నివేదన, నవ్య జ్యోతిషం పుస్తకావిష్కరణ సభ విశేషాలు

ఆనందం మనలోనే ఉంది

“ఆనందం అంతర్లీనం..అది మన ఆత్మలో దాగి ఉంటుంది. కానీ చాలా మంది దాన్ని బాహ్య ప్రపంచంలో వెదుకుతారు. చివరకు అది లభించక నిరాశ చెందుతార”ని రామకృష్ణ మఠం అధ్యక్షులు స్వామి జ్ఞానదానంద అన్నారు. మనిషి ఆశ అనంతమైందని దాన్ని కట్టడి చేసుకుంటేనే సంతోషం లభిస్తుందని సూచించారు. ప్రతి వ్యక్తి తన గురించి తాను తెలుసుకున్నప్పుడే ఆనందంగా బతకగలుగుతారని అన్నారు. ఆంధ్రజ్యోతి న్యూస్ ఎడిటర్ తిప్పావఝుల కుమార్ రచించిన నివేదన, నవ్య జ్యోతిషం పుస్తకాల ఆవిష్కరణ సభలో ఆయన పాల్గొన్నారు. ఆంధ్రజ్యోతి దినపత్రిక, నవ్య వార పత్రికల్లో కాలమ్స్‌గా వచ్చిన నివేదన, నవ్య జ్యోతిష్యం పుస్తకాల రూపంలో వెలువడడం ఎంతో సంతోషంగా ఉందని ఆయన అన్నారు. ఇలాంటి పుస్తకాలు మరిన్ని రావాల్సిన ఆవశ్యకత ఉందని ఆయన అభిప్రాయ పడ్డారు. ఈ రెండు పుస్తకాల ‘ఈ-బుక్‘ని ఆవిష్కరించిన ఆంధ్రజ్యోతి సంపాదకుడు కె.శ్రీనివాస్ మాట్లాడుతూ “ఆధ్యాత్మికత భౌతిక జీవినంలో ఎదురయ్యే సమస్యల నుంచి తప్పించుకునే సాధనంగా ఉపయోగపడుతుంద”న్నారు. జ్యోతిషం, ఆధ్యాత్మికతల గురించి తనకు అంతగా విశ్వాసం లేకపోయినా ఆధునిక కాలానికి కూడా ఆధ్యాత్మికత ఎంతో కొంత దోహదకారిగా ఉంటోందని ఆయన అన్నారు. మార్క్స్, అంబేద్కర్‌లకు మతం గురించి భిన్నమైన అభిప్రాయాలున్నా వాటిని పూర్తిగా విస్మరించలేదన్నారు. ఆధునిక సమాజంలో మనకు తెలియకుండానే అనేక తప్పులు చేయాల్సి వస్తోందనీ, తెలిసి తప్పులు చేసిన వారూ, అక్రమంగా కోట్లాది రూపాయలు సంపాదించిన వారూ తమ మనస్సాక్షితో అనునిత్యం ఘర్షణ పడుతుంటారనీ. ఇలాంటి వాళ్లు ఆధ్మాత్మికతను ఆశ్రయించాల్సి వస్తోందని కె.శ్రీనివాస్ అన్నారు. ‘ఆధ్యాత్మికతలో చాలా రకాలు ఉన్నాయి కాని అందులోని ప్రేమ, నిరాడంబరతను మాత్రమే ప్రతి ఒకరూ అన్వయించుకోవాల’ని ఆయన సూచించారు. నవ్య వీక్లి సంపాదకుడు ఎ.ఎన్ జగన్నాథ శర్మ మాట్లాడుతూ భవిష్యత్తును తెలుసుకోవాలనే కోరిక ప్రతి ఒక్కరికీ ఉంటుందని, ఆ కోరికే జ్యోతిషమని అభివర్ణించారు. రచయిత తిప్పావఝల కుమార్ మాట్లాడుతూ ఆంధ్రజ్యోతి, నవ్య పత్రికల్లో తాను రాసిన నివేదన కాలమ్‌లు పుస్తకాల రూపంలో రావడానికి ఆంధ్రజ్యోతి ఎండి రాధాకృష్ణ ప్రోత్సాహమే కారణమని కృతజ్ఞతలు తెలిపారు. కాలమ్ రాసేటపుడు ఇరు పత్రికల సంపాదకులు ఇచ్చిన సలహాలు ఎంతో ఉపయోగపడ్డాయనీ, తాను ఈ స్థాయికి రావడానికి మిత్రులు చేసిన సహాయం కూడా మరిచిపోలేనిదని అన్నారు. ఈ కార్యక్రమంలో ఆధ్యాత్మిక వేత్త వి.ఎస్.ఆర్ మూర్తి, కినిగె.కామ్ నిర్వాహకులు అనిల్ అట్లూరి తదితరులు పాల్గొన్నారు.

Andhrajyothy, Hyderabad Edition, 1st April 2014

ఈ ఆర్టికల్ ని ఆంధ్రజ్యోతి ఈ-పేపర్‌లో చదవడం కొరకు ఈ క్రింద లింక్ క్లిక్ చేయండి.

http://goo.gl/U5H9DK

 

 

 

 

 

 

 

నివేదన” డిజిటల్ రూపంలో కినిగెలో లభిస్తుంది. కినిగె వెబ్‌సైట్ ద్వారా ఆర్డర్ చేసి ప్రింట్ పుస్తకాన్ని తగ్గింపు ధరకి పొందవచ్చు. మరిన్ని వివరాలకు ఈ లింక్‌ని అనుసరించండి.

***

నివేదన on Kinige

Related Posts:

తెలుగు కథకు నీరాజనం-నవ్య నీరాజనం పుస్తక సమీక్ష

ఒకరా, ఇద్దరా…లబ్దప్రతిష్ఠులైన 50 మంది రచయితలు! కారా మాష్టారు మొదలుకొని ఆవంత్స సోమసుందర్‌, భరాగో, అబ్బూరి ఛాయాదేవి, పోరంకి దక్షిణామూర్తి… అంతా తెలుగు కథా కథనాన్ని కదను తొక్కించినవారే. ‘నాకు నచ్చిన నా కథ’ అంటూ వారే స్వయంగా ఎంపికచేసిన 50 కథాసుమాల్ని గుదిగుచ్చి, తెలుగుతల్లి కంఠసీమన హారంగా అలంకరించారు సంకలనకర్త. ఇందులోని ప్రతి కథా – రచయిత ఆలోచనలు, ఆకాంక్షలు, ఆవేదనలు, ఆపేక్షలను పరిపూర్ణంగా ప్రతిబింబిస్తోంది. రచయితలు స్వయంగా కథాతరంగాన్ని వెల్లడించడం ఒక ఎత్తు, ప్రతి కథ ప్రారంభానికీ ముందు రచయితల హృదయాంతరంగాల్ని ఆవిష్కరించడం మరొక ఎత్తు. ఏ కథ, ఏ కథనం, ఏ కథాంశం గొప్పదంటే… దేనికదే ప్రత్యేకమైనది.

                                                                   —దత్తు, ఈనాడు ఆదివారం అనుబంధం, 16th Feb 2014

“నవ్య నీరాజనం” డిజిటల్ రూపంలో కినిగెలో లభిస్తుంది. కినిగె వెబ్‌సైట్ ద్వారా ఆర్డర్ చేసి ప్రింట్ పుస్తకాన్ని తగ్గింపు ధరకి పొందవచ్చు. మరిన్ని వివరాలకు ఈ లింక్‌ని అనుసరించండి.

 ***

నవ్య నీరాజనం on Kinige

Related Posts:

వోడ్కా విత్ వర్మ

ఏకబిగిన ఓ పుస్తకం చదివి ఇప్పటికి ఇరవై ఏళ్ళయ్యింది… ఇన్నాళ్ళ తర్వాత మళ్ళీ మధ్యలో ఆపకుండా చదివిన పుస్తకం ఈ ‘వోడ్కా విత్ వర్మ

పూరీ జగన్నాథ్ (సినీ దర్శకుడు)

వర్మని కొందరు సైకో అంటారు, మరి కొందరు అతివాది అంటారు, ఇంకొందరు సంఘవ్యతిరేకి అంటారు. తనని స్త్రీలోలుడు, రాక్షసుడు, శాడిస్టు అనేవాళ్ళు కూడా ఉన్నారు.

సిరాశ్రీ (ఈ పుస్తక రచయిత)

రాములో ఒక చాలా తెలివైన పిల్లవాడు, ఒక మహా అమాయకుడైన ఎదిగినవాడు కలిసి ఉన్నారు.

రత్న (వర్మ మాజీ భార్య)

రాము నాన్నని నేను ఎప్పుడూ ఒక తండ్రిగా కాకుండా కేవలం ఒక బెస్ట్ ఫ్రెండ్‌గా మాత్రమే చూసాను.

రేవతి (వర్మ కుమార్తె)

* * *

“వోడ్కా విత్ వర్మ” డిజిటల్ రూపంలో కినిగెలో లభిస్తుంది. కినిగె వెబ్‌సైట్ ద్వారా ఆర్డర్ చేసి ప్రింట్ పుస్తకాన్ని తగ్గింపు ధరకి పొందవచ్చు. మరిన్ని వివరాలకు ఈ లింక్ చూడండి.

వోడ్కా విత్ వర్మ On Kinige

Related Posts:

వోడ్కా విత్ వర్మ

ప్రముఖ సినీ విమర్శకుడు, గీత రచయిత సిరాశ్రీ సుప్రసిద్ధ సినీదర్శకుడు రామ్‌గోపాల్ వర్మపై రాసిన పుస్తకం “వోడ్కా విత్ వర్మ“.
స్కూలు కుర్రవాడిగా ఉన్నప్పుడు వర్మ సినిమా వాల్ పోస్టర్ చూసి మతిపోయిన ఓ కుర్రాడు, వర్మతో కలసి వోడ్కా టేబుల్ వద్ద కూర్చునే స్థాయికి చేరి అదే వర్మ గురించి ఒక పుస్తకం రాసాడు. ఆ కుర్రవాడే సిరాశ్రీ. ఆ పుస్తకమే వోడ్కా విత్ వర్మ.
రామ్‌గోపాల్ వర్మ అంటే సాధారణ ప్రజలలో, సినీజీవులలో, సన్నిహితులలో రకరకాల అభిప్రాయాలున్నాయి. కొందరికి రామ్‌గోపాల్ వర్మ ఓ వ్యసనం, మరికొందరి అసహ్యం. సైకో, అతివాది, సినీతీవ్రవాది…ఇలా రకరకాల విశేషణాలు రామ్‌గోపాల్ వర్మ గురించి ప్రచారంలో ఉన్నాయి. వాటిల్లో నిజానిజాలు కనుగొనేందుకు, రామ్‌గోపాల్ వర్మ అంతరంగంలోకి, మనసులోకి తొంగి చూసేందుకు రచయిత ప్రయత్నించారు.
వర్మలో – రీల్ వర్మ, మీడియా వర్మ, రియల్ వర్మ అనే మూడు పార్శ్వాలున్నాయని రచయిత అంటారు. వర్మ తన గురించి తాను ఏమనుకుంటాడో చెప్పలేకపోయినా, వర్మ ఏమి అనుకుంటాడో రచయిత ఊహించారు. వర్మ గురించి ఇతరులు ఏమనుకుంటారో చెప్పారు.
తనని సార్ అని కాకుండా రాము అని వర్మ ఎందుకు పిలిపించుకోవాలనుకున్నారు? వర్మ రాముడు కాదు గోపాలుడు అని రచయితకి ఎందుకు అనిపించింది? సర్కస్‌లో రింగ్ మాస్టర్‌లా మీడియా అనే సింహం జూలు పట్టుకుని రామ్‌గోపాల్ వర్మ ఎలా ఆడగలిగారు? అమితాబ్ బచ్చన్‌ని వర్మ తిట్టాడా, పొగిడాడా? భారతీయులకి పిచ్చగా నచ్చేసి, హాలీవుడ్‌లో మాత్రం టాప్ హండ్రెడ్ సినిమాల జాబితాలోకి చేరలేకపోయిన సినిమా ఏది? శివ సినిమాలో సైకిల్ చైన్ పట్టుకున్న చెయ్యి నాగర్జునది కాదా? ఓ సుప్రసిద్ధ రచయితకీ, వర్మకీ ఉన్న ఉమ్మడి లక్షణం ఏమిటి? వర్మలోని టెక్నీషియన్ని అహంభావి మింగేస్తున్నాడని ఎవరన్నారు? అందరూ అనుకునేలా రామూలో తిరుగుబాటు ధోరణి లేదని ఎవరన్నారు? వర్మని ఆయన మేనమామ నత్తతో ఎందుకు పోల్చారు? వర్మ గురించి ఆయన మాజీ భార్య, కూతురు ఏమనుకుంటున్నారు? ఒకప్పటి రాము మార్క్ ఇప్పుడు కనిపించడం లేదని వర్మ మేనమామ ఎందుకన్నారు? తన జీవితంలో అత్యంత ముఖ్యులైన తల్లిదండ్రుల గురించి, భార్యాబిడ్డల గురించి వర్మ అభిప్రాయం ఏమిటి? ….. ఇలాంటి ఆసక్తికరమైన ప్రశ్నలకు జవాబులు ఈ పుస్తకంలో దొరుకుతాయి. ఇవే కాకుండా సినీప్రముఖులు రామ్‌గోపాల్ వర్మ మీద వెల్లడించిన అభిప్రాయాలు, కొన్ని అరుదైన ఫోటోలు ఉన్నాయి.
రామ్‌గోపాల్ వర్మపై రాసిన ఈ పుస్తకం ఆయన జీవిత చరిత్ర కాదూ, ఆయన ఆత్మకథా కాదు. రామ్‌గోపాల్ వర్మని అర్థం చేసుకోడానికి ఓ ప్రయత్నం లాంటిది. సినీదర్శకుడిగా, వ్యక్తిగా రామ్‌గోపాల్ వర్మ నచ్చినా నచ్చకపోయినా, వర్మ గురించి రాసిన ఈ పుస్తకం మాత్రం పాఠకులని చివరిదాక ఆసక్తిగా చదివిస్తుండనడంలో ఏ మాత్రం సందేహం లేదు.

* * *

“వోడ్కా విత్ వర్మ” డిజిటల్ రూపంలో కినిగెలో లభిస్తుంది. కినిగె వెబ్ సైట్ ద్వారా ఆర్డర్ చేసిన్ ప్రింట్ పుస్తకాన్ని తగ్గింపు ధరకి పొందవచ్చు. మరిన్ని వివరాలకు ఈ క్రింది లింక్‍ని అనుసరించండి.
వోడ్కా విత్ వర్మ On Kinige

కొల్లూరి సోమ శంకర్

Related Posts:

పసుపులేటి రామారావు – ‘నాటి మేటి సినీ ఆణిముత్యాలు తో ముఖాముఖి ఇంటర్య్వులు’ పుస్తక పరిచయం

నాటి మేటి సినీ ఆణిముత్యాలుతో ముఖా ముఖి ఇంటర్వ్యూలు On Kinige

ఈ పుస్తకంలో చిత్ర రంగానికే తలమానికగా నిలిచిన మార్గదర్శకుల, మహానుభావుల  యెందరివో ముఖాముఖి ఇంటర్య్వులు  వున్నాయి.
సినిమాకు తొలి మెట్టు ఐన నాటక రంగం నుంచి సినిమా రంగానికి వచ్చి  మన చిత్ర రంగాన్ని తేజోవంతం చేసిన నటీనటులు, దర్శకులు, నిర్మాతలు యెందరివో  ఇంటర్య్వులు ఈ పుస్తకంలో వున్నాయి.

“నాటి మేటి సినీ ఆణిముత్యాలను ప్రముఖ సీనియర్ జర్నలిస్ట్ పసుపులేటి రామారావు ఎన్నో రోజులు శ్రమించి పరిశ్రమకు, పాఠకులకు అందిస్తున్న ఈ నేటి మేటి సినీ ఆణిముత్యాలకు ముందుమాట వ్రాయడం నాకెంతో సంతోషంగా ఉంది”. -డాక్టర్. దాసరి నారాయణరావు.

“అరుదైన, నిజాయితీపరుడైన సినీజర్నలిస్ట్ పసుపులేటి రామారావు గత మూడున్నర దశాబ్ధాలుగా సృష్టించిన అక్షర సంపదను పుస్తకరూపంలో తీసుకువస్తున్నందుకు అభినందనలు”. -కె. చిరంజీవి

“రామారావు వ్రాసిన ప్రతి ఇంటర్వ్యూలోనూ ఏదో ప్రత్యేకత. పరిశ్రమ బాగోగుల గురించి, మన తెలుగు చిత్రాలకున్న మార్కెట్ పరిమితి గురించి, చిత్రాలలోని కథలు, కథనాల గురించి, వ్యక్తుల సాంఘీక బాధ్యతల గురించి ఇలా ఎన్నో ఎన్నెన్నో ఇంటర్వ్యూలు చేసిన పసుపులేటి రామారావు పరిశ్రమకు, పాఠకులకు ప్రీతిపాత్రం కావాలని కోరుకుంటున్నా”. -మురళీమోహన్

రచయత స్వంత మాటల్లో
ఈ పుస్తకాన్ని మీ ముందుకు తీసుకురావడానికి ఒక కారణముంది. కొంత కాలంగా తెలుగు ఫిలిం జర్నలిజంలోకి ఎందరో యువతీ యువకులు వస్తున్నారు. వాళ్ళంతా గతం గురించి తెలుసుకోలేకపోతున్నారు. తెలుసుకోవడానికి ఆధారాలు లేవు. కనుక ఈనాటి వ్యక్తుల గురించి, చిత్ర రంగంలోని ఈనాటి పరిస్థితుల గురించి తెలుస్తోంది. ఇప్పుడొస్తున్న వాళ్ళంతా గతం గురించి తెలుసుకోవాల్సిన అవసరం ఎంతో వుంది. మన చిత్రరంగానికి సంబంధించిన గతమెంతో ఘనమైనది. మొత్తం చలనచిత్ర రంగానికే తలమానికంగా నిలిచిన మార్గదర్శకులు, మహానుభావులు ఎందరో ఉన్నారు. సినిమాకు తొలి మెట్టయిన నాటక రంగం నుంచి సినిమా రంగానికి వచ్చి మన చిత్రరంగాన్ని తేజోవంతం చేసిన నటీనటులు, దర్శకులు, నిర్మాతలు ఎందరో వున్నారు. వారి ప్రతిభ కారణంగానే తెలుగు చిత్రసీమ పరిపుష్టితమైందనటంలో సందేహం లేదు.

ఉచిత ప్రివ్యూ దిగుమతి చేసుకోవడానికి ఇక్కడ నొక్కండి.

మీ అభిమాన తారల గురించి తెలుసుకోవలనుకుంటున్నార ఒకే ఒక క్లిక్ దూరం లో  కినిగే ఫై

Related Posts: