రసజ్ఞ నాటకం – లవంగి

ఒక సాంఘిక నాటకాన్ని రాయాలంటే నిజ పరిస్థితుల్ని ఆలోకనం చేసుకుంటు ఎన్ని మలుపులైనా తిప్పవచ్చు. కావాల్సిన రీతిలో ప్రేక్షకులు మెచ్చే విధంగా ముగించవచ్చు. అయితే ఒక చారిత్రక నాటకం రాయాలంటే అందున జగన్నాధపండిత రాయల చరిత్రను నాటకంగా మలచడమంటే సామాన్యమైన విషయం కాదు. నాటి రాజ్యభౌగోళిక స్వరూపం, ఆహార్యం, స్వరూప స్వభావాలు ఇంతకు ముందు ఈ చరిత్రను రాసిన కవుల విశ్లేషణలు, వాటి పైన వచ్చిన విమర్శలు వీటన్నింటినీ పరిగణనలోనికి తీసుకుని రూపొందించాలి. ఏ మాత్రం దారి తప్పిన సాహిత్య పిపాసకుల విమర్శను ఎదుర్కోవాల్సి వస్తుంది. వీటన్నిటినీ దృష్టిలో పెట్టుకునే శర్మగారు చాకచక్యంగా నాటకాన్ని నడిపించారు. నాటకంలో పండిత రాయల వ్యక్తిత్వాన్ని సాహిత్య ఔన్నత్యాన్ని ఉన్నతీకరించడానికి చాలా ఔచిత్యవంతమైన శ్లోకాలనీ, పద్యాలనీ, హితోక్తుల్ని, సూక్తుల్నీ పొందుపర్చారు. నేటి కాలానికి అనుగుణంగా ప్రదర్శించే విధంగా “లవంగి” ని తీర్చిదిద్దడంలో రచయిత కృతకృత్యులయ్యారు.

శ్రీ మహర్షి (చిత్ర నవంబర్ 2012 మాసపత్రిక నుంచి)

* * *

“లవంగి” డిజిటల్ రూపంలో కినిగెలో లభిస్తుంది. కినిగె వెబ్ సైట్ ద్వారా ఆర్డర్ చేసి లవంగి ప్రింట్ పుస్తకాన్ని తగ్గింపు ధరకి పొందవచ్చు. మరిన్ని వివరాలకు ఈ క్రింది లింక్‌ని అనుసరించండి.

లవంగి On Kinige

Related Posts:

మా కామత్ కుటుంబీకుల్ని అందరూ “ఇడ్లి-వడ-సాంబర్” అని సరదాగా ఆట పట్టుస్తుంటారు.

ఉపోద్ఘాతం

సరస్సులో బాతులు ఈదటం చూస్తోంటే ఎంతో అందంగా వుంటుంది. అయితే - యీ ఈదటం కోసం, అవి నీటి అంతర్భాగాన నిర్విరామంగా, ఎంతో బలంగా కాళ్ళు కదుపుతునే వుండాలి. అందమైన జీవితం కోసం కూడా అంతే.

ఇడ్లి-ఆర్కిడ్-ఆకాశం On Kinige

మనిషి జీవితం ఒక ప్రయాణం! అందులో ఎత్తులూ ఉంటాయి. లోయలూ ఉంటాయి. అటువంటి ప్రయాణంలో ఒకసారి నాకు ఒక పర్వతం ఎదురైంది. దాన్ని ఎక్కలేక పోయాను. ప్రయాణం ఆపుచేసి ఆత్మహత్య చేసుకుందామనుకున్నాను. ఆ సమయంలో నావాళ్లనుకునే వాళ్ళూ, వాళ్ళిచ్చిన ధైర్యం, అందించిన స్నేహహస్తం…. నా ప్రయాణాన్ని మళ్ళీ ముందుకు కొనసాగేలా చేసింది. ఆ పర్వతం ఎక్కిన తరువాత క్రిందకి తొంగిచూస్తే ఆ బలహీన క్షణాల్లో నా నిర్ణయం ఎంత తప్పో, కారణరహితమో అర్థమయింది.

ఇలాంటి బలహీనమైన క్షణాలు ప్రతి మనిషికి కొన్ని ఉంటాయి. ఉండక తప్పదు కూడా…! అటువంటప్పుడు సర్వశక్తులు సమకూర్చుకొని, చేసిన పొరపాట్లు గమనించి, మనసు నిబ్బరపరచుకొని ఒక అడుగు ముందుకేస్తే ఆ తరువాత ప్రయాణం మరీ సులువవుతుంది.

“….దట్టమైన చీకట్లో నీవు ప్రయాణిస్తూ ఉండగా అకస్మాత్తుగా ఒక చోట దీపం ఆరిపోవచ్చు. అంతా చీకటే…! క్రిందేముందో నీకు తెలియదు! అటువంటి పరిస్థితుల్లో ధైర్యంగా అడుగు ముందుకువెయ్యి. రెండు విధాలైన పరిణామాలు సంభవించవచ్చు. ఒకటి: క్రింద మెట్లు తగలవచ్చు. రెండు: గాలిలో ఎగరటం ఎలాగో నీకు తెలిసిరావచ్చు!

ఎంత అద్భుతమైన సూక్తి ఇది! ప్రయాణం ఆపు చేసి చీకట్లో బిక్కు బిక్కు మంటూ కూర్చోవటం కంటే అడుగు ముందుకు వేయటమే మంచి కదా!

నా జీవితంలో అటువంటి దురదృష్టకరమైన నిర్ణయానికి కారణం నా చిన్నతమ్ముడికి నాకు మధ్య జరిగిన గొడవ…! నా శత్రువులతో నా తమ్ముడు కలిసి, నాకు వ్యతిరేకంగా చేసిన గూడుపుఠాణీలో సర్వనాశనం అయ్యాను. నా చేతిలో చిల్లిగవ్వ లేకుండా, ఏ విధమైన సహకారమూ ఎవరినుంచి లభించకుండా, నా వాళ్ళందరూ నన్నొదిలేసిన స్థితిలో నా స్నేహితులు కొంతమంది నన్ను ఆదుకున్నారు. అన్నింటికన్నా ముఖ్యంగా నేను నమ్మిన భగవంతుడు !!

మీలో ఎంతమందికి ఇంత పెద్ద కష్టం వచ్చి ఉంటుంది? ప్రతివాళ్ళకీ తనకు వచ్చిన కష్టం కన్నా పెద్ద కష్టం ఇంకొకటి లేదుఅనే ఫీలింగ్ ఉంటుంది. నేనొప్పుకుంటాను. కానీ ఆత్మహత్య చేసుకోవాలిఅన్నంత పెద్ద సమస్య జీవితంలో ఎప్పుడో గానీ రాదు. కొందరికి అసలు రాదు.

అన్నీ అనుభవిస్తూ, భార్యాపిల్లలతో సుఖంగా ఉంటూ జీవితం ఇంత సంతోషకరంగా ఉండగలదాఅన్నస్థితిలో ఉన్నప్పుడు అకస్మాత్తుగా కారుమేఘాలు కమ్మి, ఊహించని రీతిలో తుఫాను వస్తే ఆ పరిస్థితి తట్టుకోవటం కష్టం! నా జీవితంలో అలాగే జరిగింది….! కొన్ని రోజులపాటు నిరాశా నిస్పృహలతో మనసు కొట్టుమిట్టులాడింది. అయితే నాలోని ఆశావాదం నన్ను రక్షించింది. దాని గురించి మీ అందరికీ చెప్పాలన్న తపనే ఈ పుస్తకం.

ఆర్థికంగా పైకి లేవటం, పడిపోవటం మనుష్యుల్లోనే వుంటుంది. జంతువుల్లో స్థాయీ భేదాలుండవు. అంతా కోల్పోయినా సరే, జీరోబేస్డ్ స్థాయి నుంచి జీవితాన్ని పునఃప్రారంభించే శక్తి, భగవంతుడు మనిషికి మాత్రమే ఇచ్చాడు. కావలసిందల్లా కాస్త పట్టుదల, దీక్ష, శ్రమ మాత్రమే….!

* * *

నా తల్లి వంట అద్భుతంగా చేస్తుంది. ఇంత వృద్ధాప్యంలో కూడా ఆమె చాలా రుచికరమైన ఇడ్లీలు ఓపిగ్గా చేసి పెట్టడం నాకు చాలా ఆశ్చర్యాన్ని కలిగిస్తుంది. ఉత్సాహం ఉన్నచోట వయసుపైబడినా శక్తి దానంతట అదే పుట్టుకొస్తుందిఅని చెప్పటానికి మా అమ్మే ఉదాహరణ. మా ఇంట్లో, మా లొకాలిటిలో, మా బంధువుల ఇళ్ళలో, ఆమె వండిన ఇడ్లీలకోసం ఈ రోజుకి మేమందరం పడిచస్తామంటే అతిశయోక్తి లేదు. తన దగ్గర నుంచే నేను రుచికరమైన ఇడ్లీలు తయారు చేయటం నేర్చుకున్నాను.

ఇడ్లి-ఆర్కిడ్-ఆకాశం On Kinige

స్కూటర్ రిపేర్ చెయ్యదల్చుకున్న కుర్రవాడు మెకానిక్ దగ్గర చేరి ఆ విద్య నేర్చుకుంటాడు. బిజినెస్ మాగ్నట్ అవ్వదల్చుకున్న యువకుడు వ్యాపారంలో ట్రైనింగ్ పొందుతాడు. నీ విద్యలో నీవు ఎంత గొప్పవాడవవుతావుఅనేది నీకు నేర్పేవాళ్ళ మీద, నేర్చుకోవాలనే నీ తపన మీద ఆధారపడి ఉంటుంది. ఈ విషయంలో నేను సగర్వంగా ఒక మాట చెప్పగలను. ఇడ్లీ తయారుచేయటంలో నేను తల్లి దగ్గర చాలా గొప్ప అప్రెంటిస్‌గా పనిచేసి ఆ విద్య నేర్చుకున్నాను. మొత్తం యూరోపియన్ దేశాల్లో ఈ రోజు ఇడ్లీ ఇంత పాపులర్ అయ్యిందంటే దానికి కారణం నా తల్లి దగ్గర నేను నేర్చుకున్న విద్య అని కూడా సవినయంతో కూడిన గర్వంతో చెప్పగలను. దానికి నేను ఇండియన్ రైస్ పుడ్డింగ్అని పేరుపెట్టాను.

దానిలో కొబ్బరి వాడే చట్ని కోకోనట్ సాస్అన్నాను. తూర్పు దేశాల్లో మనలాగా రెండు ఇడ్లీలతో సరిపెట్టరు. దాదాపు అరడజను ఇడ్లీలు తింటారు. ఇది నాకు సంతోషంతో కూడిన ఉద్వేగాన్ని కలిగించే విషయం. మన ఆహారాన్ని వాళ్ళకు అలవాటు చెయ్యగలిగాము అన్న సంతృప్తి.

మా కామత్ కుటుంబీకుల్ని అందరూ ఇడ్లి-వడ-సాంబర్అని సరదాగా ఆట పట్టుస్తుంటారు. కానీ ఆ చిన్న ఇడ్లీయే ఈ రోజు నన్ను ఆసియా దేశపు మొట్టమొదటి అత్యంత అధునాతన వాతావరణ స్నేహపూర్వకమైన (ENVINONMENTAL FRIENDLY) హోటల్‌కి యజమానిని చేసింది అన్న విషయాన్ని నేనెలా మరువగలను? అందుకే నా జీవిత చరిత్ర తెలియజేసే ఈ పుస్తకానికి పేరు పెట్టవలసి వచ్చినప్పుడు ఇడ్లీని కూడా అందులో చేర్చాను. మనుష్యులకు కృతజ్ఞతలు చెప్పటానికి చాలా మార్గాలు ఉన్నాయి. కానీ నాకు సాయపడిన ఇడ్లీ, వడలాటి వస్తువులకు కృతజ్ఞత చెప్పే మార్గం ఏముంటుంది? ఒక మనిషి ఏ అట్టడుగు స్థాయి నుంచైనా ఆకాశపుటంచులకు చేరుకోగలడు అని చెప్పే విజయగాథలు చరిత్రలో చాలా వున్నాయి. అలాటి వాస్తవ కథల్లో ఇది కూడా ఒకటిగా చేరుతుందని విశ్వసిస్తున్నాను. ఆరువందల కోట్ల విలువచేసే ఆ ఆర్కిడ్ హోటల్కి పునాది ఇడ్లీ. అందుకే ఈ కథకి ఇడ్లి - వడ - ఆకాశంఅని అర్థం వచ్చేలా పేరు పెట్టాను.

నేను రచయితను కాను. ఈ పుస్తకం వ్రాయటంలో ఎడిట్ చేయటంలో చాలామంది స్నేహితులు నాకు సహాయపడ్డారు. నేను కేవలం హోటల్ వాలాని మాత్రమే. ఇదంతా ఒక వరుసక్రమంలో వుండదు. ఉన్నట్టుండి, ఎప్పుడో జరిగిన సంఘటన గుర్తొస్తుంది. అది వ్రాసేయటం జరుగుతుంది. పుస్తకమంతా ఆ విధంగానే కొనసాగుతుంది.

ఈ పుస్తకం పూర్తయిన తరువాత నాకు తెలిసిందేమిటంటే హోటల్ మేనేజ్‌మెంట్ ఎలాగో, పుస్తకం వ్రాయటానికి కూడా అంత భగీరథ ప్రయత్నం కావాలని! మీరీ పుస్తకం చదివిన తరువాత మీ అభిప్రాయాన్ని వ్రాస్తే సంతోషిస్తాను.

- విఠల్ వెంకటేష్ కామత్

E-mail : vithalkamat@orchidhotel.com

To read this book visit Kinige.com now.

ఇడ్లి-ఆర్కిడ్-ఆకాశం On Kinige

Related Posts:

వోడ్కా విత్ వర్మ

ఏకబిగిన ఓ పుస్తకం చదివి ఇప్పటికి ఇరవై ఏళ్ళయ్యింది… ఇన్నాళ్ళ తర్వాత మళ్ళీ మధ్యలో ఆపకుండా చదివిన పుస్తకం ఈ ‘వోడ్కా విత్ వర్మ

పూరీ జగన్నాథ్ (సినీ దర్శకుడు)

వర్మని కొందరు సైకో అంటారు, మరి కొందరు అతివాది అంటారు, ఇంకొందరు సంఘవ్యతిరేకి అంటారు. తనని స్త్రీలోలుడు, రాక్షసుడు, శాడిస్టు అనేవాళ్ళు కూడా ఉన్నారు.

సిరాశ్రీ (ఈ పుస్తక రచయిత)

రాములో ఒక చాలా తెలివైన పిల్లవాడు, ఒక మహా అమాయకుడైన ఎదిగినవాడు కలిసి ఉన్నారు.

రత్న (వర్మ మాజీ భార్య)

రాము నాన్నని నేను ఎప్పుడూ ఒక తండ్రిగా కాకుండా కేవలం ఒక బెస్ట్ ఫ్రెండ్‌గా మాత్రమే చూసాను.

రేవతి (వర్మ కుమార్తె)

* * *

“వోడ్కా విత్ వర్మ” డిజిటల్ రూపంలో కినిగెలో లభిస్తుంది. కినిగె వెబ్‌సైట్ ద్వారా ఆర్డర్ చేసి ప్రింట్ పుస్తకాన్ని తగ్గింపు ధరకి పొందవచ్చు. మరిన్ని వివరాలకు ఈ లింక్ చూడండి.

వోడ్కా విత్ వర్మ On Kinige

Related Posts:

డబ్బు సంపాదించాలంటే ‘తప్పు’ చేయక తప్పదనుకునే యువత కోసమే ఈ పుస్తకం …..

ముందిది చదివి….

కారులో షికారుకెళ్ళే పాలబుగ్గల పసిడిదానా - నీ బుగ్గ మీద గులాబి రంగు ఎలావచ్చెనో చెప్పగలవా?” అని డబ్బులేని హీరో పాడేపాటలూ, “దులపర బుల్లోడో…. ఈ డబ్బున్న కుర్రోళ్ళ భరతం పట్టి….” అని బీద హీరోయిన్ పాడే పాటలూ ఇటీవలి కాలంలో సినిమాల్లో కనపడటం లేదు.

విప్లవం పాటలు వదిలేస్తే, డబ్బు సంపాదించవద్దని గానీ, డబ్బు వుండటం తప్పనిగానీ, ఇటీవలి కాలంలో ముఖ్యంగా హీరో హీరోయిన్లుపాడటం లేదు. మారుతున్న గ్లోబలైజేషన్ ప్రభావానికి ఇంతకన్నా నిదర్శనం ఏం కావాలి?

సరి అయిన చోట, సరి అయిన సమయంలో, సరీగ్గా చూడగలిగితే ఈ ప్రపంచంలో ప్రస్తుతం కావల్సినంత డబ్బు వుంది. నైతిక విలువలు కోల్పోకుండా, లంచాలు పట్టకుండా, హత్యలు చెయ్యకుండా కూడా డబ్బు సంపాదించవచ్చని మారుతున్న ఈ వ్యవస్థ చెపుతోంది.

అయినా కూడా మరోవైపు కొందరు యువతీ యువకులు ఆర్థికపరమైన డిప్రెషన్‌కు లోనవుతున్నారు. ఏం చెయ్యాలో తోచక నిరాశ నిస్పృహలకు గురి అవుతున్నారు. డబ్బు సంపాదించాలంటే తప్పుచేయక తప్పదన్న తప్పు అభిప్రాయంతో మగ్గుతున్నారు.

వారికోసమే ఈ పుస్తకం.

ఇడ్లి-ఆర్కిడ్-ఆకాశం On Kinige

* * *

తొలిగా ఇంగ్లీషులో వ్రాయబడిన ఈ పుస్తకం ఇప్పటికి 14 భాషల్లోకి అనువాదం కావింపబడింది. పబ్లిష్ అయిన అయిదు నెలల్లో రెండో ముద్రణ కొచ్చింది. రెండు యూనివర్సిటీల్లో నాన్-డిటెయిల్డ్ పుస్తకంగా వుంది. దీన్ని కన్నడ భాషలో ప్రచురించిన నా కన్నడ పబ్లిషర్ దీన్ని తెలుగులో వ్రాయమని నాకు సూచించారు. ఆ తరువాత విఠల్ వెంకటేశ్ కామత్ నాతో ఫోన్‌లో మాట్లాడుతూ, ఈ పని తెలుగులో నేను చేపట్టినందుకు సంతోషం వ్యక్తం చేసారు. వారిద్దరికీ నా కృతజ్ఞతలు. అదేవిధంగా ఈ రచనలో నాకు సహకరించిన కుమారి జ్యోతి శైలజకు కూడా నా అభినందనలు.

నీ మంచితనమే నీ విజయానికి తొలిమెట్టుఅన్న పాజిటివ్ థింకింగ్ ఈ పుస్తకంలో నాకు బాగా నచ్చింది. నేను సాధారణంగా నా నవలల్లో వ్రాసే పాత్రల తెలివి తేటలు, హీరో లక్షణాలు, వ్యాపార గిమ్మిక్కులుఅన్నీ ఈ నిజజీవితంలో కూడా కనపడతాయి. ఇతరుల రచనలు ఇంతవరకూ అనువాదం చేపట్టని నేను, దీన్ని వ్రాయటానికి కూడా అదే కారణం.

నలభై సంవత్సరాల రచనా ప్రస్థానంలో ఇది నా తొలి అనువాద రచన. గతంలో ప్రార్థన, ‘దుప్పట్లో మిన్నాగుమొదలైనవి కేవలం ఆంగ్ల రచనల ప్రేరణలే తప్ప, నేనెవరివీ అనువాదం చెయ్యలేదు.

నా శైలీ, శిల్పం గురించి తెలిసిన వారికి ఈ రచనలో కూడా ఆ స్వేచ్ఛానువాదం కనపడుతుంది. ఒరిజినల్ పుస్తకంలో మొదట కొన్ని అధ్యాయాలు సాఫీగా సాగుతాయి. అందుకని కొన్ని కొటేషన్లు చేర్చి, కథలో వేగం పెంచటానికి ప్రయత్నం చేసాను. మిగతాదంతా యథాతథమే!

ఇడ్లి-ఆర్కిడ్-ఆకాశం On Kinige

ఈ కథలో హీరో పెద్ద వ్యవహారకర్త కాదు. పెద్దగా లౌక్యం తెలిసినట్టు కనపడదు. పట్టుదల, కొత్తగా ఆలోచించాలన్న తపన, కృషిఇవి అతడిలో మెండుగా కనపడతాయి. ‘కెరటం నా స్ఫూర్తి…. లేచిపడినందుకు కాదు. పడి లేచినందుకుఅన్న సూక్తి అతడి పట్ల నిజమనిపిస్తుంది. ఈ కథలో మనకి గాంధీ, నెల్సన్ మండేలా ఆత్మకథల్లోలాగా దేశం కోసం పోరాటాలూ, జైలుశిక్షలూ కనపడవు. మనలాటి మామూలు వ్యక్తి, తన జీవితంలో పైకి రావటం కోసం చేసే ప్రయత్నంలో సాధకబాధకాలు కనపడతాయి. గాంధీ నెహ్రూల కథలు స్ఫూర్తినివ్వొచ్చు. ఈ కథలు యువతకి మార్గనిర్దేశనమవుతాయి.

అతి సామాన్య కుటుంబంలో పుట్టి, అంచెలంచెలుగా ఎదిగిన ఈ యువకుడి కథలో ఎత్తులూ, పల్లాలూ స్పష్టంగా కనిపిస్తాయి. “మాకు లౌక్యం తెలీదు. పదిమందిలో మాట్లాడటం తెలీదు. సరీగ్గా చదువులేదు. మా దగ్గిర పెట్టుబడికి డబ్బు లేదు. ముక్కుకి సూటిగా మాట్లాడే మనస్తత్వంతో బ్రతకటం కష్టం. వ్యాపారంలోనూ ఉద్యోగంలోనూ అలా నెగ్గుకు రావటం అసాధ్యంఅన్న అభిప్రాయంలో వున్న యువతీ యువకులకు ఈ పుస్తకం ఒక కనువిప్పు.

ఎలా ప్రారంభించాలో, ఎక్కణ్ణుంచి మొదలు పెట్టాలో, ఎలా బ్రేక్ త్రూ సాధించాలో ఈ పుస్తకం చెపుతుంది. ఇది చదివి ఒకరైనా స్ఫూర్తిపొందితే, ఈ రచన ఆశయం నెరవేరినట్టే.

- యండమూరి వీరేంద్రనాథ్

1-2-08

తప్పక చదవాల్సిన ఈ పుస్తకం కోసం ఇప్పుడే కినిగెను దర్శించండి, ఇక్కడ నొక్కి ….

ఇడ్లి-ఆర్కిడ్-ఆకాశం On Kinige

Related Posts:

ఇడ్లి-ఆర్కిడ్-ఆకాశం

ఆత్మహత్య చేసుకోవాలని నా స్నేహితుడి ఆఫీసు 26వ అంతస్తుకి చేరుకున్నాను. అతణ్ణి బయటకి పంపి, కిటికీలోంచి బయటకు దూకబోతుండగా ఒక సంఘటన నన్ను మార్చింది. 600 కోట్ల హోటల్‌కి అధిపతిగా చేసింది.

ఇడ్లీ ఒక ప్లేట్లో, చట్నీలు మరొక ప్లేట్లో, సాంబార్ సెపరేట్‌గా గిన్నెలో సర్వ్ చేసేవాళ్ళం. మూడూ ఒకే దానిలోఇచ్చేలా ‘దొప్ప’లున్న “కామత్” ప్లేట్లు తయారు చేయించాను. దానితో అంట్లు తొమే వారి ఖర్చు నెలకి పాతికవేలు తగ్గింది.

“నీ జీవితాయశం ఏమిటి?” అని ఒబెరాయ్ నన్ను అడిగారు. “మీ హోటల్ కన్నా పెద్దది కట్టడం” అన్నాను. పన్నెండేళ్ళ వయసులో అది నా అహంభావం కాదు – కల.

భారత రాష్ట్రపతికి లస్సీ కావాలని మా హోటల్‍కి కబురొచ్చింది. అందమైన ఫ్లాస్క్ మీద “కామత్” అని ప్రింట్ చేయించి లస్సీ పోసి పంపాను. పదిలక్షలు వెచ్చించినా ఇంత వ్యాపార ప్రకటన దొరకదు.

14 భాషల్లోకి అనువదింపబడి – రెండు యూనివర్సిటీలకు నాన్-డిటెయిల్డ్‌గా ఉన్న పుస్తకం

ప్రపంచ ప్రతిష్టాత్మకమైన హోటల్‌గా ప్రథమ బహుమతి పొందిన ‘ఆర్కిడ్’ హోటల్ అధినేత విఠల్ కామత్ ఆత్మకథకి

యండమూరి వీరేంద్రనాథ్ విశిష్ట రూపకల్పన

* * *

“ఇడ్లి-ఆర్కిడ్-ఆకాశం” పుస్తకం డిజిటల్ రూపంలో కినిగెలో లభిస్తుంది. కినిగె వెబ్‌సైట్ ద్వారా ఆర్డర్ చేసి ప్రింట్ పుస్తకాన్ని తగ్గింపు ధరకు పొందవచ్చు. మరిన్ని వివరాలకు ఈ లింక్ చూడండి.
ఇడ్లి-ఆర్కిడ్-ఆకాశం On Kinige

Related Posts: