ఆగష్టు 2014 ఐదవ వారంలో టాప్ టెన్ పుస్తకాలు

ఆగష్టు 2014 ఐదవ వారంలో kinige పై టాప్ టెన్ పుస్తకాలు

1 లోయ నుంచి శిఖరానికి యండమూరి వీరంద్రనాథ్ వరుసగా 3 వారాలుగా
2 కొసరు కొమ్మచ్చి మల్టిపుల్ ఆదర్స్ వరుసగా 3 వారాలుగా
3 నవ్విపోదురుగాక… కాట్రగడ్డ మురారి వరుసగా 2 వారాలుగా
4 మిస్సింగ్ నెంబర్ మధుబాబు వరుసగా 5 వారాలుగా
5 సిగ్గు పడితే సక్సెస్ రాదు! డా. వాసిలి వసంత కుమార్ రీ ఎంట్రీ
6 విపశ్యనా ధ్యాన మార్గదర్శిని జోసఫ్ గోల్డ్‌స్టీన్ న్యూ ఎంట్రీ
7 ఇతి స్మరణీయం అతి రమణీయం నీలంరాజు లక్ష్మీప్రసాద్ వరుసగా 3 వారాలుగా
8 మహాభారతం ఎ.ఎన్. జగన్నాథశర్మ రీ ఎంట్రీ
9 శ్రీరమణ పేరడీలు శ్రీరమణ వరుసగా 2 వారాలుగా
10 నిర్జన వారధి కొండపల్లి కోటేశ్వరమ్మ వరుసగా 2 వారాలుగా

Related Posts:

ఆగష్టు 2014 నాలుగవ వారంలో టాప్ టెన్ పుస్తకాలు

ఆగష్టు 2014 నాలుగవ వారంలో kinige పై టాప్ టెన్ పుస్తకాలు

1 లోయ నుంచి శిఖరానికి యండమూరి వీరంద్రనాథ్ వరుసగా 2 వారాలుగా
2 నిర్జన వారధి కొండపల్లి కోటేశ్వరమ్మ రీ ఎంట్రీ
3 మిస్సింగ్ నెంబర్ మధుబాబు వరుసగా 4 వారాలుగా
4 కొసరు కొమ్మచ్చి మల్టిపుల్ ఆదర్స్ వరుసగా 2 వారాలుగా
5 ఎవరితో ఎలా మాట్లాడాలి ఉషశ్రీ, డా.గాయత్రీదేవి వరుసగా 3 వారాలుగా
6 స్టాక్ మార్కెట్ లో లాభాలు పొందడం ఎలా ? శ్రీనివాస్ వరుసగా 6 వారాలుగా
7 రామాయణ విషవృక్షం రంగనాయకమ్మ రీ ఎంట్రీ
8 మిథునం శ్రీరమణ రీ ఎంట్రీ
9 ఇతి స్మరణీయం అతి రమణీయం నీలంరాజు లక్ష్మీప్రసాద్ వరుసగా 2 వారాలుగా
10 నవ్విపోదురుగాక… కాట్రగడ్డ మురారి రీ ఎంట్రీ

Related Posts:

‘గెలుపు తీరాని’కి ఇలా..’ఎక్స్‌లెన్స్ సాధించండి’ పుస్తకంపై సమీక్ష

ఇది చదివితే నాకేమిటి ప్రయోజనం..?’ – ఇప్పుడు పాఠకుడు పుస్తకాన్ని పట్టుకునే ముందు మనసులో వేసుకునే ప్రశ్న ఇది. ‘మీ జీవితం ఎక్స్‌లెంట్‌గా ఉంటుంది’ -అని చెబుతాయి వ్యక్తిత్వ వికాసానికి సంబంధించిన పుస్తకాలు. ఆ కోవలోనిదే కొండా చంద్రారెడ్డి రచించిన ఎక్స్‌లెన్స్ సాధించండి… ఆశించిన ఫలితాలు సాధిస్తూ జీవితాన్ని అద్భుతం మలుచుకోండి- అనే టైటిల్‌తో వచ్చిన పుస్తకం. ప్రతి వ్యక్తి జీవితంలో ఉన్నతిని, సుఖ సంతోషాలను కోరుకుంటాడు. వాటిని సాధించుకోవడానికి క్రమ పద్దతిలో అనుసరించాల్సిన వ్యూహం గురించి రచయిత వివరించారు. విద్యార్థులకైతే పరీక్షల్లో మంచి మార్కులు, మంచి ర్యాంకుతో మంచి కాలేజీలో సీటు, మంచి కంపెనీలో ఉద్యోగం, మంచి కేరీర్ ఇదీ నేటి యువత లక్ష్యాలు. నెగిటివ్ ఆలోచనల గురించి చక్కని విషయాలు ఉదహరించారు. ‘నేను అలా చేయకుండా ఉండాల్సింది, నా ముఖం నాకే నచ్చలేదు, ఈ పని నా వల్ల కాదు’ -అంటూ నిరంతరం నెగిటివ్ ఆలోచనల్లో మునిగి పో వడం వల్ల ఎలాంటి ప్రయోజనం ఉండదని, నిజంగానే వాటిని చేయలేని స్థితికి చేరుకుంటామని, మనిషి తన ఆలోచనలకు తగినట్టుగానే ఉంటాడని రచయిత వివరించారు. విజయం సాధించడానికి, ఉన్నత స్థితికి చేరుకోవడానికి పుస్తకంలో మార్గాలు చెప్పడంతోనే సరిపుచ్చుకోలేదు. ఒకసారి చదివి పక్కన పెట్టేయకుండా ఆచరించడానికి వీలుగా పుస్తకం చివరలో అనుబంధంగా ఎక్సర్‌సైజ్ బుక్ కూడా జత చేశారు. సాధారణంగా వ్యక్తిత్వ వికాస పుస్తకాల్లో చెప్పే అంశాలు ఒకే రకంగా ఉంటాయి. ఉదాహరణలు ఆసక్తి కలిగిస్తాయి. తాను చెప్పదలుచుకున్న అంశానికి రచయిత మంచి ఉదాహరణలు ఎంపిక చేసుకున్నారు.

-బి.ఎం, అక్షర, ఆంధ్రప్రభ, 26/07/2014

***

ఎక్స్‌లెన్స్ సాధించండి”పుస్తకం డిజిటల్ రూపంలో కినిగెలో లభిస్తుంది. మరిన్ని వివరాలకు ఈ క్రింది లింక్‌ని అనుసరించండి.

ఎక్స్‌లెన్స్ సాధించండి on kinige

Related Posts:

మానవతా స్పర్శ – ‘నిర్ణీతి’ , ‘ఆరునెలలు ఆగాలి’ పుస్తకాలపై సమీక్ష

మానవీయ విలువలూ, ఆత్మీయతా స్పర్శా, అపారమైన ఆర్ద్రతా కలిగిన కథలే కలకాలం నిలబడతాయి. పి.ఎస్.నారాయణనిర్ణీతి’ సంపుటిలోని కథలు ఆ కోవకే చెందుతాయి. ‘పెళ్ళివారిల్లు పెద్దముత్తయిదువులా ఉంది’ లాంటి పోలికలు కథలకి కొత్త అందాన్నిస్తాయి. ‘పంచాగ్ని’ కథలో భారతి ఇంట్లో అద్దెకు దిగిన ఇద్దరు కుర్రాళ్లలో ఒకడైన సుధాకర్‌కి తెలిసిన ఓ నిజం, అతను ప్రవర్తించిన తీరూ పాఠకుల మదిలో చెరగని ముద్రవేస్తుంది. ‘నిర్ణీతి’ కథలో స్నేహానికి కల్యాణి ఇచ్చిన విలువా, దానివల్ల ఆమెకు ఎదురైన అనుభవం, ఫలితంగా ఆమె తీసుకున్న నిర్ణయం ఆసక్తిని రేపుతాయి. అత్యాచారానికి గురైన యువతి ధైర్యంగా నిలదొక్కుకుని, ఆత్మవిశ్వాసంతో పోరాడి ప్రతీకారం తీర్చుకోవడం ‘ఆరునెలలు ఆగాలి‘ నవల ఇతివృత్తం. అందుకు ఆమె పన్నిన వ్యూహాలూ, ఎదుర్కొన్న పరిస్థితులూ పాఠకులను ఉద్వేగానికి గురిచేస్తాయి.

- అయ్యగారి శ్రీనివాసరావు, ఆదివారం అనుబంధం, 3rd Aug 2014

 

 

 

 

 

 

 

 

ఆరు నెలలు ఆగాలి” డిజిటల్ రూపంలో కినిగెలో లభిస్తుంది. కినిగె వెబ్‌సైట్ ద్వారా ఆర్డర్ చేసి ప్రింట్ పుస్తకాన్ని తగ్గింపు ధరకి పొందవచ్చు. మరిన్ని వివరాలకు ఈ క్రింది లింక్‌ని అనుసరించండి.

***

ఆరు నెలలు ఆగాలి on kinige

 

Related Posts:

ఆగష్టు 2014 మూడవ వారంలో టాప్ టెన్ పుస్తకాలు

ఆగష్టు 2014 మూడవ వారంలో kinige పై టాప్ టెన్ పుస్తకాలు

1 ఎవరితో ఎలా మాట్లాడాలి ఉషశ్రీ, డా.గాయత్రీదేవి వరుసగా 2 వారాలుగా
2 ఇతి స్మరణీయం అతి రమణీయం నీలంరాజు లక్ష్మీప్రసాద్ రీ ఎంట్రీ
3 స్టాక్ మార్కెట్ లో లాభాలు పొందడం ఎలా ? శ్రీనివాస్ వరుసగా 5 వారాలుగా
4 లోయ నుంచి శిఖరానికి యండమూరి వీరంద్రనాథ్ న్యూ ఎంట్రీ
5 మిస్సింగ్ నెంబర్ మధుబాబు వరుసగా 3 వారాలుగా
6 ఆంధ్రనగరి సాయి పాపినేని రీ ఎంట్రీ
7 కొసరు కొమ్మచ్చి మల్టిపుల్ ఆదర్స్ న్యూ ఎంట్రీ
8 గీతాంజలి మువ్వల సుబ్బరామయ్య రీ ఎంట్రీ
9 పరికిణీ!! తనికెళ్ళ భరణి వరుసగా 5 వారాలుగా
10 మూలింటామె నామిని వరుసగా 2 వారాలుగా

Related Posts:

‘తత్వశాస్త్రం, చిన్న పరిచయం’ పుస్తకంపై సమీక్ష

మార్క్సిస్టు దృక్పథంతో కలం పట్టిన రచయిత్రి రంగనాయకమ్మగారు. ఆమె తాజా పుస్తకం ‘తత్వశాస్త్రం, చిన్న పరిచయం‘. ఎవరికీ అర్థంకాని ఓ జటిల శాస్త్రాన్ని తేలికపాటి చిన్న పదాల్లో అతి సామాన్య ప్రజలకు ఈ పుస్తకం ద్వారా చేరువ చేశారు.
ప్రకృతినీ, సమాజాన్నీ అర్థం చేసుకోవాలనే జిజ్ఞాసతో ప్రారంభమైన శాస్త్రమిది. మార్క్స్, ఏంగెల్స్ లను ప్రభావితం చేసినవాడు హెగెల్. “అభివృద్ధి అనేది నిరంతరం ముందుకు వెళుతూ ఉంటుంది. ఏదీ స్థిరంగా ఉండదు. సమాజం మారిపోతూ ఉంటుంది. అభివృద్ధి జరిగిపోతూ ఉంటుంది”. అంటూ హెగెల్ చెప్పిన మాటలు మార్క్స్‌ను ముగ్ధుణ్ణి చేశాయి. శ్రమ దోపిడీ రహస్యాన్ని బైటకు లాగిన సిద్ధాంతం మార్క్సు సిద్ధాంతం. మార్క్స్ తన సిద్ధాంతంలో తర్క విచారణ కోసం మాత్రమే హెగెల్‌ను పేర్కొన్నాడు. క్రీస్తుపూర్వం నాటి తత్వవేత్తలు, ఆధునిక తత్వవేత్తలు, మానవ చరిత్ర, చారిత్రక భౌతికవాదం వంటి ఇందులోని 48 శీర్షికలు ఎంతో ఆసక్తితో మనల్ని చదివింపజేస్తాయి.
‘ఆడవాళ్ళు ఎంత చక్కటి భౌతికవాదులు!’ అంటారీమె. కమ్యూనిజం తర్వాత ఏమిటి? అని ప్రశ్నిస్తారు. తత్వశాస్త్రం ఉంటే మంచిదే. లేకపోతే మరీ మంచిది అంటారు. మార్క్స్ ఏంగెల్స్‌లను ముగ్ధుల్ని చేసిన ఇద్దరు తత్వవేత్తలు ఎవరో వివరిస్తారిందు లో. పుల్లయ్య, ఎల్లయ్య కాలక్షేపం తత్వాలు ఎలా ఉంటాయో కూడా ఈ పుస్తకంలో ఆమె వివరిస్తారు.
శ్రామిక వర్గ పోరాటాన్ని ఒప్పుకోని ప్రాధాన్(దారిద్ర్యం తత్వశాస్త్రం రచయిత) పై మార్క్స్ చేసిన విమర్శలు వంటి అంశాలను హాయిగా ఇందులో చదువుకోవచ్చు.

–నవ్య, 28th May 2014

 

 

 

 

 

 

 

 

తత్వశాస్త్రం, చిన్న పరిచయం”నవల డిజిటల్ రూపంలో కినిగెలో లభిస్తుంది. మరిన్ని వివరాలకు ఈ క్రింది లింక్‌ని అనుసరించండి.

***

తత్వశస్త్రం, చిన్న పరిచయం on kinige

Related Posts:

పురుషాధిక్యంపై ధిక్కారం..త్యాగసేవాసక్త – బెంగుళూరు నాగరత్నమ్మ పుస్తకంపై సమీక్ష

నల్లని శరీరచ్ఛాయ.. పదమూడేళ్లకే అనాథ… దేవదాసి. అయినా.. తల్లి పుట్టలక్ష్మమ్మ ఆకాంక్షలకు అనుగుణంగా భరతనాట్యం, కర్నాటక సంగీతం నేర్టుకుని లలిత కళలకు కాణాచిగా మారింది బెంగుళూరు నాగరత్నమ్మ. 26 ఏళ్లకే 146 పట్టణాలలో 1235 కచేరీలు చేసి, విద్యాసుందరి, గానకళావిశారద, త్యాగసేవాసక్త బిరుదులు పొంది, గృహలక్ష్మి స్వర్ణకంకణధారియై 1905 నాటికే ఆదాయపు పన్ను చెల్లించిన స్త్రీమూర్తి. నేను దేవదాసీని అని గర్వంగా చెప్పుకుని, ఓ గొప్ప కళాకారిణిగా నాగరత్నమ్మ ఎలా రాణించారో ఆర్‌ఎం ఉమామహేశ్వరరావు ఆకట్టుకునేలా రాశారు. చెళ్ళపిళ్ళ వెంకటశాస్త్రి, ఆచంట జానకీరామ్, మరుపూరి కోదండరామరెడ్డి.. నాగరత్నమ్మ ఔన్నత్యాన్ని జ్ఞాపకాల సహాయంతో వివరించారు. సంఘసంస్కర్త కందుకూరి వీరేశలింగంలోని పురుషాధిక్యతను ప్రశ్నించి సంచలనం సృష్టించిన నాగరత్నమ్మ, త్యాగరాజ ఆరాధనోత్సవాల్లో స్త్రీలు పాడరాదనే నిషేధాన్ని ధిక్కరించి మరో మార్పుకు నాంది పలికాలు. నాగరత్నమ్మకు శక్తినిచ్చిన అంశాలు, ప్రతికూల పరిస్థితుల నుంచి ఆమె ఎదిగిన తీరు, పురుషాధిక్యంపై ఆమె ధిక్కారం, ఆమె దాతృత్వం.. ఆమె ఆధ్యాత్మికంపై మరింత దృష్టిసారిస్తే ఇంకా బాగుండేదేమో!

– కె. భాస్కర్, ఆంధ్రజ్యోతి, 27th Jul 2014

 

 

 

 

 

 

 

 

 

బెంగుళూరు నాగరత్నమ్మ” డిజిటల్ రూపంలో కినిగెలో లభిస్తుంది. కినిగె వెబ్‌సైట్ ద్వారా ఆర్డర్ చేసి ప్రింట్ పుస్తకాన్ని తగ్గింపు ధరకి పొందవచ్చు. మరిన్ని వివరాలకు ఈ క్రింది లింక్‌ని అనుసరించండి.

***

బెంగుళూరు నాగరత్నమ్మ on kinige

 

 

Related Posts:

ఆగష్టు 2014 రెండవ వారంలో టాప్ టెన్ పుస్తకాలు

ఆగష్టు 2014 రెండవ వారంలో kinige పై టాప్ టెన్ పుస్తకాలు

1 స్టాక్ మార్కెట్ లో లాభాలు పొందడం ఎలా? శ్రీనివాస్ వరుసగా 4 వారాలుగా
2 ఎవరితో ఎలా మాట్లాడాలి ఉషశ్రీ & డా.గాయత్రీదేవి రీ-ఎంట్రీ
3 మా ఇంటి రామాయణం పొత్తూరి విజయలక్ష్మి వరుసగా 3 వారాలుగా
4 పరికిణీ!! తనికెళ్ళ భరణి వరుసగా 4 వారాలుగా
5 రామాయణ విషవృక్షం రంగనాయకమ్మ రీ-ఎంట్రీ
6 నేను నా బాశాలి మా పిల్లనాకొడుకు వేంపల్లి రెడ్డి నాగరాజు న్యూ ఎంట్రీ
7 చక్రతీర్థం మధుబాబు వరుసగా 2 వారాలుగా
8 మూలింటామె నామిని రీ ఎంట్రీ
9 ఒక అలవాటు డా. టి.ఎస్.రావు న్యూ ఎంట్రీ
10 చాణక్య శ్రీశార్వరి వరుసగా 19 వారాలుగా

Related Posts:

నవ్వుల పువ్వులు – “హాస్యకథ 2011″ పుస్తకంపై సమీక్ష

వివిధ పత్రికల్లో ప్రచురితమైన 56 మంది రచయితల కథా సంకలనమే ‘హాస్య కథ-2011‘. వసుంధర, నాయని కృష్ణమూర్తి, కాటూరి రవీంద్ర త్రివిక్రమ్, సింహప్రసాద్, వేదగిరి రాంబాబు తదితరుల రచనలున్నాయి. నిత్యజీవితంలో అందరికీ ఎదురయ్యే సమస్యలనే రచయితలు చురకలతో మెరుపులతో తీర్చిదిద్దిన తీరు నవ్వు పుట్టిస్తుంది. ‘సీరియల్ పిచ్చి’, ‘పెనం మీంచి పొయ్యిలోకి’, ‘ఈ ఎపిసోడ్ ఇంతేనా’, ‘పెట్టెలో ప్రాణం’-టీవీ కార్యక్రమాలపై సంధించిన వ్యంగాస్త్రాలు. పెళ్లిళ్ళూ, ఉచిత సలహాలూ, రాజకీయనాయకులూ..ఇలా ఎన్నో అంశాలపై గిలిగింతలు పెట్టే కథలల్లారు రచయితలు.

-నీరుకొండ అనూష, ఆదివారం అనుబంధం, 30 మార్చి 2014

 

 

 

 

 

 

 

 

హాస్య కథ-2011”నవల డిజిటల్ రూపంలో కినిగెలో లభిస్తుంది. మరిన్ని వివరాలకు ఈ క్రింది లింక్‌ని అనుసరించండి.

***

హాస్య కథ-2011 on kinige

Related Posts:

సమకాలీన సమస్యలపై వ్యంగ్యాస్త్రాలు – “కింగ్ మేకర్” పుస్తకంపై సమీక్ష

ప్రజల అభ్యున్నతికై మేధోమధనానంతరం ఏర్పడేవి సిద్ధాంతాలు. అవి ఓ రోజులోనో ఓ పూటలోనో ఏర్పడినవి కావు. అయితే సిద్ధాంత గ్రంథాలు ప్రజల గురించే వ్రాసినవైనా కొన్ని మేధావులకే అందేవి, కొన్ని సామాన్యులకు అందే విధంగానూ వుండడం లేకపోలేదు. అయితే రెండింటి అవసరమూ ఏకోన్ముఖమూ ప్రజాదృష్టే.
సిద్ధాంత భూమికల నుండి కళారూపాలుగా వివిధ సాహిత్యప్రక్రియలుగా వచ్చేవి మరింతగా ప్రజల్ని చేరతాయి. వ్యంగ్య రచనలు అలా చేరేవి. అలా చేర్చగలిగే దమ్మున్న శక్తిమంతుల్లో ఈనాటి వ్రేళ్ళలెక్కలో సతీష్‌చందర్ ముఖ్యులు. ఇందుకు అక్షరసాక్షి ఈ ప్రజారాజకీయ వ్యంగ్య రచనల కింగ్‌మేకర్ ఇవి ‘సిద్ధాంత రహస్య’ రచనలు.
రెండు మూడు పుటల్ని మించని రచనలు. ఒక్కొక్క సమకాలీన ప్రజాసమస్య ఒక్కో వ్యంగ్య కథానికను చెప్పినట్లుగా చెప్పడం. పాఠకుల భుజాలపై చేయివేసి తన మార్గానికి తీసికెడుతూ ఎన్నో కబుర్లు చెబుతారు. అవి ప్రజాసమస్యల ‘వాకబుర్లు’ అందులో పాలకుల్ని ఎండగట్టరు. ‘మండుటెండ గడతారు’. పాలకుల పట్ల ప్రజాకర్తవ్యాల చెకింగ్ మేకరవుతారు. ‘సర్వేజనా దుఃఖినోభవతు’, ‘ఎవరిని ఎన్నుకున్నా అదే తన్ను’,‘ఒక ఎత్తిపొడుపు కథ’, ‘నేర సారాలు’, ‘రాజ్యము’ చోరభోజ్యము, మగని చేతి విల్లు మగువల బిల్లు- వంటి రచనల్లో శీర్షికా పద చమత్కారాలే కాదు లోపలి రచనల్లో ఎన్నో పెదవి విరుపులకు అవకాశమివ్వని పదాల విరుపులు కథనాంశాలు వ్యంగ్య మర్యాదల్ని గుర్తుచేస్తాయి. అంబేద్కరు గ్రంథాల్ని చదివితే, ఒక మానవుడిగా ఆలోచిస్తే మన కళ్లల్లో మార్పులు వస్తాయి. సతీష్‌చందర్‌గారి ఈ వ్యంగ్య రచనలు చదివితే మన కళ్ళల్లో మార్పులు వస్తాయి.
కొండొకచో కళ్ళల్లో తడి నిండుతుంది, లేదా కళ్ళు ఎర్రబడతాయి. ఫలితంగా చూపు(విజన్) రూపుమారుతుంది. ఎదిరించలేని తత్త్వం మనకుంటే మనపై మనకే జాలికలుగుతుంది. లేదా వీరులపై కర్తవ్యోన్ముఖులమైనా అవతాం. నలభైఆరు రచనల వ్యంగ్య బాణాలు-ప్రజాస్వామ్యం, మతతత్త్వ రాజకీయం, ఆర్థికం, కులాధిపత్యం, మహిళల అణచివేత, విద్యారంగం, వామపక్షాలు, మీడియా, పౌరహక్కులు అనే తొమ్మిది పొదుల్లో ఉన్నాయి..
పంచమవేదం, పసుపు జాబిలి వంటి కవితా సంపుటాల కవిగా, పత్రికా సంపాదకునిగా, విశ్వవిద్యాలయాల్లో పాఠ్యాంశాలైన రచనలు చేసిన ప్రసిద్ధునిగా సీరియస్ కథారచయితగా, వెల్చేరు నారాయణరావు వంటి వారిచే ప్రశంసలు పొందినవారిగా సతీష్‌చందర్ సుప్రసిద్ధులు. ఈ కింగ్‌మేకర్‌లోని రచనలు ఆంధ్రప్రభలో ధారావాహికగా వచ్చినవి. కర్నూలు జిల్లా ప్యాపిలిలో వాడలో వినాయకుని పూజించుకున్నారు. ఆ వినాయకుని నిమజ్జనానికి వాడకి దూరంగాఉన్న వూరివారు ససేమిరా అంగీకరించలేదు.
ఆ సమస్యపై సతీష్‌చందర్ రాసిన ఇందులోని ‘‘అవాస్తవా’్ధన రేఖ’’ అనే రచన చదివితే సమాజం ఎక్కడికి పోతోంది అనే వాస్తవ ఆవేదన కలుగుతుంది.
అందులోని కొన్ని వాక్యాలు:
‘‘అమాయక వినాయకుడు ఊరి భక్తుల మాట వినకుండా వాడలో పూజలందుకున్నాడు. దాంతో ఆయన కూడా అస్పృశ్యుడయిపోయాడు. ఊరికి దూరమైన దళిత వినాయకుడయ్యాడు. ఆయన్ని నిమజ్జనానికి పోనివ్వమన్నది వూరు.
భారతదేశానికి, పాకిస్తాన్‌కి మధ్య లేదా భారతదేశానికీ బంగ్లాదేశ్‌కి మధ్య ఎలాంటి సరిహద్దురేఖ వుంటుందో ఊరికీ, వాడకీమధ్య ఓ సరిహద్దురేఖ వుంటుంది.
అది కులం గీసిన ‘అవాస్తవధీన రేఖ’…
వినాయకుడూ అస్పృశ్యుడయ్యాడు. ఆయన నిమజ్జనానికి పోనివ్వమన్నది వూరు. పోయినా వూరు మధ్యనుంచి వెళ్ళకూడదన్నది. ఇది తప్పన్న ఒకటి రెండు అగ్రవర్ణాల కుటుంబాలను వూరివారు తరిమికొట్టారు.
ఊరి తీరే అలాగుంటుంది. భూమి గుండ్రంగా ఉంటుందేమో కాని ఊరెప్పుడూ బల్లపరుపుగానే వుంటుంది. చతురస్రాకారంలోనే వుంటుంది’ అంటారు.
ఇది చదివినప్పుడు హిందువుగా ‘వ్యాకులం’ చెందుతాం.
మానవునిగా హృదయాన్ని కల్లోల పరచుకుంటాం. ఊరు చతురస్రాకారంలో వుంటుందనడంలో చాతుర్వర్ణ ఆకారమని ధ్వని.
ఊరూ, వాడా ఏకంకాని విషయాన్ని ఆయన ఇంకా ఎలా అభివర్ణిస్తారో గమనిద్దాం.
వినాయకుని పూజించిన వాడ వారి వేదనను చెబుతూ…
‘‘మీరే మతస్తులు అంటే? హిందువులని చెప్పుకోవచ్చా? అలా చెబితే స్వామి వివేకానంద వూరుకోవచ్చు. లేదా కామకోటి పీఠాధిపతి ఊరుకోవచ్చు. కాని ఊరు ఊరుకోదు’’ అంటారు.
ఇందులోనే వుంది సతీష్‌చందర్‌గారి శాస్ర్తియ విశే్ల్లషణా నైపుణ్యం. కేవలం కొందరు వ్యక్తులపై ఆయన వ్యంగ్యబాణ ప్రయోగం చెయ్యరు. సమూలంగా మారి తీరవలసిన వ్యవస్థపై గురిపెడతారు. ఆ గురి నలుగురి మెచ్చు పొందేలా వుంటుంది. రేఖామాత్రంగా సతీష్‌చందర్ వ్యంగ్య తీక్షణతను తెలపడానికే ఈ ‘అవాస్తవాధీన రేఖ’ వాక్యాల ఉటంకింపు.
ఈ రచయిత విలేఖరిగా, సంపాదకునిగా, ప్రసిద్ధ పత్రికల కాలమిస్టుగా పేరున్నవారు. అయితే ఆయన పత్రికల పక్షాన ఏమైనా రచనాసమరం సాగించారా? అంటే సాగించారని ఈ పుస్తకంలో గారడియా (మీడియా) శీర్షిక క్రింద ‘పాలకులూ పాఠకులే’ అన్న రచన నిలచి చెబుతుంది. పత్రికల లేక మీడియా గొంతు నొక్కాలని, అప్రజాస్వామికంగా భావించే ప్రజాస్వామిక రాజులకు మాటల కొరడాల రుచులు చూపిస్తారు.
‘పాలకులు కూడా పత్రికల్ని ప్రశ్నించవచ్చు. కానీ కొమ్ములొచ్చిన పాలకులుగాకాక సాధారణ పాలకులు గానే. కానీ ఆ ఇంగిత జ్ఞానాన్ని ఎందుకనో అప్పుడప్పుడు పాలకులు కోల్పోతూంటారు.
తాము యింటింటికీ వెళ్ళి జోలిపట్టి, రెండుచేతులూ జోడించి, వీలుంటే సాష్టాంగపడి, దీనాతిదీనంగా బిచ్చమెత్తగా, వచ్చిన ఓట్లతో పాలకులయ్యామన్న స్పృహ కోల్పోయినప్పుడల్లా పాతకాలం మహారాజులవుతారని అంటూ, నాటి రాజసభల్లో వార్తాహరుడు వచ్చి జయంజయం అంటూ మన యువరాజాగారు యుద్ధంలో శత్రువుల్ని కూరగాయలు తరిగినట్లు తరుగుతున్నారంటే వజ్రాల హారాలు ఇచ్చే వారని అదే వార్తాహరుడు తర్వాత వచ్చి ‘‘మన్నించాలి. యుద్ధంలో శత్రువుల వీర ఉతుకుడికి మన యువరాజాగారే వీరోచితంగా చతికాలబడ్డారనే సత్యవార్తను చెప్పగానే ఈ వార్తాహరుణ్ణి ఖండఖండాలుగా తరిగి కాకులకూ గద్దలకూ వేయండి అనే వారని అలాంటి వార్తాహరుల వంటి పత్రికలు కావు నేటివి అన్నారు. పత్రికలపై ఇప్పటి పాలకులు- నచ్చినప్పుడు వజ్రాలహారాల వంటివి విసరబోతారని నచ్చకపోతే పత్రికలపై కత్తులూ కటారులూ ఝుళిపించబోతారని అంటారు.
పత్రికలంటే- తుమ్మితే వూడిపోయే తక్కువ సర్కారులు కావంటారు. ప్రజలిచ్చిన స్వేచ్ఛే ప్రాణవాయువుగాసాగే పత్రికలపై పాలకుల దుస్సాహసాలకు శృంగభంగం తప్పదంటారు.
ప్రతి మనిషికీ స్వరపేటిక ఉంటుంది. శ్రీ సతీష్‌చందర్‌గారిది దుష్టపాలక దుష్టసమాజాల పట్ల సంపూర్ణ్ధిక్కార స్వరపేటిక అని కింగ్‌మేకర్ తర్కబద్ధంగా చెబుతుంది.

- సన్నిధానం నరసింహశర్మ, అక్షర, ఆంధ్రభూమి, 5th జూలై 2014

 

 

 

 

 

 

 

 

కింగ్‌మేకర్”నవల డిజిటల్ రూపంలో కినిగెలో లభిస్తుంది. మరిన్ని వివరాలకు ఈ క్రింది లింక్‌ని అనుసరించండి.

***

కింగ్‌మేకర్ on kinige

 

Related Posts: