జీవన పోరాటం – ‘ఎగిరే పావురమా’ నవలపై సమీక్ష

దృఢచిత్తం ముందు వైకల్యమైనా వంగి సలాము చేయాల్సిందే. కోసూరి ఉమాభారతి ‘ఎగిరే పావురమా‘ నవల అంతర్లీన సందేశమూ ఇదే. గాయత్రి అనే పాత్ర ద్వారా తన భావాల్ని బలంగా వినిపించారు రచయిత్రి. ఎవరో వదిలి వెళ్లిన ఆ వికలాంగురాల్ని అపురూపంగా పెంచుకుంటాడో వృద్ధుడు. అపార్థాలూ అనుమానాలూ అనుబంధాల్ని ఎలా కలుషితం చేస్తాయో తాత-మనవరాలి పాత్రలద్వారా చెప్పించారు. ఆడపిల్లను కనడం ఓ శాపమని భావించే మూర్ఖులకు చెంపదెబ్బ ఈ రచన.

-శ్రీనివాస్,ఈనాడు-ఆదివారం,16-11-2014.

EgirePavurama_Eenadu_Sunday@16-11-2014

ఎగిరే పావురమా” పుస్తకం డిజిటల్ రూపంలో కినిగె లో లభిస్తుంది. కినిగె వెబ్‌సైట్ ద్వారా ఆర్డర్ చేసి ప్రింట్ పుస్తకాన్ని తగ్గింపు ధరకి పొందవచ్చు. మరిన్ని వివరాలకు ఈ క్రింది లింక్‌ని అనుసరించండి..

ఎగిరే పావురమా on kinige

 

EgirePavurama600

Related Posts:

అనగనగా ఓ హిజ్రా… ‘ఒక హిజ్రా ఆత్మకథ’ పుస్తకంపై సమీక్ష

ఇది నా శరీరం. ఎలా అయినా మార్చుకుంటాను. ఇది నా మనసు. దానికి నచ్చినట్టే నడుచుకుంటాను. ఈ సమాజానికేం హక్కుంది నన్ను ప్రశ్నించడానికి?- అంటూ ధిక్కార స్వరాన్ని వినిపించిన ఓ హిజ్రా ఆత్మకథే ఈ పుస్తకం. తమిళనాడులోని పల్లెలో పుట్టిన ఓ అబ్బాయి…తన మగతనపు సంకెళ్లు తెంచుకుని… ప్రకృతి నిర్ణయానికి వ్యతిరేకంగా స్త్రీత్వాన్ని పొందాడు. హిజ్రాల్లో కలిశాడు. రేవతిగా పేరు మార్చుకున్నాడు. ఆ ప్రయత్నంలో కన్నవారికి దూరమయ్యాడు, సోదరుల చేతిలో చావుదెబ్బలు తిన్నాడు. బతుకుబండి నడిపించడానికి ఒళ్లమ్ముకున్నాడు. అంత కష్టపడ్డా… సాధించిందేమిటి? కోరుకున్న జీవితాన్ని ఆస్వాదించాడా, ఆశించిన ఆనందాల్ని అందుకున్నాడా? అన్న ప్రశ్నలకు జవాబులు దొరకాలంటే ‘ఒక హిజ్రా ఆత్మకథ’ చదవాలి. ప్రస్తుతం… సమాజంలో బహిష్కృతులుగా బతుకుతున్న తనలాంటి వారి కోసం ‘సంగమ’ అనే సంస్థ తరఫున పనిచేస్తున్న రేవతి కథ చదువుతున్నంతసేపూ మనసు అల్లకల్లోలం అవుతుంది. వీధుల్లోనో, దుకాణాల దగ్గరో చిల్లరపైసలు యాచించే మూడో ప్రకృతి జీవుల్లో రేవతి పోలికల్ని వెతుక్కుంటాం.

- వెంకట్ , ఈనాడు – ఆదివారం , 23-11-2014.

“ఒక హిజ్రా ఆత్మకథడిజిటల్ రూపంలో కినిగె లో లభిస్తుంది.  మరిన్ని వివరాలకు ఈ క్రింది లింక్‌ని అనుసరించండి.

ఒక హిజ్రా ఆత్మకథ on kinige

 

OkaHijraAtmakatha600

Related Posts:

కృష్ణమోహనీయం – “కృష్ణమోహన్‌ కథాసవ్రంతి భాగం – 2″ పుస్తకంపై సమీక్ష

కథాస్రవంతిలో రెండోభాగాన్ని ఏభైకధలతో మనముందుకు తెచ్చారు డాక్టర్ కృష్ణమోహనరావు. ఇవి పైకి హాస్యకథల్లా కనిపించినా… అక్కడక్కడా శృంగారం గిలిగింతలు పెడుతుంది. వైద్యుడిగా వృత్తిపరంగా తన అనుభవంలోకొచ్చిన విషయాల్ని కథలుగా మలిచారని అర్ధమవుతుంది. ఈ కథల్లో స్వామీజీల రహస్యభాగోతాలు ( అమ్మనికరం … అబ్బ ! రివర్సయింది ) , కుర్రకారు సరదాలు మోటు సరసాలు ( అసలుకే ఎసరొచ్చింది , కట్‌కట్ , ఇది కధ కాదు , కౌంటర్‌ర్యాగింగ్ ) , వయసు మీద పడ్డా చీకటి వ్యవహారాలు నడిపే పెద్దమనుషుల జీవితాలు (దవులూరోరి తోట – దయ్యాలకోట) మనకి కనిపిస్తాయి .

 

ఈనాడు ఆదివారం – 22 ఏప్రిల్ 2012 .

KrishnaMohanKatha_Krishnamohaneeyam

కృష్ణమోహన్‌ కథాసవ్రంతి భాగం – 2” పుస్తకం డిజిటల్ రూపంలో కినిగె లో లభిస్తుంది. కినిగె వెబ్‌సైట్ ద్వారా ఆర్డర్ చేసి ప్రింట్ పుస్తకాన్ని తగ్గింపు ధరకి పొందవచ్చు. మరిన్ని వివరాలకు ఈ క్రింది లింక్‌ని అనుసరించండి.

కృష్ణమోహన్‌ కథాసవ్రంతి భాగం – 2 on kinige

 

f57d88cd-b888-4ab3-aa27-453aefdef2af

Related Posts:

అక్షరాల నిచ్చెన… “లోయ నించి శిఖరానికి” పుస్తకం పై సమీక్ష

లోయ నించి శిఖరానికి‘ చేరుకోవడంలో ఎన్నో అవరోధాలూ సవాళ్లూ, వైఫల్యాలూ. అవరోధాల్ని పాఠాలుగా నేర్చుకోవాలి, సవాళ్లను అవకాశాలుగా మలుచుకోవాలి, వైఫల్యాల్ని నిచ్చెనలుగా తీర్చిదిద్దుకోవాలి.ఆ విజయసూత్రాల్ని యండమూరి వీరేంద్రనాథ్ తన పుస్తకంలో స్ఫూర్తిదాయక శైలిలో వివరించారు. బతకడానికీ జీవించడానికీ తేడా ఏమిటో, మనిషికీ జంతువుకూ భేదం ఏమిటో, తొందరపాటుకీ సమయస్ఫూర్తికీ వ్యత్యాసం ఏమిటో నేరుగా మనసును తాకేలా వివరించారు రచయిత.

- విశాల్, ఆదివారం అనుబంధం, 21st Sep 2014.

LoyaNunchiSikharaniki_21Sep14

లోయ నించి శిఖరానికి”నవల డిజిటల్ రూపంలో కినిగెలో లభిస్తుంది. కినిగె వెబ్‌సైట్ ద్వారా ఆర్డర్ చేసి ప్రింట్ పుస్తకాన్ని తగ్గింపు ధరకి పొందవచ్చు. మరిన్ని వివరాలకు ఈ క్రింది లింక్‌ని అనుసరించండి.

లోయ నించి శిఖరానికి on kinige

 

LoyaNunchiSikharaniki600

 

Related Posts:

చిత్తూరువారి కథల విందు! – “చిత్తూరు కథ” పుస్తకంపై సమీక్ష

ఇది చిత్తూరు జిల్లా గురించిన కథ కాదు! ఆ జిల్లాకు చెందిన రచయితలు వెలార్చిన కథలు. చిత్తూరు వేషభాషలు, నైసర్గిక చిత్రణల నేపథ్యంలో జీవితంలోని వివిధ పార్శ్వాల్ని తడిమే కథలివి. జిల్లాకు చెందిన కథా రచయితలు కె.సభా (మిథున లగ్నం), మధురాంతకం రాజారాం (అంబ పలుకు.. జగదంబా పలుకూ), నరేంద్ర (పురోహిత్ పరిషత్), మహేంద్ర (జర్తె), వల్లంపాటి వెంకటసుబ్బయ్య (అందని పళ్లు), కరణం బాలసుబ్రహ్మణ్యం పిళ్త్లె (జింకపిల్ల), ఆర్.వసుంధరాదేవి (పిచ్చిగీతలు), సుంకోజి దేవేంద్రాచారి (అన్నంగుడ్డ), పేటశ్రీ (చిత్తానూరు పంచమి)… ఇలా 44 మంది కథలున్నాయిందులో. ఎక్కడికక్కడ ‘స్థానిక’ గొంతుకల్ని గట్టిగా వినిపించడం ఆధునికానంతర లక్షణం. ఆ ప్రభావంతోనే గత రెండు దశాబ్దాలుగా తెలుగు కథ.. ఇంతవరకూ మాటపెగలని కంఠాలెన్నింటినో వినిపిస్తోంది. ఈ స్థానికత, ప్రాంతీయత ఆధారంగా సాహిత్య సృజనే కాకుండా.. ప్రత్యేక సంకలనాలు రావడం ఇటీవలి పరిణామం. వాటిలో ‘చిత్తూరు కథ‘ ప్రమాణాల పరంగానూ విశిష్టమైందని చెప్పాలి. ఆ విషయంలో సంకలనం తీసుకొచ్చిన తెలుగు భాషోద్యమ సమితి ప్రయత్నం అభినందనీయం.

– జె.రాజు , ఈనాడు ఆదివారం ,8 ఆగష్ట్ 2014.

ChittorKatha

“చిత్తూరు కథడిజిటల్ రూపంలో కినిగెలో లభిస్తుంది.  మరిన్ని వివరాలకు ఈ క్రింది లింక్‌ని అనుసరించండి.

చిత్తూరు కథ on kinige

ChittooruKatha600

Related Posts: