కౌంటర్‍ఫీట్ కిల్లర్

సుప్రసిధ్ధ రచయిత మధుబాబు కలం నుండి వచ్చిన అద్భుత, సస్పెన్స్ థ్రిల్లర్ “కౌంటర్‍ఫీట్ కిల్లర్“.

మన దేశం ఆర్ధిక వ్యవస్థని చిన్నాభిన్నం చేయడానికి పొరుగుదేశం కుట్ర చేసి దొంగ నోట్లు ముద్రించి, మన దేశంలోకి పంపాలని ప్రయత్నిస్తుంటుంది. ఈ సమాచారం అందుకున్న ప్రభుత్వం స్పెషల్ బ్రాంచ్‍ని రంగంలోకి దించుతుంది. ఈ కుట్రని చేధించడంలోవారు విఫలమవడంతో, ఈ కేసుని సి.ఐ.బికి అప్పగిస్తారు ఆర్ధిక మంత్రి.
ఓ నదిని దాటి షాడో రహస్యంగా పొరుగుదేశంలోకి ప్రవేశిస్తాడు. రకరకాల వేశాలు వేసి దొంగనోట్లను ముద్రించే స్థలాన్ని కనుగొంటాడు. ఎన్నో ప్రమాదాలను ఎదుర్కొంటాడు.

స్పెషల్ బ్రాంచ్ తరపున పొరుగుదేశంలోకి ప్రవేశించిన ఏజెంట్ ఏమయ్యాడు? షాడో ఈ కుట్రని ఎలా అడ్డుకున్నాడు?

ఆసాంతం ఆసక్తిగా సాగిపోయే ఈ నవల డిజిటల్ రూపంలో కినిగెలో లభిస్తుంది. మీ కాపీ నేడే సొంతం చేసుకోడానికి ఇక్కడ నొక్కండి

కౌంటర్‌ఫీట్ కిల్లర్ On Kinige

కొల్లూరి సోమ శంకర్

Related Posts:

‘చీకటి గదులు’ కథపై పి. వి. కృష్ణారావు అభిప్రాయం

చక్కని తెలుగు సాహిత్యం ఆస్వాదించాలనే తెలుగు పాఠకులకు ఒయాసిస్సు లాంటివి త్రిపుర కథలు. రాసి కన్నా వాసి మిన్న అని విశ్వసించిన త్రిపుర గారు 1963 – 1973 మధ్య కాలంలో 13, 1990-91 మధ్యలో 2 కథలు… మొత్తం 15 కథలు వ్రాశారు. వీటిలోని విషయం, శైలి, గాఢత పలు విమర్శకుల ప్రశంసలు అందుకున్నాయి. ఈ కథలు డిజిటల్ రూపంలో కినిగెలో లభిస్తాయి.

ఈ సంకలనంలోని ‘చీకటి గదులు’ కథపై పి. వి. కృష్ణారావుగారి అభిప్రాయం చదవండి.

* * *

“డెప్త్ సైకాలజీకి సత్తావున్న రచయిత ఇచ్చిన సాహిత్య రూపం ఈ చీకటి గదులు. మనో వ్యాపారాల రహస్యాల కోసం, అంతర్బాహిర్జగత్తుల అనుసంధానం కోసం నిరంతరం అన్వేషించే ఓ ఆలోచనాపరుడి స్థితి వర్ణణ అద్బుతమైన నేపధ్యంతో సాగి పోతూంటే కళ్ల ముందు గెలక్సీలు కదుల్తాయి. భావాల మెరుపులకి భాష ఉరుములకి చలిస్తూ, వివరణ అందని చోట ప్రక్షేపణతో (projection) సమాధాన పడుతూ కథ ముగించే సరికి ఆలోచనలు పాత్రల్ని అధిగమించి రచయిత చుట్టూ తిరుగుతాయి.

సలిపే పంటిని నొక్కినా, అచేతనాన్ని తరచినా ధ్యేయం ఒక్కటే. రిలీఫ్. సాహిత్య కళారూపాల సృష్టిలో సైతం కెథారసిస్ వుంటుంది. ఇమడని వర్తమానంలో భాస్కరం, జీవితంలో పరీక్షా సమయం వచ్చినప్పుడు, కోరివచ్చిన కళ్యాణితో మనిషిగా ప్రవర్తించడు. ఆ తిరస్కారంతో ఎన్నుకున్న జీవితంలో సుఖపడలేక, తెగ్గొట్టుకొని తిరిగి వస్తున్న కళ్యాణిని దయతో, తన జీవితంలో మార్పుకోసం కూడా స్వీకరిద్దామని సంకల్పిస్తాడు. కానీ, కసిగా బ్రతికేసే అతని మిత్రుడు శేషు వల్ల అది జరగదు.

ఈ కథాంశం పునాదిగా త్రిపుర నిర్మించిన మనోజ్ఞహర్మ్యాన్ని రేడియం దారుల్లో నడచి అవలోకిస్తాం. వ్యక్తుల ఇన్స్యులేషన్ని, మెంటల్ ప్రావిన్సెస్‌ని సింబలైజ్ చేసే చీకటి గదుల తలుపులు ఆలోచనలతో, అనుభవాలతో మూసుకోవడం…. తెరచుకోవడం… గమనిస్తాం.

నాకు త్రిపుర అన్నా, ఆయన రచనలన్నా వండర్!”

పి. వి. కృష్ణారావు

త్రిపుర కథలు On Kinige

Related Posts:

గన్స్ ఇన్ ది నైట్

ప్రముఖ డిటెక్టివ్ రచయిత మధుబాబు వ్రాసిన మరో సస్పెన్స్ థ్రిల్లర్ “గన్స్ ఇన్ ది నైట్“.

పారిస్‌లో జరిగే ఇంటర్‌పోల్ సమావేశానికి వెళ్ళడానికి సిద్ధమవుతుంటాడు షాడో. ఇంతలో అతనికి మంగోలియా నుంచి ఓ ఉత్తరం వస్తుంది. మిత్రుడు ఖాఖాన్, అతని భార్య సుసీ హత్యకు గురైనట్లు తెలుస్తుంది.

వెంటనే మంగోలియా బయల్దేరుతాడు. తల్లిదండ్రుల హత్యలను తట్టుకోలేని ఖాఖాన్ పిల్లలను కలుసుకుని వాళ్ళకి ధైర్యం నూరిపోసేందుకు, తిరిగి మాములు మనుషులని చేసేందుకు ప్రయత్నిస్తాడు.

వాళ్ళని వెంటబెట్టుకుని గోబీ ఎడారిలో సంచరించాలనుకుంటాడు షాడో. పిల్లలతో కలసి రైలెక్కుతాడు. మార్గమధ్యంలో ఎన్నో ప్రమాదాలు తారసపడతాయి. కొత్త వ్యక్తులు పరిచయం అవుతారు. ఖాఖాన్ దంపతులని చంపిన బందిపోటు ముఠా వెంటబడితే, వాళ్ళని ఏమార్చడానికి ఖాంగాయ్ పర్వత శ్రేణుల వైపు ప్రయాణం సాగిస్తాడు. అక్కడ అనుకోకుండా ఓ లోయలో పడిపోతాడు షాడో. వందల ఏళ్ళుగా ఎవరికి తెలియని ఓ రహస్యాన్ని ఆ లోయలో కనుగొంటాడు.

ఏమిటా రహస్యం? బందిపోట్ల ముఠా అంతు ఎలా చూసాడు? పిల్లలు మాములు మనుషులయ్యారా?

ఆసాంతం ఆసక్తిగా సాగిపోయే ఈ నవల డిజిటల్ రూపంలో కినిగెలో లభిస్తుంది. మీ కాపీ నేడే సొంతం చేసుకోండి.

గన్స్ ఇన్ ది నైట్ On Kinige

కొల్లూరి సోమ శంకర్

Related Posts:

ఇన్స్‌పెక్టర్ షాడో

సుప్రసిధ్ధ రచయిత మధుబాబు వ్రాసిన మరో సస్పెన్స్ థ్రిల్లర్ “ఇన్స్‌పెక్టర్ షాడో“.

దేశంలో వున్న నాయకులందర్నీ హతమార్చి, అలర్లు ఆందోళనలు సృష్టించటడానికి పథకం వేసిందో ముఠా. ఆ అల్లర్ల మధ్యగా మన దేశంలోకి అడుగుపెట్టి సింహాసనాన్ని చేజిక్కించుకోవటం కోసం రెడీగా వున్నాయి మన శత్రుదేశాలు.. వారి ఏజెంట్ల ప్రోత్సహంతో దేశద్రోహులు ఒక భయంకర మరణాయుధాన్ని తయారుచేసినట్లు ప్రభుత్వానికి తెలుస్తుంది.

ఈ పథకం మూలాలు ఉత్తర్ ప్రదేశ్‌లోని ఓ చిన్న పట్టణంలో ఉన్నాయని గ్రహించిన ఆ రాష్ట్ర ప్రభుత్వం షాడోని రంగంలోకి దింపుతుంది. ఓ పోలీస్ ఇన్స్‌పెక్టర్‌లా ఆ పట్టణంలో అడుగుపెట్టిన షాడో కుట్ర పథకాన్ని ఎలా ఛేజించాడు? ఈ ఎస్సైన్‍మెంట్‌లో మిత్రులు ముఖేష్, శ్రీకర్ షాడోకి ఎలా సహకరించారో తెలుసుకోవాలంటే ఈ నవల చదవాల్సిందే.

ఆసాంతం ఆసక్తిగా సాగిపోయే ఈ నవల డిజిటల్ రూపంలో కినిగెలో లభిస్తుంది. మీ కాపీ నేడే సొంతం చేసుకోండి.

ఇన్‌స్పెక్టర్ షాడో On Kinige

కొల్లూరి సోమ శంకర్

Related Posts:

విధిని ఎదిరించిన వీధి బాలలు, పేద పిల్లలు ఈ-బుక్ ఆవిష్కరణ

అభినందన – అప్నాఘర్ సంస్థ రెండు దశాబ్దాలు పూర్తి చేసుకున్న సందర్భంగా ది 10 డిసెంబరు 2011 నాడు హైదరాబాద్ రవీంద్ర భారతిలో జరిగిన కార్యక్రమంలో శ్రీమతి గురజాడ శోభ పేరిందేవి రచించిన “విధిని ఎదిరించిన వీధి బాలలు, పేద పిల్లలు” అనే ఈ-బుక్ ఆవిష్కరించబడింది. కినిగె.కాం రూపొందించిన ఈ ఈ-బుక్‌ని సాంస్కృతిక మండలి అధ్యక్షులు శ్రీ ఎం.వి. రమణమూర్తి ఆవిష్కరించారు.

 

అనిల్ అట్లూరి కినిగె గురించి, ఈ-బుక్స్ గురించి వివరించారు

 

రచయిత్రి శోభ పుస్తకం గురించి మాట్లాడారు.

 

ఈ కార్యక్రమానికి సంబంధించి ఆయా దినపత్రికలలోని వార్తలు ఇక్కడ చూడండి.

ఆంధ్రజ్యోతి దిన పత్రిక

 

ఆంధ్రప్రభ దినపత్రిక

 

ఆంధ్రభూమి దినపత్రిక

 

ఈ పుస్తకం అమ్మకం ద్వారా వచ్చే ప్రతీ రూపాయి, వీధి బాలల, పేద పిల్లల సంక్షేమానికి ఉపయోగిస్తారు. నేడే మీ కాపీని సొంతం చేసుకోండి.

విధిని ఎదిరిస్తున్న వీధి బాలలు, పేద పిల్లలు On Kinige

కొల్లూరి సోమ శంకర్

Related Posts:

వన్స్ ఎగైన్ షాడో

సుప్రసిధ్ధ రచయిత మధుబాబు వ్రాసిన మరో సస్పెన్స్ థ్రిల్లర్ “వన్స్ ఎగైన్ షాడో“.

ఆలీపూర్‌లో దర్బార్ బ్యాంకును గజదొంగ షాడో దోచేసాడనే వార్త గుప్పుమంది. పోలీసులు షాడోని పట్టుకోడానికి ప్రయత్నిస్తుండగానే, ప్రముఖ వ్యాపారి ఖాదిరీమల్ ఇంట్లో భారీ చోరో… ఇదీ షాడో పనే. ఫసల్‌పురాలో పది కోట్లు దోపిడి… దీనికి కూడా షాడోనే కారణమని పోలీస్ యంత్ర్రాంగం అభిప్రాయపడుతోంది. అయితే ఈ దొంగతనాలు షాడో చేయడం లేదని, వేరే ముఠా ఏదో, వేరే ఉద్దేశంతో ఈ పని చేస్తోందని గ్రహిస్తారు సి. ఐ. బి చీఫ్ కులకర్ణి. స్పెషల్ ఆఫీసర్ సింధూర్ షాడోని టార్గెట్ చేస్తుంటే, కులకర్ణి చాపకింద నీరులా మరో పద్దతిలో ఈ కుట్రని ఛేదించడానికి ప్రయత్నిస్తాడు.

ఈ వ్యవహారమంతా షాడో దృష్టికి వస్తుంది. మిత్రుడు గంగారంతో కలసి పోలీసులను తప్పించుకుంటూ, కుట్రదారుల గుంపులో చేరుతాడు.

కుట్రదారుల అసలు లక్ష్యమేంటి? ఇంత భారీ మొత్తంలో వాళ్ళకు డబ్బెందుకు అవసరమైంది? దోచుకున్న ఆ డబ్బుని వారేం చేస్తున్నారు? షాడో ఈ కుట్రని ఎలా అడ్డుకున్నాడు? ఈ ప్రశ్నలన్నింటికీ జవాబులు తెలుసుకోవాలంటే ఈ నవల చదవాల్సిందే.

ఆసాంతం ఆసక్తిగా సాగిపోయే ఈ నవల డిజిటల్ రూపంలో కినిగెలో లభిస్తుంది. మీ కాపీ నేడే సొంతం చేసుకోండి.

వన్స్ ఎగైన్ షాడో On Kinige

కొల్లూరి సోమ శంకర్

Related Posts:

త్రిమూర్తితత్వం శ్రీ దత్తావతారం

మానవ జాతికి త్యాగ మహిమ, త్యాగ ఆవశ్యకత తెలియజేయడానికి దత్త స్వామి అవధూత రూపంలో అవతరించారు. దత్త అనగా ఇచ్చుట. అత్రి మహాముని కుమారుడు ఆత్రేయుడు. దత్తాత్రేయుడు శివావతారం. అత్రి మహామునికి పరమేశ్వరుడిచ్చిన వాగ్దానం ననుసరించి త్రిమూర్తులు కలిసి అత్రి కుమారునిగా జన్మించారని ఇతిహాసం.
త్రిమూర్తులు ముగ్గురు కలిసి అవతార రూపుడు కనుకనే దత్త స్వామి సమస్త సంప్రదాయాలను సమన్వయం చేసే “గురు” సంప్రదాయ ప్రవక్తుడయ్యారు.

* * *
దత్తాత్రేయునది మూడు ముఖములు, ఆరు చేతులు గల రూపం. చుట్టూ వివిధ రంగులలో నాలుగు కుక్కలు, ఒక గోవు ఉంటాయి. ఈ పరివారమంతా, ఒక చెట్టు నీడన ఉంటారు. త్రిమూర్తి తత్వానికి ప్రతీక మూడు శిరస్సులు. ఆరు చేతులలో ఢమరుకం, చక్రం, శంఖం, జపమాల, కమండలం, త్రిశూలం ధరించి ఉంటారు. అజ్ఞానంలో నిద్రిస్తున్న ఆత్మని లేపడానికి ఢమరుకుం, జీవుని కర్మబంధాలను తెంపుటకు చక్రాన్ని, ఓంకారనాదం చేయడానికి శంఖం, తన భక్తులని లెక్కించి వారి నామోచ్ఛారణ మాత్రమునే కైవల్యమొసంగుటకు జపమాల, కమండలంలో గల జ్ఞానామృతంతో జీవుని జ్ఞానతృష్ణ తీర్చి జనన మరణ శృంఖల నుండి విముక్తి కలిగించుటకు, జీవునిలో గల అహంకారాన్ని నాశనమొనరించడానికి శ్రిశూలమని, నాలుగు శునకములు నాలుగు వేదాలకి ప్రతీకలని, ఆవు కామధేనువని, ఆ వృక్షము ఔదుంబర వృక్షమని (మేడి చెట్టు) అది సర్వకామనలు తీర్చునని రహస్య సంకేతాలుగా చెబుతారు.

* * *
శైవ వైష్ణవాది మత సాంప్రదాయానుసారులు తమ తమ సాంప్రదాయానికే చెందినవాడుగా చెప్పుకున్నా, మౌలికంగా ఏకం సద్విప్రా బహుధా వదంతి అని గదా ఆర్షమత విశ్వాసం. అందువల్ల ఈ భేదాలు పట్టించుకున్న వారు లేరు, దత్తోపాసనేకే ప్రాధాన్యమిచ్చారు.

దర్శనమ్ మాసపత్రిక డిసెంబరు 2011 సంచిక నుంచి

(ఈ టపా దర్శనమ్ మాసపత్రిక డిసెంబరు 2011 సంచికలో ప్రసాదవర్మ కామఋషి వ్రాసిన “త్రిమూర్తితత్వం శ్రీ దత్తావతారం” అనే వ్యాసం యొక్క సంక్షిప్త సంగ్రహం).

వ్యాసం పూర్తి పాఠాన్ని దర్శనమ్ మాసపత్రిక డిసెంబరు 2011 సంచికలో చదవచ్చు. దర్శనమ్ మాసపత్రిక డిజిటల్ రూపంలో కినిగెలో లభిస్తుంది.

దర్శనమ్
డిసెంబరు 2011 On Kinige

Related Posts:

మిసిమి డిసెంబర్ 2011 సంచిక – సంపాదకీయం

మిసిమి డిసెంబర్ 2011 సంచిక – సంపాదకీయం

స్వయంకృషితో విద్యనేర్చి, విద్యార్థుల సంక్షేమానికి పునాదులు వేసి, హైద్రాబాదుకే కాకుండా ఇంకా విస్తృతంగా తెలుగునాట సాహిత్య సాంస్కృతిక పునర్వికాసానికి, అవిరళ కృషి సల్పిన వైతాళికుడు సురవరం ప్రతాపరెడ్డి. గోల్కొండ పత్రిక ద్వారా అనేకానేక తెలుగువారి సమస్యలను, స్త్రీ సంక్షేమాన్ని వెలుగులోకి తెచ్చి తన జాతిని మేలుకొల్పిన ధన్యజీవి. రాజకీయాలను ప్రభావితం చేసి ప్రజాసేవకు అంకితమైన త్యాగమూర్తి. సురవరం వారి జీవన ప్రస్థానం రేఖామాత్రంగా ఇస్తున్నాము.

ఒకప్పటి రాష్ట్ర విభజన మూలంగా ప్రక్కరాష్ట్రాలతో కలపబడిన తెలుగు ప్రాంతం వారి ఇక్కట్లు, అక్కడ తెలుగు భాషకి పట్టిన దుర్గతిని ఉద్వేగపూరితంగా ఏకరువు పెట్టారు గుత్తి చంద్రశేఖర రెడ్డి.

నిఘంటువులు, పదకోశాలు తయారు చేయవలసింది విశ్వవిద్యాలయాలు, అకాడెమీలు, కానీ తెలుగు వారికి మొదటి నుంచి ఒకరిద్దరు వ్యక్తులే శ్రమకోర్చి ఈ కార్యం నెరవేరుస్తున్నారు. అనువాదకులకు, భాషాశాస్త్రం అధ్యయనం చేసే విద్యార్థులకు ఎంతో ఉపయుక్తమైన తెలుగు – ఇంగ్లీషు నిఘంటువును తయారు చేసింది ఇద్దరు వ్యక్తులే! వారు జె.పి. ఎల్. గ్విన్, వెంకటేశ్వర శాస్త్రి.

పుస్తకాల ప్రభావం ఎంతగా ఒక వ్యక్తిని తీర్చిదిద్దుతుందో కవి శివారెడ్డి తన వ్యాసంలో విపులీకరించారు. ఈ దిశలో రచయితల నుంచి మరిన్ని వ్యాసాలు ఆహ్వానిస్తున్నాం.
తెలుగు వచనపు పరిమళాన్ని – తెలుగు వాక్యపు నడకలోని సోయగాన్ని శ్రీపాదవారి రచనలలోనే చూడాలి. శ్రీపాద, ప్రబంధపద్య పండితుల అహానికి కించపడి తెలుగు వచన రచనకు ఉపక్రమించారు.

తెలుగు లెంకగా ప్రసిద్ధి చెందిన తుమ్మల సీతారామమూర్తి 111వ జయంతి. వారు తెలుగు భాషకు, తెలుగుజాతికి తెచ్చిన పేరు ప్రతిష్ఠలను ఎంతో చక్కని శైలిలో తెలియజేసారు గెల్లి రామమోహనరావు.

స్త్రీ స్వేచ్ఛకు ప్రతీక టంగుటూరి సూర్యకుమారి. తన బహుముఖ ప్రతిభతో ప్రపంచాన్ని గెలవడమే కాదు – తెలుగు బావుటా దశదిశలా ఎగురవేసిన సుకుమారిని 86వ జయంతి సందర్భంగా గుర్తు చేసుకుంటున్నాము.

చిత్రకళ మానవ చరిత్రతో ముడిపడి ఉంది. దాదాపు 50 వేల సంవత్సరాలనాడే గీతలు మొదలయి, కాలక్రమేణా సప్తవర్ణాల సమ్మేళనంతో సుసంపన్నమయిన చిత్రకళా చరిత్రను మిసిమి, పాఠకులకు అందిస్తున్నది.

నేతాజీ ఉత్తరాలు చదివి, దేశ స్వాతంత్ర్యం కోసం ఆనాటి నాయకులు చేసిన త్యాగలు, బలిదానాల వెలుగులో ఈనాటి దేశ పరిస్థితులను మనం చూస్తే ఆందోళనకు గురి కావడమే కాదు, సిగ్గుతో తలదించుకోవలసిన దుస్థితి ఇది.

– సంపాదకులు

మిసిమి డిసెంబర్ 2011 సంచిక డిజిటల్ రూపంలో కినిగెలో లభిస్తుంది.

మిసిమి డిసెంబరు 2011 On Kinige

మిసిమి వార్షిక చందాపై తగ్గింపు!! వివరాలకు ఈక్రింది లింక్ చూడండి.

Misimi 2011 Subscription On Kinige

Related Posts:

‘సఫర్’ కథపై స్మైల్ అభిప్రాయం

చక్కని తెలుగు సాహిత్యం ఆస్వాదించాలనే తెలుగు పాఠకులకు ఒయాసిస్సు లాంటివి త్రిపుర కథలు. రాసి కన్నా వాసి మిన్న అని విశ్వసించిన త్రిపుర గారు 1963 – 1973 మధ్య కాలంలో 13, 1990-91 మధ్యలో 2 కథలు… మొత్తం 15 కథలు వ్రాశారు. వీటిలోని విషయం, శైలి, గాఢత పలు విమర్శకుల ప్రశంసలు అందుకున్నాయి. ఈ కథలు డిజిటల్ రూపంలో కినిగెలో లభిస్తాయి.

ఈ సంకలనంలోని ‘సఫర్’ కథపై స్మైల్ గారి అభిప్రాయం చదవండి.

* * *

“ఒక విప్లవ కారుడి కథ యిది కొంత మనిషి కథ, చాలా ఎక్కువగా మనసు కథ. ఇతనికి భార్యా, పిల్లలూ వున్నారు. స్టీరియో సంగీతం, రికార్డులు వున్నాయి, అతను వున్న ప్రదేశానికి రెండు వేల మైళ్ళ దూరంలో, బాబీ, మన్నాసింగ్, మోసీన్, అనిల్, త్రిపాటీ, అందరూ రాజకీయాల్తో ప్రమేయం వున్నవాళ్ళే- దృక్పథాల్లో కొంచెం తేడాతో, బాబీ ట్రేడ్ యూనియనిస్ట్, మన్నాసింగ్ సాయుధ విప్లవాన్ని నమ్మిన నక్సలైట్, బాబీ భార్య మున్నీ, ఓ పిల్లాడి తల్లి, మున్నీ అంటే విప్లవ కారుడుకి విపరీతమైన ప్రేమ- లోపల్లోపల. జీవితంలో వీళ్ళందరి ప్రయాణమే – సఫర్.

ఇదీ యీ కథ ఔట్ లైన్. స్వగతంలో కథ సాగుతుంది కాబట్టి ‘అనగనగా’ కథల్లా మొదలవదు. ‘అందరూ సుఖంగా వున్నారు’ అంటూ అంతమవదు. మొదటి వాక్యం నుంచే విప్లవ కారుడి, మానసిక ప్రపంచంలోకి వెళ్ళాలి మనం. ఇతనికి బాబీ భార్య మున్నీ అంటే చాలా ప్రేమ అని కూడా వెంటనే తెలుస్తుంది మనకి. ఆవిడకీ ఇతనంటే అభిమానం వున్నట్టే కన్పిస్తుంది. ఇతనికి విపరీతమైన గిల్టీ ఫీలింగ్. స్నేహితుడికి ద్రోహం చేస్తున్నానేమోనని. దూరంగా వున్న తన వేయి కళ్ళ సుశీలకి ద్రోహం చేస్తున్నానేమోనని. విప్లవానికి ద్రోహం చేస్తున్నట్లు అతను అనుకుంటున్నట్లు కన్పించదు – విచిత్రం! ఎందుకంటే – ‘ఏ దేశంలోనైనా. ఏ మనిషేనా, ఏ కారణానికేనా రోదిస్తుంటే నీ హృదయం వింటుంది, నీ మనసు దానికి కంపిస్తుంది’ – అని అనుకుంటాడు. కథంతా కూడా, ఇతని ఆలోచన అంతా కూడా – మున్నీ చుట్టే తిరుగుతూ . మున్నీ అంటే ‘దాహం’ తన ‘దాహంలో ద్రోహం’ అనుకుంటాడు- విస్కీ మత్తులో. అతను చాలా చీకటిగా ఆలోచించ గలడన్న సంగతి మనకి కథ మొదటే తెలుస్తుంది. ‘నువ్వు సీజర్‌వి కావు’. అని అనుకుంటాడు తన గురించి మొట్టమొదటే – వెంటనే ‘జూడాస్‌వి అవగలవు కాని, అది కూడా యిప్పటి దాకా’ అని వెంటనే అనుకుంటాడు. ఈ రెండు ముక్కల్లో అతని మానసిక స్థితిని తెలుసుకోవచ్చు. విస్కీతో తనలో ఎన్నో గదుల్ని ఆవిష్కరించుకుంటాడు. లోనికెళ్తాడు. వస్తాడు – గ్లూమీగా? మున్నీ కావాలి – వద్దు – కావాలి – వద్దు – స్నేహితుడికి ద్రోహం చెయ్యాలా?వద్దా? చేస్తేయేం ? వద్దు చెయ్యలేను. జూడాస్‌వి అవగలవు కాని, అవవు, ‘అది నీ డెస్టినీ.’ అని జాలిపడి సరిపెట్టుకుంటాడు. మానసికంగా అదొక డెస్టినీ. ఇదే కాదు అతని డెస్టినీ. భౌతికంగా యింకోటి కూడా వుంది. అది ‘దైన్యపు రంగుల్లో’ కన్పించే భారత దేశం. దాన్ని ఓ దరి చేర్చడం, దానికి ఓ దారి చూపించడం ఆ ప్రయత్నంలో ప్రయాణం! యితనూ, యింకా ఇతని ఇతర అండర్‌గ్రౌండ్ కామ్రేడ్స్. అతనికి విప్లవమూ కావాలి, మున్నీ కావాలి. ‘ఇయ్యి. నీలోనిదంతా ఇయ్యి’- అని విషాదంగా అనుకుంటాడు. బాబీ కుటుంబ స్వచ్ఛమైన పాలు- “ఆ పాలలో నీ…” అని అసంపూర్తిగా, అయిష్టంగా తన గురించి జాలిగా అనుకుంటాడు. యిదంతా ఒక ముడి ఎవరూ విప్పలేరు. అని సమాధాన పర్చుకుంటాడు. ఇలా కథంతా కూడా ఇతని గిల్టీ ఫీలింగే. దేశానికి మార్గాలు ఏర్పరిచిన వాడు తను – ఓ కుటుంబం ప్రయాణించే దారిలో అడ్డుగా పడిన వృక్షంలా యేమిటిది? మెహ్రోత్రాలో రాజకీయ జూడాస్‌ని పసికట్టాననుకున్న అతను, తన జీవితంలో తనదైన ద్రోహచింతనని తియ్యగా చేదుగా అనుభవిస్తాడు. దేశానికి మార్గాలు చూపిస్తున్న తను, ఆ మార్గంలో ప్రయాణం చేయాలి కనుక – ఆ మార్గం నుంచి, వ్యామోహమార్గంలోకి చీలిపోకూడదు కనుక-మున్నీని వదలి పోవాలి. బాబీని వదలిపోవాలి. గిల్టుని, సిన్‌ని వదలిపోవాలి. ఓ జవాబును వెతుక్కుంటూ వెళ్ళిపోవాలి. వెళ్ళిపోతాడు. ‘తుఫాన్-మెయిల్లో’ వెళ్ళాల్సినవాడు ఓ మామూలు మెయిల్లోనే వెళ్ళిపోతాడు. ప్రయాణం సాగుతుంది. సఫర్. అది భౌతికమూ మానసికమూ.

అతని ఏ శరీర సౌఖ్య లోపం వల్ల ఇంత చీకటి ఆలోచనలు వచ్చాయో, యింత వూగిసలాట వచ్చిందో మనం గ్రహించ గలం. చాలామంది విప్లవ కారుల జీవితాల్లో చాటున కన్పించే నిజమే యిందులోనూ కన్పిస్తుంది. విప్లవకారులూ మనుషులే కాబట్టి యిలాంటి యిబ్బందులూ వస్తాయి. కొందరు సరిపెట్టుకుంటారు, కొందరు సరిపెట్టుకోరు. కొందరు ప్రయాణం సాగిస్తారు, కొందరు మానేస్తారు. కొందరు వీటన్నిటితోనూ పడుతూనో లేస్తూనో ప్రయాణం సాగిస్తారు. జీవితంలో యిలాంటి వాళ్ళని యెందర్నో మనం ఎరుగుదుం? ఈ కథలో విప్లవ కారుడు మనసులో ఎన్న చక్కర్లు కొడతాడు. చీకటి గదుల్లోకి వెళ్లివస్తాడు. బాధ పడతాడు, బయట పడతాడు. ప్రయాణం సాగిస్తాడు.

త్రిపురగారు ఆయనకే చేతనైన ఆయన పద్ధతిలో కథని ప్రయాణం చేయిస్తారు. ఓ చిన్న కొండెక్కడం లాంటిది ఆయన కథ చదవడం. కొండెక్కిన తర్వాత ఎంత రిలీఫో, ఎంత గాలో, ఎంత దృశ్యమో. సాఫీగా, తాపీగా సాగే కథలకి అలవాటు పడ్డ వాళ్ళు కూడా త్రిపుర గారి కథల్లోకి వస్తే, కథ అయ్యేంత వరకూ బయట పడలేరు. ఆ గ్లూమ్‌ని, ఆ స్టయిల్‌ని, ఆ వాతావరణాన్ని వొదిలి రాలేరు. ఆయన కథల ‘సఫర్’లో పడిన వాళ్ళ కెవరికైనా తెలుస్తుంది.”

స్మైల్

త్రిపుర కథలు On Kinige

Related Posts: