడం మానేసిన ఈ కాలంలో, దర్శనమ్ పత్రిక అనేక వ్యయప్రయాసలకోర్చి” పాంచాలి”, “రంతిదేవుడు” వంటి కథలను బొమ్మల కథలుగా అందిస్తోంది.

ఈ ఆధ్యాత్మిక, భక్తి మాస పత్రిక ఇక నుంచీ డిజిటల్ రూపంలో ప్రతీ నెల కినిగెలో లభిస్తుంది. తాజా సంచిక కోసం ఈ క్రింది లింక్ చూడండి.

దర్శనమ్ నవంబరు 2011 On Kinige

దర్శనమ్ అక్టోబరు 2011 On Kinige

- కొల్లూరి సోమ శంకర్

Related Posts:

Feeds! Lots of feeds!!

కినిగెపై తేలిగ్గా ఓ కన్నేసి ఉంచండి.

ఇప్పుడు కినిగె మీకు చాలా చాలా రీతుల ఆటం ఫీడ్లు (సంవితరణలు) ప్రవేశపెట్టాము.

 

RSS feed

http://kinige.com/kfeed.php – కినిగె నుండి కొత్త పుస్తకాలు.

http://kinige.com/kfeed.php?entity=books&order=popular – కినిగెపై ప్రముఖ పుస్తకాలు.

http://kinige.com/kfeed.php?entity=comments – కినిగె పై తాజా వ్యాఖ్యలు

http://kinige.com/kfeed.php?entity=books&filter=language&name=TELUGU – తాజా పుస్తకాలు కేవలం తెలుగు భాష నుండి మాత్రమే. (ఇంగ్రీష్ కావాలంటే తెలుగు స్థానంలో ఇంగ్లీష్ ఉంచండి)

ఒక రచయిత నుండి తాజా పుస్తకాలు  (ఉదాహరణకు మధుబాబు పుస్తకాల సంవితరణ  http://kinige.com/kfeed.php?entity=books&filter=author&id=20 )

ఒక ప్రత్యేకమైన పుస్తకంపై వచ్చిన తాజా వ్యాఖ్యలు  (ఉదాహరణకు పరికిణీ పుస్తకంపై వచ్చిన తాజా వ్యాఖ్యలు – http://kinige.com/kfeed.php?entity=comments&filter=book&id=122 )

ఒక ప్రత్యేకమైన రచయితకు వచ్చిన వ్యాఖ్యలు  (ఉదాహరణకు అనిశెట్టి శ్రీధర్ పుటపై వచ్చిన తాజా వ్యాఖ్యలు  – http://kinige.com/kfeed.php?entity=comments&filter=author&id=24 )

 

ఆనంద పఠనం.

 

Related Posts:

హైదరాబాద్ పుస్తక ప్రదర్శన స్టాల్ నంబర్ 156 నుండి ఏమి ఆశించవచ్చు.

కినిగె స్టాల్ హైదరాబాద్ పుస్తక ప్రదర్శన నందు 156వ నంబర్ స్టాల్ నందు కలదు.

ఇక్కడ మీరు

1. చాక్లేట్లు తీసుకోవచ్చు – ఉచితంగా.

2. కినిగె పాంప్లేట్ తీసుకోవచ్చు.

3. లోపలికి వచ్చి కినిగె.కాం సైట్ అంకోపరిపై జల్లించవచ్చు.

4. మీ చిరునామా కార్డు డ్రాప్ చెయ్యవచ్చు.

5. ఇంకా 250 రూపాయల విలువ గల కినిగె గిఫ్ట్ కూపన్లు  కొనవచ్చు.

Related Posts:

  • No Related Posts

పుస్తక ప్రియులకు నమస్కారం!

 

 

.com

 

భారతీయ పుస్తకాల కోసం అంతర్జాల దుకాణం

 

పుస్తక ప్రియులకు నమస్కారం!

కినిగె.కామ్ గురించి:

కినిగె.కాం అంతర్జాలం ద్వారా పుస్తకాలను కొనడానికి మరియు అద్దెకు తీసుకోడానికి వీలుకల్పించే సైటు. ఈ సైటు ద్వారా పుస్తకాలను డిజిటల్ ఫార్మాట్లలో ప్రపంచంలోని ఎవరైనా, ఎక్కడనుండైనా కొనుక్కోడానికి లేదా కొన్నిరోజులపాటు అద్దెకు తీసుకొనడానికి అవకాశం ఉంటుంది.

కినిగె.కామ్ ద్వారా మీకు కలిగే సదుపాయాలు

1. కినిగె.కాంలో పుస్తకాలు డిజిటల్ ఫార్మాట్లలో ఉండటం వల్ల, మీరు ప్రపంచంలో ఎక్కడనుంచయినా పుస్తకాలను కొనవచ్చు లేదా అద్దెకు తీసుకోవచ్చు.

2. మీరు మీ కంప్యూటరులోనే కాకుండా, పుస్తక రీడర్లలో(కిండిల్, ఐప్యాడ్, సోనీ రీడర్ మొ.) కూడా మీ పుస్తకాన్ని చదువుకోవచ్చు.

3. అద్దెకు ఇచ్చిన పుస్తకం గడువు తీరిన తరువాత దానంతట అదే తొలగింపబడుతుంది, దీనివల్ల అద్దెకు తీసుకున్న పుస్తకాన్ని మీరు గుర్తుంచుకుని తిరిగి ఇవ్వాల్సిన అవసరం ఉండదు.

4. ఏదైనా కారణం వల్ల మీరు కొన్న పుస్తకాలను కోల్పోయినట్లయితే, తిరిగి ఈ సైటు నుండి ఉచితంగా దింపుకోవచ్చు.

ఈ సైటు గురించి మరిన్ని వివరాలకు http://kinige.comను దర్శించండి లేదా support@kinige.com లో సంప్రదించండి.

Related Posts: