వెండితెర విజేత- “విశ్వవిజేత విజయగాథ” పుస్తకంపై సమీక్ష

నలభయ్యేళ్ల సుదీర్ఘ ప్రయాణంలో రచయితగా, దర్శకుడిగా, నటుడిగా, నిర్మాతగా… ఇలా రకరకాల బాధ్యతల్ని నిర్వర్తించారు దాసరి నారాయణరావు. ఆయన 150 సినిమాల ప్రయాణం వెనక పదనిసలకి ‘విశ్వవిజేత విజయగాథ‘ పేరుతో పుస్తకరూపాన్నిచ్చారు వినాయకరావు. ఏ సినిమానీ వదలకుండా… తెరవెనక, తెరపైన సంగతుల్ని అక్షరీకరించడం చక్కటి ప్రయత్నం. దాసరి సినీ ప్రస్థానానికి అద్దంపట్టే అరుదైన ఛాయాచిత్రాలను పొందుపరచడం బాగుంది. కాలంతో పోటీపడి గెలిచిన ఓ విజేత ప్రయాణానికి ప్రతిబింబం ఈ పుస్తకం.

-నర్శిమ్, ఈనాడు ఆదివారం అనుబంధం, 2nd Mar 2014

eenadu Book reviews on 02_03_2014

విశ్వవిజేత విజయగాథ” పుస్తకం డిజిటల్ రూపంలో కినిగెలో లభిస్తుంది. కినిగె వెబ్‌సైట్ ద్వారా ఆర్డర్ చేసి ప్రింట్ పుస్తకాన్ని తగ్గింపు ధరకి పొందవచ్చు. మరిన్ని వివరాలకు ఈ క్రింది లింక్‌ని అనుసరించండి.

విశ్వవిజేత విజయగాథ on kinige

 

ViswaVijethaVijayagatha600

Related Posts:

దిటవు గుండెలున్న పల్లెటూరి కుర్రాడే ‘మూవీమొఘల్’

తెలుగు ప్రజలు గర్వించదగిన ప్రముఖులలో ఒకరు డి.రామానాయుడు. ఆయన సమకాలికులలో జ్ఞాపకాలకు భాష్యం చెప్పాలంటే పదునైన పంచెకట్టు పల్లెటూరి కుర్రాడు.దాదాసాహెబ్ ఫాల్కే,పద్మభూషణ్ వంటి అత్యున్నతమైన అవార్డులతో పాటు స్టార్ ప్రొడ్యూసర్,వర్క్ ప్రొడ్యూసర్,అధ్బుత నిర్మాత,గిన్నిస్ బుక్ ఆఫ్ వరల్డ్ రికార్డ్స్ లో చోటు పొందిన అరుదైన తెలుగువాడు, సేవానిరతి గల వ్యక్తి ఎంతోమందికి అన్నం పెట్టినవాడు……లాంటి ఎన్నో భుజకీర్తులు సంపాదించుకున్నవాడు,వినయశీలి ఆయన సాధించిన అరుదైన విజయాలను,జీవితాన్ని యువతకు స్ఫూర్తినిచ్చేలా ‘మూవీమొఘల్’ పుస్తకంలో అక్షరీకరించారు. సీనియర్ జర్నలిస్ట్ వినాయకరావు అరుదైన ఫోటోలను,విలువైన సమాచారాన్ని ఈ పుస్తకంలో అందించారు..

రామానాయుడు బాల్యం,దయార్ధ్రరహృదయం,వితరణదృష్టి,వ్యాపార దక్షత,చిత్రరంగ ప్రవేశం,తెగువ,ఆటుపోట్లు,కలుపుగోలుతత్వం,జాతీయ స్థాయి గుర్తి౦పు సహా సేవా కార్యక్రమాల ప్రస్దానాన్ని పాఠకజనరంజకంగా వ్రాశారు.రామానాయుడు మానవతావాది,భేషజాలు లేని మనిషి,గర్వం ఆయనకు ఆమడ దూరం.అయన తొమ్మిదోయేట అచార్య వినోబాభావే వారి గ్రామానికి వచ్చినప్పడు రెండున్నర ఎకరాలు భూమి ఇచ్చి అందర్నీ ఆశ్చర్యపరిచారు. విజయవాడ లయోలా కాలేజీ నిర్మాణానికి రెండు లక్షలు విరాళాలు సేకరించి ఇచ్చారు.రైసుమిల్లు నడిపారు.పొగాకు వ్యాపారం చేశారు.రవాణారంగంలో రాణించారు.ఆయన బస్సులను ప్రభుత్వం జాతీయ౦ చేయడంతో ఇటుకల వ్యాపారం చేసేందుకు మద్రాసు వెళ్ళారు.అది నచ్చక రియల్ఎస్టేట్ వ్యాపారం కోసం 50 వేల రూపాయలతో మహాబలిపురం వద్ద 94 ఎకరాలు కొనుగోలు చేశారు.ఆంధ్రాభవన్ హోటల్ వ్యాపారంలో పార్ట్నర్ గా చేరారు. చివరకు ఆంధ్రాక్లబ్ లో రామినీడు పరిచయంతో అనురాగం చిత్రంలో పార్టనర్ గా సినీరంగ ప్రవేశం చేశారు.సురేష్ మూవీస్ ఏర్పాటు చేసి రాముడు భీముడు చిత్రం ద్వారా తొలి సక్సెస్ సాధించారు.ఈ చిత్రమే ఆ తర్వాత బుల్లెమ్మ బుల్లోడు,సీతా ఔర్ గీతా,రామ్ ఔర్ శ్యామ్,గంగ మ౦గ,వాణి-రాణి వంటి అనేక చిత్రాలుగా పలుభాషల్లో నిర్మించడానికి స్పూర్తిగా నిలిచింది.

మొదట్లో అర్ధికంగా ఇబ్బందులు అధిగమించేందుకు ఎంతో తెగువతో ప్రేమనగర్ నిర్మించారు.తీరా విడుదలయ్యాక భారీవర్షాలు.ఆయన అశలు వదులుకున్నారు.డిస్ట్రిబ్యూటర్లు ఇది శతదినోత్సవ చిత్రమని చెప్పడంతో ఆయన ఆనందానికి అంతే లేదు.ఈ విజయ౦తో ఆయన జాతీయస్ధాయికి ఎదిగారు.  ప్రేమనగర్,జీవనతరంగాలు,చక్రవాకం,సెక్రటరి వంటి నవలాచిత్రాలు తీసి ఔరా అనిపించారు.బ్రహ్మపుత్రుడు,దేవత చిత్రాలు అయన్ను మరింత ము౦దుకు నడిపించాయి. శోభన్ బాబు,వెంకటేష్ లతో అత్యధిక చిత్రాలు నిర్మి౦చారు.తమిళంలో 10 స్ట్రయిట్ చిత్రాలు,మరో 14 అనువాద చిత్రాలు తీశారు. తమిళనాడు ముఖ్యమంత్రి జయలలిత నటి౦చిన 100వ చిత్రం ‘తిరుమాంగల్యం’(జీవన తరంగాలు) రామానాయుడే నిర్మించారు.ప్రేమనగర్,చంటి వంటి చిత్రాలు తెలుగు,తమిళ్ (శివాజీగణేషన్) ,హిందీ (రాజేష్ ఖన్నా) భాషల్లో కూడా విజయఢంకా మోగించాయి. దిల్దార్,దిల్ ఔర్ దీవార్,బందిష్ తోఫా,మక్సద్,దిల్ వాలా తో హిందీలో హిట్లు కొట్టారు.వెంకటేష్ కూడా హిందీలో అనారి(చంటి),తకదీర్ వాలా(యమలీల) వంటి చిత్రాల్లో నటించారు. స్టాటన్ ఐలెండ్ అనే ఆంగ్ల చిత్రం కూడా నిర్మించారు.50 యేళ్ళ సినీజీవిత౦లో ఆత్యధికంగా 50 కథా చిత్రాలు నిర్మించిన నిర్మాతగా గిన్నిస్ రికార్డుకు ఎక్కారు.ఇంద్రుడు చంద్రుడు,బొబ్బిలిరాజా సహా కామెడీ చిత్రాల చరిత్రలో చిరస్ధాయిగా నిలిచిన ‘ఆహ నా పెళ్ళంట’ తోపాటు 13 భారతీయభాషల్లో 140 చిత్రాలు నిర్మించారు .ముగ్గురు ముఖ్యమంత్రులు(ఎన్టీఆర్,జయలలిత,ఎమ్జీఆర్) ఆయన చిత్రాల్లో నటించి పేరు ప్రతిష్టలు పొందిన వారే.

‘రామానాయుడు అవసరమైతే ట్రాలీ కూడా లాగుతారు. సూటూబూటూ వేసుకున్నా లోలోపల పల్లెటూరి రైతులా కనిపిస్తారు’ అని కమల్ హాసన్ చేసిన ప్రశ౦సలు గమనార్హం.

ఇన్ని విజయాలు,స్టూడియోల నిర్మాణం,ప్రజల ప్రశంసలు,అంతర్జాతీయ స్ధాయి గుర్తింపు ఆయనకు ఊరికే వచ్చి ఒళ్ళో పడిపోలేదు.దిటవు గు౦డెలు,కష్టించే తత్వమే దానికి ఆలంబన.అలా౦టి ఓ పల్లెటూరి వ్యవసాయదారుని విజయ రహస్యాలను తెలియజేసే పుస్తకమిది ప్రతియువకుడు చదవాలి.

-తాతిరాజు , నవ్య వీక్లీ ,10 సెప్టెంబర్ 2014

 

MovieMoghal

“మూవీమొఘల్” డిజిటల్ రూపంలో కినిగెలో లభిస్తుంది. కినిగె వెబ్‌సైట్ ద్వారా ఆర్డర్ చేసి ప్రింట్ పుస్తకాన్ని తగ్గింపు ధరకి పొందవచ్చు. మరిన్ని వివరాలకు ఈ క్రింది లింక్‌ని అనుసరించండి.

మూవీమొఘల్ on kinige

MovieMoghal

 

 

 

Related Posts:

“విప్లవజ్యోతి అల్లూరి సీతారామరాజు” పుస్తకంపై సమీక్ష

తెలుగు చలన చిత్ర చరిత్రలో డెబ్బయ్యవ దశకంలో అనేక విధాలుగా సంచలనాలు సృష్టించిన చిత్రం ‘అల్లూరిసీతారామరాజు’ సూపర్ స్టార్ కృష్ణ సినీ చరిత్రలో సువర్ణాధ్యాయమిది. ఎనిమిదేళ్ళ ఆలోచన, తొమ్మిది నెలల కష్టానికి ప్రతిఫలంగా ఈ చిత్రానికి గొప్ప విజయం లభించింది.

1955లోనే ఈ చిత్రాన్ని నిర్మించాలని ఎన్టీఆర్ విఫలయత్నం చేశారు. తర్వాత శోభనబాబుతో ఈ చిత్రాన్ని నిర్మించేందుకు నిర్మాత డి.ఎల్.నారాయణ కథ సిద్ధం చేసుకుని కూడా ఆగిపోయారు. తర్వాత జ్యోతి పిక్చర్స్, వాణీ ఆర్ట్ కంబైన్స్ వారూ కూడా యత్నించి కమర్షియల్ హిట్ కాదనే భయంతో వదిలేశారు. కానీ కృష్ణ మాత్రం వీరందరికీ భిన్నంగా ఆలోచించారు. తెలుగువారి పౌరుషాగ్నిని చాటి చెప్పేందుకు కంకణబద్దులై ఒక టీమ్ ఏర్పాటు చేసి సీతారామరాజు చరిత్ర వెలికితీశారు. ఆయన తిరిగిన ప్రదేశాలను గుర్తించారు. అష్టకష్టాలూ పడి ఆ మహనీయుని చరిత్రను చిత్తశుద్ధితో సెల్యులాయిడ్ పై ఎక్కించి కష్టానికి తగ్గ విజయం సాధించారు. తొలుత ఎన్టీఆర్ సైతం ఒక సారి కృష్ణను పిలిచి డబ్బు పాడుచేసుకోవద్దని సలహా ఇచ్చినా ఆయన వినలేదు. దాంతో ఎన్టీఆర్ ఆగ్రహించారు. ఆ తర్వాత ఒక సందర్భంలో ప్రత్యేకంగా ఆ సినిమాను ఎన్టీఆర్ వీక్షించారు. ’ఇంతకంటే గొప్పగా మరెవ్వరూ తియ్యలేరు’ అని కృష్ణను ప్రశంసించారు. ఇలాంటి ఎన్నో తెరవెనుక సంగతులతో కూడిన ఈ పుస్తకాన్ని ప్రముఖ సినీ జర్నలిస్టు యు.వినాయకరావు పాఠకజనరంజకంగా వ్రాశారు. సినీరంగానికి చెందిన ఎన్నో గొప్ప పుస్తకాలను ఆయన వెలువరించారు. సినీ ప్రేమికులను మెప్పించి అబ్బురపరచే అసాధారణ సమాచారాన్ని ఇందులో క్రోడీకరించారు. సీతారామరాజు జీవిత చరిత్ర, దానికి సంబంధించిన అపురూప చిత్రాలు, ఆయన తిరుగాడిన ప్రదేశాలు వంటి సమాచారాన్ని ఆసక్తికరంగా వివరించారు. ఈ చిత్ర నటీనటుల అనుభవాలు, భావోద్వేగాలను కళ్ళకు కట్టిపడేసే అలనాటి ఫోటోలను ఇందులో జతచేశారు.

 

 

 

 

 

 

 

విప్లవజ్యోతి అల్లూరి సీతారామరాజు” డిజిటల్ రూపంలో కినిగెలో లభిస్తుంది. మరిన్ని వివరాలకు ఈ క్రింది లింక్‌ని అనుసరించండి.

***

విప్లవజ్యోతి అల్లూరి సీతారామరాజు on kinige

 

Related Posts:

వోడ్కా విత్ వర్మ

ఏకబిగిన ఓ పుస్తకం చదివి ఇప్పటికి ఇరవై ఏళ్ళయ్యింది… ఇన్నాళ్ళ తర్వాత మళ్ళీ మధ్యలో ఆపకుండా చదివిన పుస్తకం ఈ ‘వోడ్కా విత్ వర్మ

పూరీ జగన్నాథ్ (సినీ దర్శకుడు)

వర్మని కొందరు సైకో అంటారు, మరి కొందరు అతివాది అంటారు, ఇంకొందరు సంఘవ్యతిరేకి అంటారు. తనని స్త్రీలోలుడు, రాక్షసుడు, శాడిస్టు అనేవాళ్ళు కూడా ఉన్నారు.

సిరాశ్రీ (ఈ పుస్తక రచయిత)

రాములో ఒక చాలా తెలివైన పిల్లవాడు, ఒక మహా అమాయకుడైన ఎదిగినవాడు కలిసి ఉన్నారు.

రత్న (వర్మ మాజీ భార్య)

రాము నాన్నని నేను ఎప్పుడూ ఒక తండ్రిగా కాకుండా కేవలం ఒక బెస్ట్ ఫ్రెండ్‌గా మాత్రమే చూసాను.

రేవతి (వర్మ కుమార్తె)

* * *

“వోడ్కా విత్ వర్మ” డిజిటల్ రూపంలో కినిగెలో లభిస్తుంది. కినిగె వెబ్‌సైట్ ద్వారా ఆర్డర్ చేసి ప్రింట్ పుస్తకాన్ని తగ్గింపు ధరకి పొందవచ్చు. మరిన్ని వివరాలకు ఈ లింక్ చూడండి.

వోడ్కా విత్ వర్మ On Kinige

Related Posts:

వోడ్కా విత్ వర్మ

ప్రముఖ సినీ విమర్శకుడు, గీత రచయిత సిరాశ్రీ సుప్రసిద్ధ సినీదర్శకుడు రామ్‌గోపాల్ వర్మపై రాసిన పుస్తకం “వోడ్కా విత్ వర్మ“.
స్కూలు కుర్రవాడిగా ఉన్నప్పుడు వర్మ సినిమా వాల్ పోస్టర్ చూసి మతిపోయిన ఓ కుర్రాడు, వర్మతో కలసి వోడ్కా టేబుల్ వద్ద కూర్చునే స్థాయికి చేరి అదే వర్మ గురించి ఒక పుస్తకం రాసాడు. ఆ కుర్రవాడే సిరాశ్రీ. ఆ పుస్తకమే వోడ్కా విత్ వర్మ.
రామ్‌గోపాల్ వర్మ అంటే సాధారణ ప్రజలలో, సినీజీవులలో, సన్నిహితులలో రకరకాల అభిప్రాయాలున్నాయి. కొందరికి రామ్‌గోపాల్ వర్మ ఓ వ్యసనం, మరికొందరి అసహ్యం. సైకో, అతివాది, సినీతీవ్రవాది…ఇలా రకరకాల విశేషణాలు రామ్‌గోపాల్ వర్మ గురించి ప్రచారంలో ఉన్నాయి. వాటిల్లో నిజానిజాలు కనుగొనేందుకు, రామ్‌గోపాల్ వర్మ అంతరంగంలోకి, మనసులోకి తొంగి చూసేందుకు రచయిత ప్రయత్నించారు.
వర్మలో – రీల్ వర్మ, మీడియా వర్మ, రియల్ వర్మ అనే మూడు పార్శ్వాలున్నాయని రచయిత అంటారు. వర్మ తన గురించి తాను ఏమనుకుంటాడో చెప్పలేకపోయినా, వర్మ ఏమి అనుకుంటాడో రచయిత ఊహించారు. వర్మ గురించి ఇతరులు ఏమనుకుంటారో చెప్పారు.
తనని సార్ అని కాకుండా రాము అని వర్మ ఎందుకు పిలిపించుకోవాలనుకున్నారు? వర్మ రాముడు కాదు గోపాలుడు అని రచయితకి ఎందుకు అనిపించింది? సర్కస్‌లో రింగ్ మాస్టర్‌లా మీడియా అనే సింహం జూలు పట్టుకుని రామ్‌గోపాల్ వర్మ ఎలా ఆడగలిగారు? అమితాబ్ బచ్చన్‌ని వర్మ తిట్టాడా, పొగిడాడా? భారతీయులకి పిచ్చగా నచ్చేసి, హాలీవుడ్‌లో మాత్రం టాప్ హండ్రెడ్ సినిమాల జాబితాలోకి చేరలేకపోయిన సినిమా ఏది? శివ సినిమాలో సైకిల్ చైన్ పట్టుకున్న చెయ్యి నాగర్జునది కాదా? ఓ సుప్రసిద్ధ రచయితకీ, వర్మకీ ఉన్న ఉమ్మడి లక్షణం ఏమిటి? వర్మలోని టెక్నీషియన్ని అహంభావి మింగేస్తున్నాడని ఎవరన్నారు? అందరూ అనుకునేలా రామూలో తిరుగుబాటు ధోరణి లేదని ఎవరన్నారు? వర్మని ఆయన మేనమామ నత్తతో ఎందుకు పోల్చారు? వర్మ గురించి ఆయన మాజీ భార్య, కూతురు ఏమనుకుంటున్నారు? ఒకప్పటి రాము మార్క్ ఇప్పుడు కనిపించడం లేదని వర్మ మేనమామ ఎందుకన్నారు? తన జీవితంలో అత్యంత ముఖ్యులైన తల్లిదండ్రుల గురించి, భార్యాబిడ్డల గురించి వర్మ అభిప్రాయం ఏమిటి? ….. ఇలాంటి ఆసక్తికరమైన ప్రశ్నలకు జవాబులు ఈ పుస్తకంలో దొరుకుతాయి. ఇవే కాకుండా సినీప్రముఖులు రామ్‌గోపాల్ వర్మ మీద వెల్లడించిన అభిప్రాయాలు, కొన్ని అరుదైన ఫోటోలు ఉన్నాయి.
రామ్‌గోపాల్ వర్మపై రాసిన ఈ పుస్తకం ఆయన జీవిత చరిత్ర కాదూ, ఆయన ఆత్మకథా కాదు. రామ్‌గోపాల్ వర్మని అర్థం చేసుకోడానికి ఓ ప్రయత్నం లాంటిది. సినీదర్శకుడిగా, వ్యక్తిగా రామ్‌గోపాల్ వర్మ నచ్చినా నచ్చకపోయినా, వర్మ గురించి రాసిన ఈ పుస్తకం మాత్రం పాఠకులని చివరిదాక ఆసక్తిగా చదివిస్తుండనడంలో ఏ మాత్రం సందేహం లేదు.

* * *

“వోడ్కా విత్ వర్మ” డిజిటల్ రూపంలో కినిగెలో లభిస్తుంది. కినిగె వెబ్ సైట్ ద్వారా ఆర్డర్ చేసిన్ ప్రింట్ పుస్తకాన్ని తగ్గింపు ధరకి పొందవచ్చు. మరిన్ని వివరాలకు ఈ క్రింది లింక్‍ని అనుసరించండి.
వోడ్కా విత్ వర్మ On Kinige

కొల్లూరి సోమ శంకర్

Related Posts:

ఎమ్బీయస్ కబుర్లు జనవరి 2010

విషయ సూచిక:
1. జనవరి 5న ఏం జరగబోతోంది…?
2. రోశయ్య గారు అలా అనకూడదా…?
3.హీరోలకు యాస వుండదేం…?
4.సినిమాల్లో తెలంగాణావారిని రానివ్వరా…?
5.యాస గురించి మరికొంత…
6. నాకేం కడుపునొప్పి?
7. జనవరి 5కి ముందూ, తర్వాత
8. తాడూ వుంది, బొంగరమూ వుంది
9.చిరంజీవి మాటల్లో అనౌచిత్యం…..?
10.మీడియాపై జాలిపడాలా?
11.కావూరి కావు కావు….
12.మతి చెదుర్స్…..
13.డిపెండెంట్సా? ఇండిపెండెంట్సా?
14. ‘మేం గెలిపించుకుంటాం….’
15. గోన గన్నారెడ్డి 1 – 7
16. భద్రం బీ కేర్‍ఫుల్ బ్రదరూ 1-5
17. గుమ్మడికి నివాళి 1-5

ఇది నేను గ్రేట్ ఆంధ్రా డాట్‍కామ్‍లో "ఎమ్బీయస్ కబుర్లు" అనే శీర్షికలో 2010 జనవరిలో రాసిన వ్యాసాల (ఆర్టికల్స్) సంకలనం.

ఈ ఆర్టికల్స్ సబ్జెక్ట్ వారీగా విడగొట్టబడి ఉండవు. వీటిలో రాజకీయాల గురించి ఆర్టికల్స్ ఉన్నాయి, సమాజపరమైనవి ఉన్నాయి, గోనగన్నారెడ్డి నవల పరిచయం ఉంది, గుమ్మడి గారికి నివాళి ఉంది. ఇది ఒక కలగూర గంప. మీకు కావల్సింది మీరు ఏరుకుని చదవవచ్చు.

ఈ పుస్తకం మీకు నచ్చితే తెలియబరచండి. తక్కినవి కూడ అందుబాటులోకి తెస్తాను.

- ఎమ్బీయస్ ప్రసాద్

 

—-

ఈ పుస్తకం ఇప్పుడు కినిగెలో ఈ-పుస్తకంగా లభిస్తుంది. వివరాలకు ఇక్కడ నొక్కండి

ఎమ్బీయస్ కబుర్లు జనవరి 2010 On Kinige

Related Posts:

ఎమ్బీయస్ కబుర్లు జనవరి 2010

విషయ సూచిక:
1. జనవరి 5న ఏం జరగబోతోంది…?
2. రోశయ్య గారు అలా అనకూడదా…?
3.హీరోలకు యాస వుండదేం…?
4.సినిమాల్లో తెలంగాణావారిని రానివ్వరా…?
5.యాస గురించి మరికొంత…
6. నాకేం కడుపునొప్పి?
7. జనవరి 5కి ముందూ, తర్వాత
8. తాడూ వుంది, బొంగరమూ వుంది
9.చిరంజీవి మాటల్లో అనౌచిత్యం…..?
10.మీడియాపై జాలిపడాలా?
11.కావూరి కావు కావు….
12.మతి చెదుర్స్…..
13.డిపెండెంట్సా? ఇండిపెండెంట్సా?
14. ‘మేం గెలిపించుకుంటాం….’
15. గోన గన్నారెడ్డి 1 – 7
16. భద్రం బీ కేర్‍ఫుల్ బ్రదరూ 1-5
17. గుమ్మడికి నివాళి 1-5

ఇది నేను గ్రేట్ ఆంధ్రా డాట్‍కామ్‍లో "ఎమ్బీయస్ కబుర్లు" అనే శీర్షికలో 2010 జనవరిలో రాసిన వ్యాసాల (ఆర్టికల్స్) సంకలనం.

ఈ ఆర్టికల్స్ సబ్జెక్ట్ వారీగా విడగొట్టబడి ఉండవు. వీటిలో రాజకీయాల గురించి ఆర్టికల్స్ ఉన్నాయి, సమాజపరమైనవి ఉన్నాయి, గోనగన్నారెడ్డి నవల పరిచయం ఉంది, గుమ్మడి గారికి నివాళి ఉంది. ఇది ఒక కలగూర గంప. మీకు కావల్సింది మీరు ఏరుకుని చదవవచ్చు.

ఈ పుస్తకం మీకు నచ్చితే తెలియబరచండి. తక్కినవి కూడ అందుబాటులోకి తెస్తాను.

- ఎమ్బీయస్ ప్రసాద్

 

—-

ఈ పుస్తకం ఇప్పుడు కినిగెలో ఈ-పుస్తకంగా లభిస్తుంది. వివరాలకు ఇక్కడ నొక్కండి

ఎమ్బీయస్ కబుర్లు జనవరి 2010 On Kinige

Related Posts:

పసుపులేటి రామారావు – ‘నాటి మేటి సినీ ఆణిముత్యాలు తో ముఖాముఖి ఇంటర్య్వులు’ పుస్తక పరిచయం

నాటి మేటి సినీ ఆణిముత్యాలుతో ముఖా ముఖి ఇంటర్వ్యూలు On Kinige

ఈ పుస్తకంలో చిత్ర రంగానికే తలమానికగా నిలిచిన మార్గదర్శకుల, మహానుభావుల  యెందరివో ముఖాముఖి ఇంటర్య్వులు  వున్నాయి.
సినిమాకు తొలి మెట్టు ఐన నాటక రంగం నుంచి సినిమా రంగానికి వచ్చి  మన చిత్ర రంగాన్ని తేజోవంతం చేసిన నటీనటులు, దర్శకులు, నిర్మాతలు యెందరివో  ఇంటర్య్వులు ఈ పుస్తకంలో వున్నాయి.

“నాటి మేటి సినీ ఆణిముత్యాలను ప్రముఖ సీనియర్ జర్నలిస్ట్ పసుపులేటి రామారావు ఎన్నో రోజులు శ్రమించి పరిశ్రమకు, పాఠకులకు అందిస్తున్న ఈ నేటి మేటి సినీ ఆణిముత్యాలకు ముందుమాట వ్రాయడం నాకెంతో సంతోషంగా ఉంది”. -డాక్టర్. దాసరి నారాయణరావు.

“అరుదైన, నిజాయితీపరుడైన సినీజర్నలిస్ట్ పసుపులేటి రామారావు గత మూడున్నర దశాబ్ధాలుగా సృష్టించిన అక్షర సంపదను పుస్తకరూపంలో తీసుకువస్తున్నందుకు అభినందనలు”. -కె. చిరంజీవి

“రామారావు వ్రాసిన ప్రతి ఇంటర్వ్యూలోనూ ఏదో ప్రత్యేకత. పరిశ్రమ బాగోగుల గురించి, మన తెలుగు చిత్రాలకున్న మార్కెట్ పరిమితి గురించి, చిత్రాలలోని కథలు, కథనాల గురించి, వ్యక్తుల సాంఘీక బాధ్యతల గురించి ఇలా ఎన్నో ఎన్నెన్నో ఇంటర్వ్యూలు చేసిన పసుపులేటి రామారావు పరిశ్రమకు, పాఠకులకు ప్రీతిపాత్రం కావాలని కోరుకుంటున్నా”. -మురళీమోహన్

రచయత స్వంత మాటల్లో
ఈ పుస్తకాన్ని మీ ముందుకు తీసుకురావడానికి ఒక కారణముంది. కొంత కాలంగా తెలుగు ఫిలిం జర్నలిజంలోకి ఎందరో యువతీ యువకులు వస్తున్నారు. వాళ్ళంతా గతం గురించి తెలుసుకోలేకపోతున్నారు. తెలుసుకోవడానికి ఆధారాలు లేవు. కనుక ఈనాటి వ్యక్తుల గురించి, చిత్ర రంగంలోని ఈనాటి పరిస్థితుల గురించి తెలుస్తోంది. ఇప్పుడొస్తున్న వాళ్ళంతా గతం గురించి తెలుసుకోవాల్సిన అవసరం ఎంతో వుంది. మన చిత్రరంగానికి సంబంధించిన గతమెంతో ఘనమైనది. మొత్తం చలనచిత్ర రంగానికే తలమానికంగా నిలిచిన మార్గదర్శకులు, మహానుభావులు ఎందరో ఉన్నారు. సినిమాకు తొలి మెట్టయిన నాటక రంగం నుంచి సినిమా రంగానికి వచ్చి మన చిత్రరంగాన్ని తేజోవంతం చేసిన నటీనటులు, దర్శకులు, నిర్మాతలు ఎందరో వున్నారు. వారి ప్రతిభ కారణంగానే తెలుగు చిత్రసీమ పరిపుష్టితమైందనటంలో సందేహం లేదు.

ఉచిత ప్రివ్యూ దిగుమతి చేసుకోవడానికి ఇక్కడ నొక్కండి.

మీ అభిమాన తారల గురించి తెలుసుకోవలనుకుంటున్నార ఒకే ఒక క్లిక్ దూరం లో  కినిగే ఫై

Related Posts:

తనికెళ్ళ భరణి – ‘నక్షత్ర దర్శనం’ పుస్తక పరిచయం

నక్షత్ర దర్శనమ్ On Kinige

తనివితీరా
తారాతీరాన చేరిన
తన్మయత్వాన…
‘తెర’ మరుగైనా, తరతరాలకాదర్శమైన
తపనగా… ఇలా ‘నక్షత్రదర్శనమైన’
తళుకు చెణుకులివి!
తెరలు తెలరలుగా
తరలి వచ్చిన స్మృతి పరిమళాలివి!!

ఉచిత ప్రివ్యు దిగుమతి చేసుకోవడానికి ఇక్కడ నొక్కండి.

తనికెళ్ళ భరణి రాసిన పుస్తకాలలో ఈ నక్షత్రదర్శనం ఎంతో ఆదరణ పొందింది, ఈ పుస్తకం లో ఎన్నో మధురమైన కవితలు దిగుమతి చేసుకోవడానికి ఇక్కడ నొక్కండి

Related Posts: