విభిన్న కోణం.. “తలుగు” పుస్తకంపై సమీక్ష

డబ్బు చేతులు మారాక, వస్తువు కొన్న వాడిదే. దాని లాభనష్టాల భారమంతా సొంతం చేసుకున్నవాడిపైనే ఉంటుంది. కానీ, అది ఓ వస్తువు కాకుండా ప్రాణి అయితే… చంపేందుకు అమ్మిన గొడ్డు గేదె కాస్తా బతికి బట్టకడితే, పాడిగేదెగా మారితే… అది కొన్నవాడిదే అవుతుందా, లేకపోతే అమ్మిన వాడింటికి దాన్ని మళ్లీ తోలెయ్యాలా? ఇలాంటి సందర్భాల్లో న్యాయం డబ్బున్నవాళ్లవైపే ఉంటుందా లేక పేదోడివైపు మొగ్గుతుందా? – ఇలా అనేకానేక ప్రశ్నలూ సమాధానాల పరంపరగా నడుస్తుంది వేంపల్లె షరీఫ్ రాసిన ‘తలుగు‘ కథ. పేద ముస్లింల జీవితాల ఆధారంగా ప్రాణంపోసిన రచన ఇది. ఇందులో గొడ్డుమాంసాన్ని అమ్మే కటిక వ్యాపారి మనస్తత్వాన్ని భిన్నమైన కోణంలో చూపించే ప్రయత్నం చేశారు రచయిత. తలుగు అంటే రాయలసీమ మాండలికంలో పశువుల మెడకువేసే తాడు. పుస్తకం చివర్లోని షేక్ హుస్సేన్ సత్యాగ్ని వ్యాసం ‘విస్తరిస్తున్న ముస్లిం కథ’ ఆలోచనల్ని రేకెత్తిస్తుంది.

– హరిత, ఈనాడు-ఆదివారం, 27/04/2015.

తలుగు” పుస్తకం డిజిటల్ రూపంలో కినిగె లో లభిస్తుంది. మరిన్ని వివరాలకు ఈ క్రింది లింక్‌ని అనుసరించండి..

తలుగు on kinige

Talugu600

 

Related Posts:

మెత్తని కత్తులు! – ‘శ్రీ ఛానెల్-2′ పుస్తకంపై సమీక్ష

వ్యుత్పత్తి భాస్కరుడిగా పేరుతెచ్చుకున్న శ్రీరమణ కలంలోంచి జాలువారిన హాస్య, వ్యంగ్య కథనాల సమాహారమే ఈ పుస్తకం. ఆ శైలి భలే మెత్తగా ఉంటుంది, అదే సమయంలో తగలాల్సిన వారికి, తగలాల్సిన చోట, తగలాల్సిన మోతాదులో దెబ్బ తగిలి తీరుతుంది. అటువైపు ఉన్నది ఏ రాజకీయ నాయకుడో అయితే డబుల్‌డోసు! రచయిత ఓ పత్రికలో ధారావాహికగా ప్రచురించిన నలభై వ్యాసాల సమాహారం ఈ పుస్తకం. ‘జీవన సమరం’లో బల్బు వెలిగించే విధానాన్ని వివరిస్తూనే బతుకును వెలిగించుకునే సూత్రాన్ని అంతర్లీనంగా బోధించారు. ‘పాసింగ్ ద బక్’ ప్రాథమిక సూత్రాల్ని విడమరిచారు. ‘నేను నిదానంగా చేస్తే – అది మందకొడితనం. వాడు నిదానంగా చేస్తే – అది నిశిత పరిశీలనం. నేచెయ్యకపోతే – అది లేజీ. వాడు చెయ్యకపోతే – అది బిజీ’ తరహా సమకాలీన సత్యవాక్యాలూ కనిపిస్తాయి. వాస్తు వెర్రినీ, సన్మానాల ప్రహసనాన్నీ… ఒకటేమిటి పాములా సమాజాన్ని చుట్టేసుకున్న ఏ లోపాన్నీ వదల్లేదు శ్రీరమణ.

- భాగ్యశ్రీ,ఈనాడు-ఆదివారం,25/02/2015.

Srichannel2

శ్రీ ఛానెల్ – 2” పుస్తకం డిజిటల్ రూపంలో కినిగె లో లభిస్తుంది. కినిగె వెబ్‌సైట్ ద్వారా ఆర్డర్ చేసి ప్రింట్ పుస్తకాన్ని తగ్గింపు ధరకి పొందవచ్చు. మరిన్ని వివరాలకు ఈ క్రింది లింక్‌ని అనుసరించండి..

శ్రీ ఛానెల్ – 2 on kinige

SreeChannel2600

 

Related Posts:

హాయిగా చదివించే కథలు – “కలశపూడి కథలు” పుస్తకంపై సమీక్ష

కలశపూడి కథల్లో చక్కని హాస్యంతోపాటూ చిక్కనైన జీవితమూ ఉంది. ‘ఒక శీత కథ’ – మాండలిక ప్రయోగాల చుట్టూ తిరిగే హాస్యకథ. ‘నాకు శీతగా ఉందే’ అంటూ మొగుడు ముసుగుదన్ని పడుకుంటే… ఏ సీతో తన ప్రాణవిభుడి మనసును కొల్లగొట్టేసింది కాబోలని అలకపాన్పు ఎక్కేస్తుంది కొత్తపెళ్లాం. ‘ఒంట్లో నలతగా ఉండటం’ అనడానికే అత్తింటివారివైపు ఆ మాట వాడతారని తెలిశాక హాయిగా వూపిరి పీల్చుకుంటుందా అమ్మాయి. ‘నీళ్లాడటం’ అంటే ఏమిటో కూడా తెలుసుకోవడం కొసమెరుపు. ‘బొబ్బిలి 1876′ కాస్త చరిత్రా, కాస్త కల్పనా, కాస్త కలా జోడించిన కథ. ‘డెత్ సర్టిఫికెట్’ మధ్యతరగతి జీవితాల చుట్టూ తిరుగుతుంది. ఈ వ్యవస్థలో మరణ ధ్రువీకరణ పత్రం తెచ్చుకోవడం ఎంత కష్టమంటే, ఆ ఆనందం ముందు ఆత్మీయుల మరణ విషాదమూ చిన్నదైపోతుంది. ‘తీరం చెమ్మగిల్లింది’, ‘మా వూరి మంత్రిగారి శతకం’, ‘సంకల్పం’, ‘తైలవర్ణ(వి)చిత్రం’ తదితర కథలూ బావున్నాయి.

- సత్య,ఈనాడు ఆదివారం, 25 – 1 – 2015.

FireShot Screen Capture #106 - 'Eenadu - Latest book releases' - archives_eenadu_net_01-25-2015_Magzines_Sundayspecialinner_aspx_qry=pustaka

 

కలశపూడి కథలు” పుస్తకం డిజిటల్ రూపంలో కినిగె లో లభిస్తుంది.  మరిన్ని వివరాలకు ఈ క్రింది లింక్‌ని అనుసరించండి..

కలశపూడి కథలు on kinige

KalasapudiKathalu600

Related Posts:

ఆటిజం గురించి… “ఆటిజం ఒక పరిచయం” పుస్తకం పై సమీక్ష

ఆటిజం‘ ఉన్న పిల్లల్ని పెంచడం కన్నవారికి ఓ సవాలు. ఆ వ్యాధి పట్ల తగినంత అవగాహన ఉండాలి. అవగాహన అన్నది ఆ పసివాడి తోబుట్టువులకూ విస్తరించాలి. ఎందుకంటే, మిగతావాళ్లలా ఆ పిల్లలు గడగడా మాట్లాడలేరు, అడిగినవాటికి జవాబివ్వలేరు, నేస్తాలకు ఫలానా అని చెప్పుకోడానిక్కూడా నామోషీగా అనిపించవచ్చు. దానికితోడు, అమ్మానాన్నలు అవతలివాళ్ల మీదే ఎక్కువ శ్రద్ధపెడుతున్నారన్న అపోహ. ఆ అంశాలన్నింటినీ సోదాహరణంగా వివరించి, పరిష్కారాల్ని సూచించే పుస్తకమిది.

- పవన్,ఈనాడు – ఆదివారం,25-1-2015.

FireShot Screen Capture #107 - 'Eenadu - Latest book releases' - archives_eenadu_net_01-25-2015_Magzines_Sundayspecialinner_aspx_qry=pustaka

ఆటిజం ఒక పరిచయం” పుస్తకం డిజిటల్ రూపంలో కినిగె లో లభిస్తుంది. కినిగె వెబ్‌సైట్ ద్వారా ఆర్డర్ చేసి ప్రింట్ పుస్తకాన్ని తగ్గింపు ధరకి పొందవచ్చు. మరిన్ని వివరాలకు ఈ క్రింది లింక్‌ని అనుసరించండి..

ఆటిజం ఒక పరిచయం on kinige

AutismOkaParichayam600

 

Related Posts:

విలువల సంఘర్షణ – “ఘర్షణ – కథలు” పుస్తకం పై సమీక్ష

అపర్ణ కథల్లో రెండురకాల జీవితాల్ని చూస్తాం. ఒకటేమో, అమాయకమైన తెలుగు గ్రామీణ జీవితం, మరొకటి గడసరి అమెరికన్ సంస్కృతి. ‘ఆగుపిల్లా! మామూలు చామంతులు కాదు. ఒకటిన్నర శేరు నక్షత్ర చామంతులు తెమ్మని చెప్పు. చామంతులకి మాచిపత్ర ఆకులు అందంగా ఉంటాయి. అవో గుప్పెడు తీసుకుని రమ్మను. జడగంటలున్నాయా?’ (పువ్వుల జడ)…బతుకు పరుగులో పడిపోయి, దాదాపుగా మనం మరచిపోతున్న సంప్రదాయ సంభాషణలు ఈ కథల్లో వినిపిస్తాయి. ‘చూసేవా! సంగీత సాధన వల్ల ఎన్ని ఉపయోగాలో? ఆనందం, ఆరోగ్యం, సాహిత్యం, భాషా పటుత్వం, స్పష్టత, భక్తి’ (సంగీతమే వర సుఖదాయిని)… తరహా హెచ్చరికలు ఆనందం పేరుతో మనమంతా నెత్తినెక్కించుకుంటున్న అపభ్రంశ జీవనశైలిని గుర్తుచేస్తాయి. ‘అమెరికా వస్తే విజ్ఞానం పెంచుకుంటామనుకున్నాం. కానీ విలువల్ని మర్చిపోతామనుకోలేదు’ (లోకరీతి)… అచ్చంగా అమెరికన్లలా బతకాలనుకునే పిల్లల్ని తలుచుకుని ప్రవాస మాతృమూర్తులు అనుభవించే సంఘర్షణను చూస్తాం. కుక్కపిల్లల పుట్టినరోజు పార్టీల్ని ఒకప్పటి కాలభైరవ సమారాధనతో పోల్చే సునిశితమైన హాస్యమూ సంకలనంలో అంతర్లీనమే. అమెరికాలో ఉంటున్న రచయిత్రి… గ్రామీణ జీవితాన్నీ, నేటి అమెరికన్ జీవనశైలినీ సరిపోల్చి చక్కని సందేశాలతో కథల్ని ముగించారు.

- వినోద,ఈనాడు ఆదివారం, 18 – 1 – 2013.

Gharshana

“ఘర్షణ – కథలు డిజిటల్ రూపంలో కినిగె లో లభిస్తుంది.  మరిన్ని వివరాలకు ఈ క్రింది లింక్‌ని అనుసరించండి.

ఘర్షణ – కథలు on kinige

GharshanaKathalu600

 

Related Posts:

మరో ‘విషవృక్షం’- “ఇదండీ మహాభారతం” పుస్తకం పై సమీక్ష

లక్షకు పైగా శ్లోకాలున్న సంస్కృత మహాభారతంలోని విశేషాంశాలను తీసుకుని, ముఖ్యమైన కథలూ, ఘటనలేవీ పొల్లుపోకుండా దాదాపు అయిదువందల పేజీలకు కుదించి, హేతువాద దృక్పథంతో ‘ఇదండీ మహాభారతం‘ గ్రంథాన్ని ఆవిష్కరించారు రంగనాయకమ్మ. దాదాపు నాలుగు దశాబ్దాల క్రితం ఆమె రాసిన ‘రామాయణ విషవృక్షం‘ అనేకానేక చర్చలకు కేంద్ర బిందువుగా నిలిచింది. తాజా పుస్తకానికి- ‘మొగ్గా పువ్వూలేని, కాయాపండూలేని, మోడు! మాయల, మంత్రాల, వ్యర్థాల, వైరుధ్యాల, వికృతాల, వికారాల, క్రూరత్వాల, అబద్ధాల, కట్టుకథల, పుక్కిటి పురాణాల పుట్ట!’ అనే విశేషణాలు తగిలించడాన్నిబట్టి- ఆమె ఎంత తీవ్ర పదజాలంతో, భావజాలంతో విశ్లేషించారో అర్థంచేసుకోవచ్చు. ప్రజల్ని సంస్కృతి పేరుతో బుట్టలో వేసుకునే మత గ్రంథాల్లోని నిజానిజాలను ప్రజలకు తెలిపితీరాలన్నదే తన లక్ష్యమనీ ఆ ప్రయత్నంలో భాగమే ఈ పుస్తకమనీ రచయిత్రి చెబుతున్నారు. కె.ఎం.గంగూలీ, కవిత్రయం, పురిపండా అప్పలస్వామి రాసిన గ్రంథాలను ఆధారంగా తీసుకున్నారు. భారతంలోని అనేక కథలూ, ఘటనలూ, పాత్రలూ, వాటి స్వభావాలూ, ప్రవర్తనలకు సంబంధించి పలు సందేహాలు లేవనెత్తి, ప్రశ్నలు సంధించారామె. అనుచితమైన వర్ణనల్నీ, ఆనాటి సామాజిక పరిస్థితుల్నీ తనదైన, పదునైన శైలిలో విమర్శించారు. చివరికి ఫలశృతినీ వదల్లేదు. మొత్తానికి ఈ పుస్తకం కొత్త ఆలోచనలు రేకెత్తించేదిగానే ఉంది.

- దత్తు,ఈనాడు-ఆదివారం,4-1-2015.

 

idandiMahaBharatham

“ఇదండీ మహాభారతం డిజిటల్ రూపంలో కినిగె లో లభిస్తుంది.  మరిన్ని వివరాలకు ఈ క్రింది లింక్‌ని అనుసరించండి.

ఇదండీ మహాభారతం on kinige

 

IdandiMahabharatam600

 

Related Posts:

మెత్తని మొట్టికాయలు – ‘డాక్టర్స్ ఛీర్స్’ పుస్తకం పై సమీక్ష

వైద్యవృత్తిలో తనకు ఎదురైన అనుభవాలను ‘డాక్టర్స్ ఛీర్స్‘ పేరుతో యాభై చిన్న కథలుగా రాశారు డాక్టర్ దవులూరి శ్రీకృష్ణమోహనరావు.హాస్యం , వ్యంగ్యం కలబోసుకున్న సంఘటనలు అనేకం ఉన్నాయి. అంతకంటే పెద్దకథలతో ‘కృష్ణమోహన్ కథా స్రవంతి'(మూడవ భాగం) తీసుకొచ్చారు. ‘కోమట్ల కోర్టుకేసు’, ‘దొడ్డంపేట సౌదరి గారు’ , ‘ఆఘా సాహెబ్ గారు’ … శీర్షికల్లోనే అర్ధమైపోతుంది ఇందులో సమాజం లోని వివిధ వర్గాల కధలున్నాయని. పైకి హాస్య రచనల్లా అనిపించినా… సామాజిక విశ్లేషణ, మనస్తత్వాల పరిశీలన అంతర్లీనంగా కనిపిస్తాయి.

- అయ్యగారి శ్రీనివాసరావు, ఈనాడు ఆదివారం, 12 – 5 – 2013.

KrishnaMohanKathadoc

“డాక్టర్స్ ఛీర్స్ డిజిటల్ రూపంలో కినిగె లో లభిస్తుంది.  మరిన్ని వివరాలకు ఈ క్రింది లింక్‌ని అనుసరించండి.

డాక్టర్స్ ఛీర్స్ on kinige

 

doctor

Related Posts:

ఆదికవి అంతరంగం  – “వందే వాల్మీకి కోకిలమ్” పుస్తకం పై సమీక్ష

‘రామాయణం తెలియనిది ఎవరికి? పూర్తిగా తెలిసినది ఎవరికి? – అర్థమైనట్టే ఉంటుంది, అర్థంకాని సూక్ష్మాలెన్నో! వాల్మీకాన్ని పరిపూర్ణంగా ఆస్వాదించాలంటే వాల్మీకి మహర్షిని ఆవాహన చేసుకోవాలి .’వందే వాల్మీకికోకిలమ్‘ రచయిత కామేశ్వరరావు ప్రయత్నమూ అలాంటిదే! మిత్రుల మధ్య చర్చలా సాగుతుందీ పుస్తకం. పాత్రలకు కలిగే సందేహాలన్నీ రామాయణ పాఠకులకు తరచూ కలిగేవే! రామాయణ లక్ష్యం ఏమిటి, వాల్మీకి రామాయణంలో లేని సంఘటనలేవి, ఇతర రామాయణాల్లో ఉన్న ఘట్టాలేమిటి, భాగవతంలో శ్రీకృష్ణుని బాల్యాన్ని అత్యద్భుతంగా వర్ణించారే, మరి రామాయణం మాత్రం శ్రీరాముడి బాల్యాన్ని ఎందుకు విస్మరించింది… ఇలా ఎన్నో ప్రశ్నలకు ఇందులో జవాబు దొరుకుతుంది.

- శ్రీనివాసరావు , ఈనాడు – ఆదివారం , 26-11-2014.

Vande_EenaduSunday@26-10-2014

వందే వాల్మీకికోకిలమ్” పుస్తకం డిజిటల్ రూపంలో కినిగెలో లభిస్తుంది. కినిగె వెబ్‌సైట్ ద్వారా ఆర్డర్ చేసి ప్రింట్ పుస్తకాన్ని తగ్గింపు ధరకి పొందవచ్చు. మరిన్ని వివరాలకు ఈ క్రింది లింక్‌ని అనుసరించండి.

వందే వాల్మీకికోకిలమ్ on kinige

 

VandeValmikiKokilam600

Related Posts:

వెండితెర విజేత- “విశ్వవిజేత విజయగాథ” పుస్తకంపై సమీక్ష

నలభయ్యేళ్ల సుదీర్ఘ ప్రయాణంలో రచయితగా, దర్శకుడిగా, నటుడిగా, నిర్మాతగా… ఇలా రకరకాల బాధ్యతల్ని నిర్వర్తించారు దాసరి నారాయణరావు. ఆయన 150 సినిమాల ప్రయాణం వెనక పదనిసలకి ‘విశ్వవిజేత విజయగాథ‘ పేరుతో పుస్తకరూపాన్నిచ్చారు వినాయకరావు. ఏ సినిమానీ వదలకుండా… తెరవెనక, తెరపైన సంగతుల్ని అక్షరీకరించడం చక్కటి ప్రయత్నం. దాసరి సినీ ప్రస్థానానికి అద్దంపట్టే అరుదైన ఛాయాచిత్రాలను పొందుపరచడం బాగుంది. కాలంతో పోటీపడి గెలిచిన ఓ విజేత ప్రయాణానికి ప్రతిబింబం ఈ పుస్తకం.

-నర్శిమ్, ఈనాడు ఆదివారం అనుబంధం, 2nd Mar 2014

eenadu Book reviews on 02_03_2014

విశ్వవిజేత విజయగాథ” పుస్తకం డిజిటల్ రూపంలో కినిగెలో లభిస్తుంది. కినిగె వెబ్‌సైట్ ద్వారా ఆర్డర్ చేసి ప్రింట్ పుస్తకాన్ని తగ్గింపు ధరకి పొందవచ్చు. మరిన్ని వివరాలకు ఈ క్రింది లింక్‌ని అనుసరించండి.

విశ్వవిజేత విజయగాథ on kinige

 

ViswaVijethaVijayagatha600

Related Posts:

కవితల పందిరి – ‘అరణ్యపురాణం’ పుస్తకంపై సమీక్ష

కవిత్వమంటే పందిరి మీదకు ద్రాక్ష తీగను పాకించడం , పద్మవ్యూహంలోంచి బయటపడే ప్రయత్నం చేయడం , నీటిలోకి నిటారుగా దిగిన కత్తిలా నిశ్శబ్దంగా చీల్చుకుపోవడం , పియానో మెట్ల మీద సమ్మోహన రాగ జలపాతాలను దూకించడం అని నిర్వచించిన దేవీప్రియ . . . తాను రాసిన అక్షర శాసనాన్ని తానే అక్షరాలా పాటిస్తూ ‘అరణ్య పురాణం’రచించారు . యానిమల్ ప్లానెట్ ఛానల్లో ఓ గుడ్డి పులికూన వార్తాకధనాన్ని చూశాక కలిగిన స్పందనను ‘పుట్టు గుడ్డి అయితే / పులి అయిన లేడికి లోకువ కావల్సిందే . . ! అంటూ భావధారగా ప్రవహింపజేశారు . నడిస్తే పట్టపుటేనుగులా నడవాలి / నవ్వితే మోనాలిసాలా నవ్వాలి / రాస్తే కాళిదాసులా రాయాలి / గీస్తే పికాసోలా గీయాలి అంటూనే పుడితే మా అమ్మ కడుపున / కవిగా అచ్చంగా నాలానే పుట్టాలి’ అని ముక్తాయించారు మరో కవితను . కవిత్వాన్ని అతి సామాన్యం గానూ , అసామాన్యంగానూ చెప్పగలిగే కవి తన భావాల్ని ఎంత హృద్యంగా వ్యక్తీకరించగలరో చెప్పడానికి ఈ పుస్తకమే సాక్ష్యం .

 

-నివాస్ , ఈనాడు – ఆదివారం , 08-06-2014.

AranyaPuranam

“అరణ్య పురాణండిజిటల్ రూపంలో కినిగెలో లభిస్తుంది.  మరిన్ని వివరాలకు ఈ క్రింది లింక్‌ని అనుసరించండి.

అరణ్య పురాణం on kinige

 

Aranyapuraanam600

Related Posts: