షాడో! షాడో!! షాడో!!!

డైనమిక్ రైటర్ మధుబాబు కలం నుంచి జాలువారిన థ్రిల్లర్ “షాడో! షాడో!! షాడో!!!

ఇది షాడో గజదొంగగా జీవిస్తున్నప్పటి కథ. “రన్ ఫర్ ది బోర్డర్” నవలకి ఇది కొనసాగింపు.

షాడోని పట్టుకోవాలని నీడలా వెంటాడుతున్న సి.ఐ.డి. ఆఫీసర్ ఫెర్నాడెంజ్ కన్నుగప్పి పారిపోతుంటారు షాడో, గంగారాంలు. పాకిస్తాన్ పారిపోవాలనే ఉద్దేశంతో వాళ్ళిద్దరూ ఒక్కో ఊరుని దాటుతూ, అక్కడి ఘరానా దొంగలని దోచుకుంటూ ముందుకు సాగుతుంటారు. పోలీసులు సైతం మారువేషాలు వేసుకుని వాళ్ళిద్దరిని అనుసరిస్తూంటారు.

సీతాపూర్ అనే ఊర్లో హర్బజన్ సింగ్ అనే కాంట్రాక్టర్ ఇంటి మీద దాడి చేస్తారు షాడో, గంగారం. అతడు కాంట్రాక్టుకి తీసుకున్న వంతెన నిర్మాణంలో కూలీలను దారుణంగా మోసం చేస్తున్నాడని విన్న షాడో అతనికి బుద్ధి చెబుతాడు. ఇక్కడ్నించి తప్పించుకునే క్రమంలో ఫెర్నాండెజ్‌కి దాదాపుగా దొరికిపోయినంత పని అవుతుంది.

అసహాయులకు సాయం చేయాలనే తన లక్షణాన్ని వదుల్చుకోలేని షాడో ఓ మధ్యవయస్కుడి మాయమాటలు నమ్మి అతనికి సాయం చేసి, అతని ఇంటికి వెళ్ళి అక్కడ పోలీసులకు చిక్కుపడతాడు. తను మళ్ళీ ఇరవై నాలుగు గంటలలో తప్పించుకుంటానని ఫెర్నాండెజ్‌తో పందెం వేస్తాడు షాడో. మరి తప్పించుకోగలిగాడా? ఎలా తప్పించుకున్నాడు? షాడోకి ఎవరు సాయం చేసారు?

ఈ ఎస్సైన్‌మెంట్‌లో సి.ఐ.బి చీఫ్ కులకర్ణి తనకు తానుగా ఎందుకు కలగజేసుకోవాల్సి వచ్చింది? షాడోని పట్టుకుని ఏం చేయలనుకుంటున్నారాయన? షాడోకీ నాగదేవతలకీ ఉన్న సంబంధం గురించి కులకర్ణి ఎలాంటి కథలు విన్నారు? నాట్యరాణి చాందినీకీ షాడోకి మధ్య ఉన్న సంబంధం ఏమిటి? పాకిస్తాన్‌లో అడుగుపెట్టిన షాడో అక్కడ నరమేధం ఎందుకు సృష్టించాడు? ఇండియా పోలీసులనే కాకుండా పాకిస్తాన్ సైన్యాన్ని సైతం షాడో ఎందుకు ముప్పతిప్పలు పెట్టాడు?

ఈ ప్రశ్నలన్నింటికీ సమాధానం ఈ రోమాంచక నవలలో లభిస్తాయి.

చివరిదాక ఆసక్తికరంగా చదివించే “షాడో! షాడో!! షాడో!!!” నవల డిజిటల్ రూపంలో కినిగెలో లభిస్తుంది. మరిన్ని వివరాలకు ఈ క్రింది లింక్‍ని అనుసరించండి.

షాడో! షాడో!! షాడో!!! On Kinige

Related Posts:

కాకతీయుల పౌరుషం… రెడ్డి రాజుల ప్రతాపం…

ఇది వీరభద్రారెడ్డి కథ

ఇది రాణీ రుద్రమ గాథ

ఇది గోనగన్నారెడ్డి ఆట

ఇది చెంచుల సమరభేరి

ఇది పొన్నమ్మ ప్రాణసఖుని కథ

ఇది వీరభద్రారెడ్డి కథ

25శాతం ప్రత్యేకమైన తగ్గింపుతో ఈపుస్తకం పొందటానికి ఇప్పుడే ఇక్కడ నొక్కండి. త్వరపడండి, ఈ అవకాశం కొద్దిరోజులు మాత్రమే.


వీరభద్రారెడ్డి On Kinige

అంతే కాకుండా ఇప్పుడు కినిగె మీకు ఈపుస్తకం కొనుగోలుపై క్యాష్ బ్యాక్ ఆఫర్ కూడా ఇస్తుంది. ఈ అవకాశం కేవలం కొద్ది రోజులు మాత్రమే త్వరపడండి. వీరభద్రారెడ్డి ఈపుస్తకం కొనుగోలు చెయ్యడానికి ఇప్పుడే ఇక్కడ నొక్కండి.

ఈపుస్తకం కొనుగోలు చెయ్యగానే మీకు Veerabhadrareddy by Madhubabu eBook coupon అనే ఈమెయల్ వస్తుంది. ఆ మెయిల్ మీరు మీ స్నేహితులకు ఫార్వార్డ్ చేసి వారికి డిస్కౌంట్ అందించండి, అంతే కాకుండా మీ స్నేహితులు ఆ కూపన్ వాడిన ప్రతీసారి మీకు క్యాష్ బ్యాక్ వస్తుంది.

త్వరపడండి నేడే ఈ అద్భుతమైన చారిత్రక నవల 20శాతం ప్రత్యేకమైన తగ్గింపుతో మీ స్వంతం చేసుకోండి. ఇప్పుడే దర్శించండి వీరభద్రారెడ్డి హోం పేజీ కినిగెపై

Related Posts:

  • No Related Posts

రమణ కవిత్వంలో తాత్వికస్వరం (జడి సమీక్ష)

తాత్వికపరమైన గాఢత వున్న కవిత్వం మరల మరల చదివిస్తుంది. కవిత్వం చదివిన తాలూకూ అనుభూతి హృదయాన్ని అంటిపెట్టుకుని వుంటుంది. లోలోపలి ప్రపంచాన్ని కుదుపు కదిపి కుదుపుతుంది. ఆలోచనాస్రవంతిలో మిళితమై వెన్నంటి వుంటుంది. ఈ తరహా కవిత్వం అరుదు. దానిని గుర్తుపట్టడం అంత సులువు కాదు. కవిత్వ పాఠకుడు ఓపెన్‌గా ఉండాలి. ముందస్తు అభిప్రాయాలకు తావు ఇవ్వకుండా వాచకంలోకి ప్రయాణించాలి. అలాంటప్పుడే ఈ అరుదైన కవిత్వం తాలూకు గాఢత మనసుని ఆవరిస్తుంది.

కవిత్వమూ, వచనమూ కాక, కేవలం వాగాడంబరంతో కూడుకున్న మాటలు కవిత్వం పేరుతో పుస్తకాలుగా పొగడబడుతున్న కాలాన కె.ఎస్.రమణ రాస్తున్న కవిత్వం వైపు చూపు సారించే పాఠకులకు ఉందా అనిపించింది. కానీ, పాఠకుల్ని శంకించలేము. నిజాయితీగా, నిర్మమకారంగా రమణ కవిత్వ పుస్తకం ‘జడి‘ని ఒక రాత్రి చేతిలోకి తీసుకుని చదివితే కవి సంవేదన, అభివ్యక్తి వైచిత్రి మెల్లమెల్లగా మానసిక ప్రపంచాన్ని అలముకుంటాయి. వడ్డెర చండీదాస్‌కి ప్రేమతో అంకితమిచ్చిన పుస్తకమిది.

జీవితానికీ, సమాజానికీ ఆవల ఉన్న కవిత్వం కాదు ఇది. మన లోపలితనాన్ని, ఆ లోపల వున్న శూన్యాన్ని మనకు గుర్తు చేసే ప్రయత్నం ఈ కవిత్వంలో వుంది. మార్కెట్ ముద్ర వేసిన బతుకు నమూనాలలో కూరుకుపోయి, అదే జీవితంగా భ్రమసే వారి డొల్లతనాన్ని తేటతెల్లం చేసే తీరు ఈ కవిత్వాన్ని సాంద్రతరం చేసింది. మార్కెట్ బీభత్సం మనుషుల్ని ఏం చేస్తుందో ఆవేశంతో కాక సంయమనంతో చెప్పడం, పదునుగా చెప్పడం రమణ కవిత్వంలో చూస్తాం.

కలలు చనిపోతున్న కఠోర వాస్తవాన్ని చెబుతారు. ఒంటరిగా మరణిస్తున్న ప్రేమికుల గురించి పలవరిస్తారు. రుచించడం మానేసిన జీవితాన్ని ఎలా జీవిస్తారని ప్రశ్నిస్తారు. మార్కెట్ మూసల్లో కుదించుకుపోతున్న మనుషుల గురించి బెంగపడతారు. అప్రయత్నంగా నవ్వడం మరచిపోయిన విషాదం ఎంతటి భయానకమైనదో గుర్తు చేస్తారు.

జీవితానికి సంబంధించిన నికార్సైన స్పృహ వుంది రమణలో. ‘దర్శనం’ అనే కవిత రమణకు ఉన్న ఎరుక ఎలాంటిదో చెప్పడానికి ఓ ఉదాహరణ.
“జీవన రాస రసకీలల్లో
నన్ను పోగొట్టుకున్న ప్రతీక్షణమూ
నీలో నన్ను పొంది ధ్వనించాను” అంటూనే అక్కడే ఆగిపోకుండా ఇంకా ఇలా అంటాడు:
“లేదు ప్రియా…
నువువ్ నీ పెదిమ వొంపులో
రొమ్ము బరువు నీడలో
మధుర తన్మయంగా
యెంత తృప్తినీ కల్గించనీ
లలితగాఢంగా
యెంత శాంతిని అందించనీ
మన ప్రేమ యెంత నిజమో
మన వొంటరితనం అంతే నిజం”.

ఇక్కడ చెబుతున్న ఒంటరితనం ఏకాకితనం కాదు. మనిషి అస్తిత్వానికి సంబంధించిన సంవేదనగా చూడాలి. “నువ్వు నేను ఒకటేనని” ఎవరెన్ని పలికినా ఎవరి అస్తిత్వం వారిదే. ఎవరి అనుభూతి వారిదే. ఎవరి కలలు వారివే. ఎవరి వొంటరితనం వారిదే. ‘వొంటరితనం’ అనే మాటని ప్రతికూలమైనదిగా చూడక్కర్లేదు. మానవ అస్తిత్వానికి సంబంధించిన స్పృహ ఇది. మానవ సంబంధాలు, సామాజిక సంబంధాలు సవ్యమైన దిశగా సాగడానికి ఈ రకమైన ఎరుక తోడ్పడుతుంది.

అందుకే రమణ పలవరిస్తున్న తాత్వికాంశాలు జీవన సంఘర్షణలకు, సామాజిక సంవేదనలకూ ఎడంగా ఉన్నవి కావు. నిజానికి వాటి పట్ల మరింత స్పష్టత, సంలీనత వున్న కవి రమణ. మనిషి జీవనసారాంశాన్ని ఉన్నతీకరించే ప్రయత్నం రమణ కవిత్వంలో కనిపిస్తుంది. ‘మెరవణి’, ‘మన్నెపుబాట’, ‘మొదటి నుంచీ….’ ‘సంఘం శరణం గచ్ఛామి’, ‘అద్దంలో రెండు’, ‘నిరసన’, ‘వీలునామా’, ‘వొక నల్లటి ప్రేమగీతం’, …. మొదలైన కవితలు చదివితే రమణ కవిత్వంలోని వస్తువిస్తృతి, శైలీ వైవిధ్యం బోధపడతాయి.

ఆవేశకావేశాల వ్యక్తీకరణనే కవిత్వం అనుకుంటే పొరపాటు. అభివ్యక్తిలో సంయమనం, నింపాదితనం, కచ్చితత్వం మిళితమై వున్నప్పుడు ఆ కవిత్వం పాఠకుడ్ని కదిలిస్తుంది. ఈ స్పృహ వున్నందునే తన ఉద్వేగాల్ని వాచ్యం చేయలేదు. పదాలకు సొగసులద్దారు. వాక్యాలకు జీవశక్తిని ఇచ్చారు. సున్నితమైన స్పందనల్ని మృదువుగా చెబితే ఉండే అందం ఏమిటో తెలిసిన కవి రమణ. ఈ సౌందర్యాన్ని ఆస్వాదించే గ్రహణశక్తి, అభిరుచి వున్నవారికి రమణ కవిత్వం తాదాత్మ్యానికి లోను చేస్తుంది. అందుకే రమణ కవిత్వాన్ని చదవాలి.

కిరణ్‌‌కుమార్
పాలపిట్ట జులై 2012 సంచిక

* * *

“జడి” డిజిటల్ రూపంలో కినిగెలో లభిస్తుంది. మరిన్ని వివరాలకు ఈ క్రింది లింక్‌ని అనుసరించండి.
జడి On Kinige

Related Posts:

‘అసలు’ వీళ్ళు తెలుగువాళ్లే కదూ?

తెలుగు భాషా దినోత్సవ కానుక.

బూదరాజు రాధాకృష్ణ గారి తెలుగు సంగతులు అనే ఈపుస్తకంపై 40శాతం ప్రత్యేక తగ్గింపు.

త్వరపడండి, కేవలం రెండు రోజులే ఈ ప్రత్యేక తగ్గింపు. ఈ ప్రత్యేక తగ్గింపు గురించి మరిన్ని వివరాలకోసం ఇక్కడ నొక్కండి

తెలుగు సంగతులు 40 శాతం తగ్గింపునకు On Kinige

‘అసలు’ వీళ్ళు తెలుగువాళ్లే కదూ? ‘అసలు’ తెలుగుకాదు. హిందీ నుంచి వచ్చింది. తెలుగు మాట అసలుకు బురద అని అర్థం! అవునో కాదో తేల్చుకోవటం మంచిదేకదా. మాటలనుబట్టి కళ్లు, ముక్కు, చెవులు, కనుబొమ్మలు, పెదిమలు, చెంపలు, నుదురు, నోరు, మెడ, తల, గుండె, పొట్ట, బొడ్డు, చేతులు, కాళ్లు, వేళ్లు, గోళ్లు, అడుగులు, అరచేతులు, జుట్టు, కొప్పు, మీసం, గడ్డం, దవడలు, కణతలు, చివరికి వెంట్రుకలు కూడా తెలుగు మాటలేగాని ఇల్లాలి ‘జడ’ సంస్కృతంలోని ‘జట’ నుంచి వచ్చిన మాట…..

విషయసూచిక

  1. భాష
    1. మన తెలుగులో తెలుగెంత?
    2. స్వాతంత్ర్య సమరం : కొత్తమాటల పుట్టుక
    3. ప్రాచీన సాహిత్య భాష
    4. శాసన పరిశోధకులుగా ప్రభాకరశాస్త్రిగారు
  2. సాహిత్యం
    1. విషాద నాటకమా? విషాదాంత నాటకమా?
    2. విషాద నాటకము – లక్షణాలు
    3. స్వాతంత్ర్య సమరంలో తెలుగువారి జాతీయ కవితలు
    4. తెలుగు సాహిత్యంలో జాతీయత, ఉపజాతీయత, అంతర్జాతీయత
    5. తెలుగులో సాహిత్య విమర్శ
    6. అవధాన ప్రదర్శనలు
  3. గ్రంథ సమీక్షలు
  4. అనుబంధం : ఇంటర్వ్యూలు

తెలుగు సంగతులు 40 శాతం తగ్గింపునకు On Kinige

Related Posts:

  • No Related Posts

నిజానికివి వేట కథలు (పర్యావరణ కథలు – సమీక్ష)

ప్రఖ్యాత కన్నడ రచయిత కువెంపుగారి కుమారులైన పూర్ణచంద్ర తేజస్వి అనతికాలంలోనే తన రచనల ద్వారా తండ్రిని మించిన తనయుడిగా పేరుపొందారు. పూర్ణచంద్ర తండ్రి ప్రభావం తనమీద పడకూడదన్నట్లుగా రామమనోహర్ లోహియా, లోక్‌నాయక్ జయప్రకాశ్ నారాయణగార్ల సమాజవాద సిద్ధాంతాల ఆకర్షణకు లోబడి కులాంతర వివాహం చేసుకుని రైతుపోరాటాల్లో ముఖ్యపాత్ర నిర్వహిస్తూ, ఘోరారణ్యం చెంతన పొలం కొని కాఫీ ఎస్టేట్‌గా దాన్ని మలచి ఎక్కువ శాతం తన హాబీలైన ఫోటోగ్రఫీ, పరిసర అధ్యయనం, భూమిపుత్రుల జీవితాలు, సంగీతం, చిత్రలేఖనం, మొదలైన వాటిలో మునిగి వీలు కుదిరినప్పుడు రచనల్ని చేస్తుండేవారు. కాఫీ ఎస్టేట్ వేసేందుకు వచ్చిన రచయిత తుపాకీ భుజం మీద వేసుకుని రోజంతా టామీ అనే కుక్కతో అడవిలో శికారు చేయడం దినచర్యగా మారింది. అలా అక్కడ ఉంటూ అడవితో పొందిన అనుభవాల్ని ఇలా కథల రూపంలో అందించారు.
మలైనాడులోని అడవి, వన్యప్రాణులు, వేట గురించిన ఆసక్తికరమైన విషయాలను ఈ కథల్లో రికార్డు చేశారు. ఇందులో రచయిత అతని వద్ద పనిచేసే ప్యారడు, మారడు, టామీ అనే పెంపుడు కుక్క ప్రధాన పాత్రలుగా ఈ కథనాలు కొనసాగుతాయి.

ఒక రాత్రి అడవిలో మొరుగుతున్న టామీ అరుపులు విని వెళ్ళిన రచయితకు, అది ‘ఉడుం’తో చేస్తున్న పోరాటం కనిపిస్తుంది. ఆ ఉడుంను పట్టుకుని తాడుతో చెట్టుకి కట్టివేస్తే, అది పాక్కుంటూ చిటారు కొమ్మను చేరుకుంటుంది. తాడుతో దాన్ని ముగ్గురు గుంజినా కిందపడదు. దాంతో ఉడుం పట్టు అంతే ఏమిటో తెలిసివస్తుంది. ఈ కథలో ఉడుం జీవన విధానం గురించి, దానికి సంబంధించిన ఎన్నో విశేషాల గురించి సందర్భోచితంగా వివరిస్తారు. “టామీతో ఒకరోజు” కథలో ఇంగ్లీష్ రీడరిఅన మిత్రుడొకరు శ్రీరామ్‌తో కలసి అడవికి వేటకెళ్ళి అడవి పందిని కొట్టుకొచ్చిన విధానాన్ని కళ్ళకు కట్టినట్లుగా చిత్రీకరించారు. అడవి జంతువులు విపత్కర పరిస్థితులలో అసాధారణంగా మసలుకుంటాయనీ వాటి గురించి, వాటి “దెయ్యం కోడి” లో చూడవచ్చు. ప్రతీ వేసవిలో రచయిత ఇంటివద్ద ఎదురయ్యే పాముల నుంచి ఎన్నో నష్టాలను ఎదుర్కొంటారు. ఒక వేసవిలో నాగుపాము సృష్టించిన భయోత్పాతాన్ని, దాన్ని చివరకు ఎలా పట్టుకున్నారో ఆసక్తికరంగా వివరించే కథ “కాళప్పగారి కోబ్రా”. అయిదు గ్రామాలను పీడించే కోతుల సమస్య గురించి చర్చించిన కథ “గాడ్లి”. రామలక్షమ్మగారి తోట మేనేజర్‌గా పనిచేస్తున్న గాడ్లి కోతులను పారద్రోలడానికి పడిన పాట్లను, ఆయన భంగపాటును ఈ కథ వివరిస్తుంది. ఒక్కొక్క వన్యప్రాణికి ఒక్కొక్క రకమైన విచిత్ర రక్షణ తంత్రం ఉంటుంది. కప్పలు, తాబేలు, అడవిపంది అవలంబించిన రక్షణ విధానాలు “చెరువు ఒడ్డున” గమనిస్తున్న రచయిత దృష్టి నుండి తప్పించుకోలేకపోతాయి. దెయ్యాలు ఉన్నాయో లేవో తేల్చడానికి స్మశానికి వెళ్ళివస్తుండగా, చిన్న గజ్జి కుక్కపిల్ల వెంటబడుతుంది. దెయ్యమే ఆ రూపంలో వస్తుందని, దాన్ని వదిలించుకోవాలని ఎంతగా ప్రయత్నించినా అది వెంటబడడాన్ని “మాయామృగం”గా వర్ణిస్తారు. అనేక సందర్భాలలో ప్రాణులు మరియు వృక్షాలకు సంబంధించిన ఎన్నో కథలు నిదానంగా జనం మనస్సుల నుంచి తొలగిపోయినా, అప్పుడప్పుడు వాటి మీద కలిగే ఇష్టాయిష్టాల నుంచి అవి జనం మనసులో అలాగే ఉండిపోతాయి. కొన్నిసార్లు ఏదో కథలోని దృష్టాంతం నిరూపణగా లేకపోయినా, కొన్ని జంతువుల నడవడిక మీద ఏర్పడే దురభిప్రాయాలు అలాగే ఉండిపోతాయని అనేక ఉదాహరణలో వివరించిన కథ “సైతాన్ నుంచి ప్యారడికైన నష్టం”, “సుస్మిత మరియూ చిన్న పక్షిపిల్ల” కథలు పక్షుల ఫోటోలు తీయడం ఎంత కష్టమో, వాటిని సాకడం కూడా అంతే కష్టమని రచయిత తన అనుభవాలతో వివరిస్తారు. “ఔషద తీగ”, ఇదొక విచిత్రమైన మూలికాతీగ కథ. అడవిలోని దట్టమైన పొదలలో కనిపించే ఈ తీగ అవసరమైన వారికి ఓ పట్టాన కనిపించదు. ఈ తీగ గురించి ఉండే అబద్ధాలు, నిజాలు, కల్పనలోని కథలు…. వీటన్నింటి గురించి రచయిత చేసిన సత్యాన్వేషణే ఈ కథగా రూపొందింది.

ఈ కథలన్నీ అడవి – అటవీ సంపద, వన్యమృగాలపై ఆధారపడిన ప్రజల అవసరాలు, అనుభవాలను తెలియజేస్తాయి. రచయిత వీటిని పర్యావరణ కథలన్నారు. కానీ నిజానికివి వేట కథలు. వేటగాడిగా రచయిత అడవిలోని పరిస్థితులు, వన్యప్రాణుల ప్రవర్తనను విశ్లేషిస్తారు. ఆయన చేసిన పరిశీలనలు మనల్ని ఎంతగానో ఆకట్టుకుంటాయి. పనివాళ్ళల్లో, గ్రామాల్లో వున్న మూఢవిశ్వాసాను హేతువాద దృష్టితో నిగ్గుతేల్చి అసలైన సత్యాన్ని తెలుసుకుంటాడు. సంచార జాతుల వాళ్ళయిన “మాస్తి మరియు బైరడు” వేట నైపుణ్యాలను పరికించినప్పుడు, అల్లం శేషగిరిరావు, డిబింగాడు తప్పకుండా జ్ఞాపకం వస్తారు. కన్నడంలో ఈ పుస్తకం 16సార్లు పునర్ముద్రణకు నోచుకుందట. ఈ పర్యావరణ కథలు కర్నాటకలో ప్రాథమిక స్థాయి నుండి ఇంటర్ వరకూ ఆయా తరగతుల భాషానైపుణ్యాలకు అనుగుణంగా పాఠ్యాంశాలుగా పెట్టారు. ప్రముఖ అనువాదకుడు శాఖమూరు రామగోపాల్ శ్రమించి ఉస్మానియా విశ్వవిద్యాలయ గ్రంథాలయంలో నిద్రాణమైన ఈ కథలను సంపాదించి, అనువదించి తెలుగువారికి అందిస్తున్నారు. అనువాదం చాలా బాగుంది.

కె.పి. అశోక్ కుమార్
పాలపిట్ట జులై 2012 సంచిక

* * *

“పర్యావరణ కథలు” డిజిటల్ రూపంలో కినిగెలో లభిస్తుంది. అంతేకాదు, ఈ కథల సంకలనం ప్రింట్ బుక్‌ని ఇప్పుడు కినిగె ద్వారా తగ్గింపు ధరకి తెప్పించుకోవచ్చు. మరిన్ని వివరాలకు ఈ క్రింది లింక్‌ని అనుసరించండి.
పర్యావరణ కథలు On Kinige

Related Posts:

తెలంగాణా దుఃఖానికి నిలువటద్దం ఫ్లోరోసిస్… ఫ్లోరోసిస్….

రూప్‌కుమార్ డబ్బీకార్ నికార్సైన కవి. ఈయన ఈవరకే సంపెంగ లోలకం, స్వప్న శబ్దం, హైకూ సారస్వతం లాంటి కవితలతో సాహిత్య లోకంలో గుర్తింపు వున్నవారు. ఆయన కలం నుండి వెలువడ్డ దీర్ఘ కావ్యం ఫ్లోరోసిస్… ఫ్లోరోసిస్.
కావ్యం మొదలు కావడమే ఒక విహ్వలమైన సంవేదన. తెలంగాణాలో ఏమూల వెదికినా కనిపించే విషాదం, బీభత్సం, నిర్వేదం.
నల్లగొండ బతుకులు
వీణతంత్రులు తెగిపడినట్లు
ముడిపడినట్టి పేగులాయే
అన్న పాదం తోనే కవి సమర్థత, ఆయన చేయబోతున్న వస్తుగమనం తెలిసిపోతాయి.
నల్లగొండలో ఫ్లోరోసిస్ సమస్య తెలంగాణ బతుకు సమస్యల్లో ఓ ప్రధానాంశం. ప్రాకృతికాంశాలతో పాటు రాజకీయుల నిర్లక్ష్యానికి ప్రభుత్వాల విచక్షణకు ఇదో నిలువెత్తు నిదర్శనం. నిజమైన ఏ సాహిత్యకారుడు దీనికి స్పందించకుండా ఉండలేడు.
దీర్ఘకావ్యం ఈ రోజు తెలంగాణా కవిత్వంలో బహుముఖంగా విస్తరించింది. వచన కవిత్వం, సమకాలీన ప్రజల నిర్వేదం కథారాహిత్యం, అనుభూతి గాఢత, ప్రతీకల పరిమిత ప్రయోగం, నిర్మాణంలో తగు మేరకు కాల్పనికత, ఈ నాతి లాంగ్ పోయమ్‌లో ప్రధాన లక్షణాలు. డబ్బీకార్ ఈ లక్షణాలన్నీ చక్కగా పాటించారు ఈ కావ్యంలో.
ఒక దుఃఖాన్ని, నిర్వేదాన్ని చెబుతున్న సందర్భం కావచ్చు, ఆయన పాదాలు నిరలంకారంగా, నిరాడంబరంగా నడుస్తుంటాయి. వస్తువు నిర్మాణం మీద పెత్తనం చేస్తున్నట్లనిపిస్తుంది. ఉన్నట్లుండి వస్తువే ప్రతీకై మనముందు మెరుస్తుంది. ఇక ఆయన కవిత్వం ఆ వెనుకే వస్తువు మనలో ప్రవేశిస్తుంటాయి. క్రమంగా మనమంతా ఆయన వస్తువే అయిపోతాం.
రాజులు కట్టిన గోడలు నేడు పెను శిలలపైన శిధిలాలుగా మారడం, అక్క చెలిమి ఊటబావి వోటికుండలా మిగిలిపోవడం, పేగులు వీణతంత్రులు తెగిపడినట్టు తెగిపడడంలాంటి బాధిత ప్రాంతం యొక్క వేదనా శకలాలు మనల్ని చుట్టుముడుతాయి. నవ్వు చాళ్ళు అయ్య మొహం మీద మాయం కావడం, నెర్రలు పడ్డ నేల సీతమ్మను మింగినట్లున్నదనడం, మానుకుండలోని మాగాయ ముక్కలం లాంటి వాక్యాలు కవి వ్యక్తీకరణ నైపుణ్యానికి నిదర్శనం.
సాధారణంగా పునరుక్తి పాట లక్ష్యం పాట. ఇది వచన కవిత్వంలో ప్రయోగిస్తే అంత ఔచిత్యవంతంగా ఉండదు. కానీ సమర్థుడైన కవి దీనిని సమయంగా ప్రయోగిస్తాడు. డబ్బీకార్ ఏమాయె ఏమాయె అని ధాత్రీ ధాత్రి అని పునరుక్తి ఒక ఆర్తిని నిస్సాహాయ వేదననే వ్యక్తీకరించింది.
ఈ కవికి శబ్దం కోటి గొంతుకల ఆర్తనాదం. రాజకీయ నక్కల జిత్తుల్ని ధ్వసించే అంకుశం.
అలాంటి ఆయన శబ్దానికి హాట్సాఫ్. దగాపడ్డ తెలంగాణా నిలువెత్తు నిదర్శనమైన నల్లగొండ దైన్యం చిత్రించే ఈ దీర్ఘ కవితకు స్వాగతం.

డా. కాంచనపల్లి
పాలపిట్ట జులై 2012 సంచిక

* * *

“ఫ్లోరోసిస్… ఫ్లోరోసిస్….” డిజిటల్ రూపంలో కినిగెలో లభిస్తుంది. అంతేకాదు, ఈ దీర్ఘకవిత ప్రింట్ బుక్‌ని ఇప్పుడు కినిగె ద్వారా తగ్గింపు ధరకి తెప్పించుకోవచ్చు. మరిన్ని వివరాలకు ఈ క్రింది లింక్‌ని అనుసరించండి.

ఫ్లోరోసిస్‌… ఫ్లోరోసిస్‌… On Kinige

Related Posts:

నిగ్గు తేల్చిన సత్యాలు (“గంధం చెట్టు” పై సమీక్ష)

“ఆవేశం వద్దు శేఖరం. పతివాళ్ళకీ ఒక సిద్దాంతం, దృక్పథం ఉంటాయి. అందరూ మన భావాల్తో ఏకీభవించాలనుకోవటం కూడా తప్పే”. ఈ విధంగా జీవన సిద్ధాంతాల్ని తనదైన కోణంలోంచి చూసి విశ్లేషించి నిగ్గు తేల్చిన సత్యాలు ఎన్నో ‘గంధం చెట్టు‘లో పరిమళిస్తాయి. తన చుట్టూ ఉన్న జీవితాల్నీ మనుషుల్నీ ఒక బయటి వ్యక్తిగా పరిశీలించి, ఒక్కోచోట నిష్పాక్షికంగా పరిష్కార మార్గాల్ని చూపించారు రచయిత. ఒకప్పటి గ్రామీణ నేపధ్యంతో నేటి గ్రామాల్ని పోల్చి చూపడం; పోలీసులు వారి విధి నిర్వహణ, ప్రభుత్వం, ప్రజలు, ఉన్నవారి, లేనివారి ఆలోచనా సరళి, సాఫ్ట్‌వేర్ ఉద్యోగాలు, ఆ ఉద్యోగాల మెరుపుల వెనుక వున్న మరకలని ప్రతిభావంతంగా చిత్రించారు రచయిత.

15 కథలున్న ఈ సంకలనంలో 12 కథలు ‘ప్రథమ పురుష’లో చెప్పడం వల్ల కథల్ని అల్లినట్లు కాకుండా జీవితాలని చిత్రించిన అనుభూతి పాఠకులకు కలిగిస్తాయి. నెలకు యాభైవేలకు పైగా సంపాదిస్తేనే గానీ గడపలేమనే సాఫ్ట్‌వేర్ ఉద్యోగుల జీవితాల్లోకి తొంగి చూస్తే ఆశ్చర్యం వేస్తుంది. అయినా ఇది నిజం (ఊబి). అయితే అవగాహనతో పరిస్థితులను చక్కదిద్దు కోవచ్చునంటాడు రచయిత (ముందుగోడ). “పోలీసు ఉద్యోగం పులిస్వారీ వంటిదని బ్రతకాలనుకున్నవాళ్ళూ ఈ స్వారీ చేయవల్సిందే”నంటాడు రచయిత. తనని నరికేసినా సువాసనా, చల్లదనం ఇచ్చే గంధం చెక్కలాంటి హోటల్ ఓనర్ ‘అయ్యర్’లు ఇంకా ఉన్నారని చెప్పినా, రెక్కలు రాగానే చెట్టంత కొడుక్కి అందాక ఉన్న ఇల్లు ‘పంజరం’లా కనిపిస్తుందని చెప్పినా, కొల్లేరుకు వలస వచ్చే పక్షుల గురించి పట్టించుకునే ప్రభుత్వం అక్కడ బ్రతికే ప్రజల గురించి ఆలోచించడం లేదని చెప్పినా రచయిత గన్నవరపు నరసింహమూర్తి కథల్లో క్లుప్తత, వాస్తవితకత పుష్కలంగా కనపడుతుంది.

కూర చిదంబరం
పాలపిట్ట జులై 2012 సంచిక

* * *

“గంధం చెట్టు” డిజిటల్ రూపంలో కినిగెలో లభిస్తుంది. అంతేకాదు, ఈ కథల సంకలనం ప్రింట్ బుక్‌ని ఇప్పుడు కినిగె ద్వారా తగ్గింపు ధరకి తెప్పించుకోవచ్చు. మరిన్ని వివరాలకు ఈ క్రింది లింక్‌ని అనుసరించండి.
గంధం చెట్టు On Kinige

Related Posts:

వీరభద్రారెడ్డి (Veerabhadrareddy) Madhubabu latest novel is now online…

డైనమిక్ రైటర్ మధుబాబు లేటెస్ట్ తెలుగు నవల వీరభద్రారెడ్డి ఇప్పుడు కినిగెలో లభిస్తుంది. ఈ లింకు నొక్కి మరిన్ని వివరాలు చూడండి.

నేటి తెలుగు దేశాన్నంతటినీ ఏకఛత్రాధిపత్యంగా క్రీ.శ.1200వ సంవత్సరం నుంచీ 1325 వరకూ పరిపాలించిన వంశం – కాకతీయ వంశం.

కాకతీయ సామ్రాట్టయిన శ్రీశ్రీశ్రీ గణపతి దేవుడికి పురుష సంతానం లేకపోవడం వల్ల, తన కుమార్తె అయిన రుద్రమదేవిని తన తరువాత కాకతీయ సామ్రాజ్యానికి వారసురాలిగా ప్రకటించాడు.

ఒక ఆడది రాజ్యాన్ని పరిపాలించడం అవమానమని భావించి, తిరుగుబాటు బావుటాని ఎగురవేసారు ఎంతోమంది. కళింగం నుంచి, దేవగిరినుంచి, కొంకణం నుంచి, పాండ్యనాడు నుంచి శత్రువులు ఒకరొకరు గానూ, ఒక్కుమ్మడిగాను సామ్రాజ్యం మీదకి దండెత్తి వచ్చారు.

రాజ్యంలో శాంతిభద్రతలు క్షీణించాయి. గ్రామసీమలు శత్రువుల దురంతాలకు, దురాగతాలకు గురికాజొచ్చాయి. అన్యాయాలు, అక్రమాలు, దోపిడీలు విచ్చలవిడి అయిపోయాయి. ఎవరిని నమ్మాలో ఎవరిని నమ్మకూడదో తెలియని విపత్కర పరిస్థితి. ఎటుచూసినా అశాంతి, అల్లరి… ముఖ్యంగా నమ్మకద్రోహం.

ఈ సమయంలో భువనగిరి ప్రాంతాన్ని పరిపాలించే గోనగన్నారెడ్డి, శ్రీకాకుళ ప్రదేశానికి ప్రభువులైన ఐదులూరి అన్నయమంత్రి, కొలను రుద్రదేవుడు –

కాయస్త సేనానాయకుడైన జన్నిగదేవ, అంబదేవ త్రిపురాంతకాలు, ఆ తరువాత ప్రధాన దండనాయకుడైనటువంటి ప్రసాదిత్య నాయకుడు మొదలైన వారందరూ తమ తమ శక్తిమేరకు దేశాన్ని సుభిక్షం చేయడంలో రుద్రమదేవికి తోడ్పడ్డారు. ఇదిగో… ఈ గొడవల మధ్య ప్రారంభం అవుతుంది నా ఈ వీరభద్రారెడ్డి.

వీరభద్రారెడ్డి On Kinige

Related Posts:

వాడ్రేవు చినవీరభద్రుడు

చినవీరభద్రుడు కవి, కథకుడు, విమర్శకుడు చిత్రకారుడు. వీరి గురించి చినుకు మాసపత్రిక జూలై 2012 సంచికలో మాకినీడి సూర్యభాస్కర్ గారు ఈ క్రింది వ్యాసం రాసారు.

ChinukuVyasamChinaVeeraBhadrudu

* * *

వాడ్రేవు చిన వీరభద్రుడు గారి రచనలు కినిగెలో లభ్యమవుతాయి. మరిన్ని వివరాలకు ఈ క్రింది లింక్‌లను అనుసరించండి.

కోకిల ప్రవేశించే కాలం On Kinige

* * *

సాహిత్యమంటే ఏమిటి On Kinige

Related Posts:

బహుముఖీన వస్తు ప్రకటన శైలజామిత్ర కధానికల సంపుటి ” అడ్డా”

ఈనాటి తెలుగు పత్రికా పాఠకులకు సుపరిచితమయిన పేరు శైలజామిత్ర. సంగీత సాహిత్యాలలో ఉన్నత విద్యా అర్హతల్ని సాధించి, ఆయా రంగాలలో తనదైన ముద్రతో విశేష ప్రశంసల్ని పొందుతున్న విదుషీమణి ఆమె. అనువాద ప్రక్రియలలోనూ ఆరితేరిన చేయి అమెది. కవిత్వం, కధ నవల, సమీక్ష వంటి సాహిత్య ప్రక్రియల్లో ఇబ్బడి ముబ్బడిగా కృషి చేస్తూ చదవరులకి తన రచనా సాదు ఫలాలను అందిస్తున్నారు. ఉషోదయ వెలుగు పత్రికలో ‘మానవీయం’ అనే అంశంపై 48 సామాజిక వ్యాసాల్ని వెలువరించారు. భక్తి రంజనిలో ‘ఆధ్యాత్మికం-జీవితం’ శీర్షికన 54 వ్యాసాలు రాసారు. బాలసాహిత్యంలో ‘నేలపైని నక్షత్రాలు’ అనే నవల telugupoetry.com ద్వారా పాటకులకు అందించారు. శ్రీ వెంకటేశాయ నమహా: అనే మాసపత్రికలో పన్నెండు భక్తి గేయాలు రచించారు. ఇక బహుమతులు, అవార్డులు, సన్మాన సత్కారాలు అనేకం ఆమె ప్రతిభా స్వరాన్ని, ప్రజ్ఞా దురంధరత్వాన్ని వరించాయి. శైలజామిత్ర ఇదివరలో ఆరు కవితా సంపుటాలను, తరంగాలు పేరున ఒక కధా సంపుటి ప్రచురించారు. విస్త్రుత అధ్యయన శీలం ఆమె నిరంతర రచనా కృషికి ఎత్తిన జయపతాక.
శైలజామిత్ర రెండవ కధా సంపుటి ‘అడ్డా‘ ఆమె ‘అక్షరం నా ఆత్మాయుధం, సాహిత్యంతోనే నా సహచర్యం’ అనే లక్ష్య శుద్ధిని ముందుమాటగా కూర్చుకుని వచ్చింది కధానికా సంపుటి. పుస్తకంలో 20 కధలున్నాయి. అన్నీ ఇదివరలో వివిధ పత్రికల్లో ప్రచురింప బడినవే. వీటిలో కొన్ని బహుమతులు పొందిన కధానికలు.
సంపుటిలో ముందుగా చెప్పుకోవలసిన అంశం వస్తు వైవిధ్యం. వర్తమాన సామాజిక (దుః)స్థితికి ‘మనిషి’ బహిరంతర సంఘర్షణకి, దర్పణం పడుతూ అన్ని కధాంశాలు మనల్ని అంతర్ముఖీనం చేస్తాయి. ఆలోచన ప్రేరకంగా నిలుస్తాయి.
‘అడ్డా’ మీది కూలీల్లో పూట గడుపుకోవడానికి పడే యాతనల మధ్య మనిషి బలహీనతలుగా బయటకు వచ్చే ఈర్ష్యాసూయలు, ఎత్తుజిత్తులు తెరమీద కనబడుతూ ఉంటాయి.అయితే, వాటి వెనుక ఉన్న మానవీయ సహజాతులుగా దయ, పరోపకారం వంటి గొప్ప గుణాలు అవసరానికి ప్రచోదితాలై సహాయాన్ని సహకారాన్ని అందిస్తాయి. ‘అడ్డా’ లోని ఇతివృత్తం ఇదే. గుడిసెలు తగలబడుతుంటే ప్రాణాల్ని మాత్రం లెక్కచేయని తీరున గంగమ్మ పిల్లల్ని కాపాడింది బాలమ్మ. ఈ గంగమ్మే బాలమ్మను పక్కకు తోసి, తిట్టిపోసి ఆమె బదులు కులికి పోయిందా రోజు! స్థానీయత, దేశీయత, సహజత్వం, వాస్తవికత , కలిగిన మంచి కధ. భాష శైలి కూడా పానిపట్టు దగ్గరికి వెళ్ళటం వలన కధకొక శిల్ప గుణ వైశిస్త్యాన్ని కుర్చాయి.
భర్త ఇంట్లో నుంచి వెళ్ళిపోతే, దూరంలో ఎవరో వ్యక్తి చనిపోయినట్లు తెలిసాక ఆ వ్యక్తి తన భర్త ఏమో అనుకోని తల్లడిల్లి పోతుంది అంజలి. ఆయనగారు అప్పుల వాళ్ళ నుంచీ తప్పుకోవడానికి ఎటో వెళ్ళాడు! భార్య ప్రేమకు చలించి తన తప్పును గ్రహిస్తాడు భర్త. కధ పేరు ప్రేమాంజలి!
భార్యకు కూడా మనసుంది అని భావించే భర్తలు, కోడలు పరాయి వ్యక్తి కాదు కుటుంబంలో భాగం అని భావిన్చాగలిగే అత్తలు ఉంటే ఈ సమాజం ఇంతకంటే ఆనంద దాయకంగా ఉంటుంది కదానే సంవేదనకు అక్షర రూపం “సరికొత్త సూర్యోదయం” కధ. రచనా పరంగా ఇందులో మాధవి పాత్ర మనస్తాత్విక విశ్లేషణకు మంచి ఉదాహరణగా నిలిచింది.
కొన్ని వర్తమాన సమాజ ధోరణుల మీద ధర్మాగ్రహాన్ని ఎంతో నిశితంగా చూపారు శైలజామిత్ర. ముందు మాటలో వేదగిరి రాంబాబు గారు అన్నట్లు సమాజ ఉద్దరణ కోసం మనుషుల కన్నా ఆయుధాలే ముందు ముందు పనికి వస్ద్తాయని డైరెక్ట్‌గా సూచనా చేసారు. ఆ కధపేరు ” జాతర”
‘బతుకుమోపు’ కధానిక రైతు కష్టాల్ని కన్నీళ్ళనీ ఆర్ద్రంగా స్పృశించి రేపటి శుభోదయం పట్ల ఆశా భావాన్ని ప్రోది చేస్తుంది. డబ్బు వర్సెస్ మానవ సంబందాలు: భక్తి వర్సస్ మోసాలు వంటి అమానవీయ స్థితిగతుల పట్ల తమ భాధా తప్త హృదయానికి అక్షరీకరణం చేసారు రచయిత్రి. కధానిక పేరు “కాలగమనం”
‘అడ్డా’ కధా సంపుటి నిండా మనకు తెలిసిన పరిస్థితులున్నాయి. అవాంచనీయమైన మనస్తత్వాలున్నాయి. మనుషులున్నారు. సమాజంలోని అస్థవ్యస్థత ఉంది. మనుషుల్లోని ప్రవర్తనా సంకీర్ణత ఉంది. ‘ ఇది మంచిది కాదు’ అనే ప్రభోదించే దృశ్య కరణ౦ ఉంది. ‘ ఇది ఇలా ఉంటే మనం మరికొంత హాయిగా ఉండగలం అనే సూచనా చేస్తే ధైర్యాభివ్యక్తీకరణం ఉంది. చీకటిని ద్వేషిస్తూ చీకట్లోనే కుర్చుని బతుకులు తెల్లర్చుకునే బలహీనుల కంటే చీకటి కావాలి, గోరంత వెలుగును పట్టుకుని గట్టుకు చేరే ఆత్మ విశ్వాసం కలిగిన అభిమాన దనులు ఎక్కువగానే ఉన్నారు.
కధానికా నిర్మాణానికి ఒక ఖచ్చితమైన ఒరవడిని పెట్టుకున్నారు శైలజామిత్ర. ఆమె కధలన్నీ ప్రశ్నల్ని రేపుతూ మొదలవుతాయి. వాటి విశ్లేషణతో మొదలవుతాయి. వాటికి సంభావ్యతతో కూడిన సమాధానంతో ముగుస్తాయి. ఆ సమాధానం పరిష్కారం కాకపోవచ్చు. జీవితం అన్ని సందర్భాలలో వడ్డించిన విస్తరి కాదు కదా? ఈ తెలివి కలిగిన రచయిత్రిగా శైలజామిత్ర తన జ్ఞాన గంగని మనకు అందించారు.
కధా శిల్ప పరంగా ‘అడ్డా’లో కధలన్నీ చదివించే గుణంతో మెరుపు లీనుతున్నాయి. కొన్ని వ్యాస కధల్లా ఉన్నా, లేక కధా వ్యాసాల్లా ఉన్నా వస్తైక్యతని కోల్పోని గుణం వాటిని మంచి కధలుగా నిలుపుతోంది. శైలజా మిత్ర ప్రతి కధ పాటకుని హృదయాన్ని ఆత్మీయంగా ఆర్ద్రంగా పలకరిస్తుంది. అదే ఆమె రచనా విజయం.
‘అడ్డా’ని కొని చదివి ఆనందించండి

సమీక్షకులు: విహారి

* * *

“అడ్డా” డిజిటల్ రూపంలో కినిగెలో లభిస్తుంది. వివరాలకు ఈ క్రింది లింక్‌ని అనుసరించండి.

అడ్డా On Kinige

Related Posts: