ప్రజాసాహితి మే 2012 సంపాదకీయం

నూతన ప్రజాస్వామికి సంస్కృతీ నిర్మాణానికి చైతన్య స్పూర్తి ‘మేడే’!

“రైతు, కాళ్ళను భూమిమీద నిలదొక్కి నిలుచుంటాడు… భూమి తనది కాకపోయినా రైతు దానిమీద నిలబడతాడు. దానికి సన్నిహితంగా ఉంటాడు. కానీ ఫ్యాక్టరీ కార్మికుడు పక్షిలాంటివాడు. అతనికి నా అన్న స్థలముండదు. ఇల్లూ, వాకిలి ఉండదు. ఇవ్వాళ ఇక్కడ వుంటాడు. రేపెక్కడికో పోతాడు. ఆడది కూడా అతడినొకచోట ఉండేటట్లు చెయ్యలేదు. కాస్తంత ఆమెతో తగాదా వస్తే, ఆమెను వదిలేసిపోతాడు. కానీ రైతు మాత్రం మేలైన పనికోసం వెతుక్కుంటూపోతాడు. కానీ రైతు మాత్రం తాడు తెంచుకొనిపోడు. ఉన్నదాన్ని బాగుచేసుకోవాలని తంటాలు పడతాడు.” (గోర్కీ “అమ్మ” నవల పేజి 159).

మానవసమాజానికి ‘శ్రమ’ మూల ఆధారం. శ్రామికశక్తితోనే మానవ సంస్కృతి వికసించి ముందడుగు వేస్తోంది. కానీ, ఉత్పత్తి సాధనాలు భూస్వాముల, పెట్టుబడిదారుల ఆధిపత్యంలో ఉన్నంత కాలం, ‘సొంత ఆస్తి’ని పాలనాపద్ధతులూ, చట్టాలూ పెట్టుబడీదారీ విధానపు కొమ్ముకాస్తున్నంతకాలం నిర్మాణాత్మకమైన ‘శ్రమ’ బండచాకిరీగా మారి, శ్రామికుడు పరాయీకరణకి గురవుతాడు.

‘పని’ కష్టజీవిని లాలించే చల్లని తల్లి ఒడికాకుండా, పళ్ళచక్రాల మధ్య నుజ్జు నుజ్జు చేసే కర్కశ రాపిడి అయిన దగ్గర- రోజుకి 18-20 గంటల తరబడి చాకిరీ కొలిమిలో కుతకుతలాడిపోయిన నాడు – రోజుకి ఎనిమిది గంటల పని విధానం కోసం చికాగో కార్మికుల 1886 మే 1 ఉద్యమం, ప్రపంచవ్యాపితమై పెల్లుబికింది. “నీ వర్గం శ్రేయస్సే నీ దేశం శ్రేయస్సు. కష్టించే జనావళికి దేశపు సరిహద్దు లేల. ప్రపంచ కార్మికులంతా ఒకే తల్లి బిడ్డలురా. ప్రపంచ కార్మికులంతా ఒకే కొమ్మపువ్వులురా”!! (శివసాగర్). ‘పెట్టుబడి’ పెరిగినకొద్దీ, కార్మికవర్గం పెరుగుతూ ఉంటుంది. శ్రామికుల చలనానికి ఆంక్షలు విధించే పెట్టుబడి, దేశాల సరిహద్దులను ఖాతరు చేయదు. అమ్మకపు సరుకులై భూగోళం అంచులదాకా విహరిస్తుంది. వలస రాజ్యాలుగా దేశాలకు దేశాలను తన గుప్పెట్లో బిగిస్తుంది. ద్రవ్య పెట్టుబడి ఎగుమతిదారై మట్టికాళ్ళ మహారాక్షసిలా వికటాట్టహాసంచేస్తుంది. తన సంక్షోభాల అంటువ్యాధులను ప్రపంచీకరణగావిస్తుంది ఇతరుల ఇంధన సంపదలన్నీ తనవేనంటుంది. బడుగుల “దేశమాత” గుండెల్ని తన ఆయుధ పరీక్షల ‘గురి’ చేసుకుంటుంది. నేటి ప్రపంచం అమెరికా-ఆర్థిక, సాంస్కృతిక పడగనీడలో ఉంది. ప్రపంచయుద్ధాల ఆయుధ బేహారిగా శవాలమీద డబ్బులేరుకొనే ‘అగ్ర’ రాజ్యంగా నిలబడిన అమెరికా ఆర్థిక సంక్షోభం వెనుక అసలు రహస్యం ప్రజోపయోగ సరుకుల ‘ఉత్పత్తి’ ఆధారంగాకాక ‘చట్టా’ (సెక్యులేటివ్) వ్యాపారంద్వారా సంపదలు పెంచుదామనుకోవటం.

‘ఒక దళారీ పశ్చాత్తాపం’ లో చెప్పినట్లు-“ఏ దేశమైనా కరెన్సీ ముద్రించాలంటే దానికి తగ్గ బంగారు నిల్వలు లేదా ఇంకేదయినా వనరులు ఉండితీరాలి. అమెరికా అటువంటి నియమాలు ఏమీ పెట్టుకోలేదు. బంగారంవంటి నియంత్రణలేవీ లేకుండా అమెరికా తన ఇష్టం వచ్చినన్ని డాలర్లు ముద్రిస్తుంది. ప్రపంచానికి డాలర్ పై గల అచంచలమైన విశ్వాసమే దాని విలువను నిలబెడుతోంది.” (పేజీ.156). బహుశా దాని ఆయుధబలంపై గల భయం కూడా!!

మానవ సమాజంలో ఏదేశానికైనా ‘శ్రమ’ ఆధారిత ఆర్థిక నిర్వహణే మౌలిక విధానం కావాలి. ఈ కీలక సందర్భంలో ప్రజల పక్షం వహించే రచయితగానీ, కవిగానీ ఒక కీలక అంశాన్ని ఆకళింపు చేసుకోవాల్సి వుంది. “పాత భావాలతోనూ, సనాతనులతోనూ, అభివృద్ధి నిరోధక శక్తులతోనూ ప్రజలు జరిపే పోరాటాల్లో స్వయంగా పాల్గొని వాళ్ళతో ముందుకు సాగాలి. అంతేకానీ పైపైన పరిశీలిస్తూ, స్వంత గొప్పలు చెప్పుకొంటూ, తన ప్రగతితత్వాన్ని చాటుకోవడానికి ప్రజల వూసెత్తేవాడు రచయితే కాడు”. (‘జీవితం – రచన’ టింగ్ లింగ్).

కార్మికవర్గ చైతన్యమంటే కార్మిక-కర్షక ఐక్యత జీవగర్రగా సామ్రాజ్యవాద, భూస్వామ్య సంస్కృతులను ఎదుర్కోగల వర్గాలనన్నిటినీ సంఘటిత పరచగలిగినది.

“బిగి పిడికిలి కార్మికుడే నవజగతికి కర్ణధారి
మహితాత్ముడు కార్మికుడే నక్షత్ర కిరీటధారి”-(శివసాగర్)

ఇంకొక మాటలో చెప్పాలంటే-
గాయపడిన ప్రతి ఇంటినుండి
దోసెడు కన్నీటిని తీసుకురా
పెను ఉప్పెన పుట్టిద్దాం!
కనిపించని కుట్రల కొలిమిలో
కాలుతున్న బతుకుల్ని పిల్చుకురా
ఆయుధాల్ని నిర్మిద్దాం!
యుద్ధాన్ని హతమార్చే నిజమైన శాంతికోసం
అసలు యుద్ధాన్ని గానంచేద్దాం

ఈ నూతన ప్రజాస్వామిక విప్లవాన్ని పూర్తిచేసుకుని, సామ్రాజ్యవాద ఉక్కు పిడికిలి నుండి బయటపడి- సామ్యవాద సమాజంకేసి సాగడానికి – కార్మికవర్గ దృక్పథాన్ని సాహిత్య సృజనలో పొదువుకొని, సాంస్కృతిక విప్లవాన్ని ముందుకు తీసుకుపోవాలి.

పరాయీకరణ చెందిన శ్రమ, విముక్తి కావాలంటే కాలంచెల్లిన వ్యవస్థలను రద్దుపరచటం, అవి సృష్టించిన ప్రజావ్యతిరేక సంస్కృతులను అశాస్త్రీయ భావజాలాన్నీ ఓడించటం తప్పనిసరి. అలాంటి సమస్త సాంస్కృతిక సంకెళ్ళను ఛేదించగల స్ఫూర్తిని మేడే నుండి పొందటం శ్రమజీవన సౌందర్యాన్ని ఆహ్వానించే వారి కర్తవ్యం.

* * *

ప్రజాసాహితి మే 2012 డిజిటల్ రూపంలో కినిగెలో లభిస్తుంది. మరిన్ని వివరాలకు ఈ లింక్‍ని అనుసరించండి.
ప్రజాసాహితి మే 2012 On Kinige

Related Posts:

చరిత్రకు పదునుపెడుతున్న చరిత్రకారుడు

ప్రముఖ రచయిత, చారిత్రక పరిశోధకుడు అయిన సయ్యద్ నశీర్ అహమ్మద్ రాసిన “భారత స్వాతంత్ర్యోద్యోమం: ఆంధ్రప్రదేశ్ ముస్లింలు” పుస్తకం గురించి 12 డిసెంబర్, 2011 నాటి హైదరబాద్ మిర్రర్ దినపత్రిక లోని “అక్షర మిర్రర్” శీర్షికలో సుప్రసిద్ధ రచయిత, విశ్లేషకులు కత్తి పద్మారావు విశ్లేషించారు.

ఆధునిక ఆంధ్రుల సాహితీ చరిత్రను పునర్మించడంలో సయ్యద్ నశీర్ అహమ్మద్ గారిది ఉన్నతమైన పాత్రని కత్తి పద్మారావు పేర్కొన్నారు. అంబేద్కర్ ఆద్యుడైన సబాల్ట్రన్ హిస్టోగ్రఫీ విధానంలోనే నశీర్ అహమ్మద్ రచన సాగిందని కత్తి పద్మారావు అభిప్రాయపడ్డారు. నశీర్ అహమ్మద్ రచనా క్రమంలో విజువలైజేషన్ ఉంటుందని, అందువల్లే ఆయన పుస్తకాలు ఆయనతో పాటుగా పాఠకుడిని సుదూరాలకు తీసుకువెడతాయని పద్మారావు పేర్కొన్నారు.

సబాల్ట్రన్ స్టడీస్‍కు అమూల్య గ్రంథం చేర్చిన నశీర్ అహమ్మద్ కాంట్రిబ్యూషన్ మరువలేనిదని కత్తిపద్మారావు వ్యాఖ్యానించారు.

ఈ వ్యాసం పూర్తి పాఠాన్ని ఈ లింక్‍లో చదవగలరు.

సయ్యద్ నశీర్ అహమ్మద్ రాసిన పుస్తకాలు డిజిటల్ రూపంలో కినిగెలో లభిస్తున్నాయి.

ఈ పుస్తకాలపై తగ్గింపు కూడా ఉంది. వివరాలకు ఈ లింక్ చూడండి.

సయ్యద్ నశీర్ అహమ్మద్ ఈ పుస్తకాలు 25 శాతం తగ్గింపు ధరకు On Kinige

కొల్లూరి సోమ శంకర్

Related Posts:

చరిత్ర పరిశోధనల్లో ఘనాపాటి

ప్రముఖ రచయిత, చారిత్రక పరిశోధకుడు అయిన సయ్యద్ నశీర్ అహమ్మద్ గురించి 20 నవంబర్, 2011 నాటి ఆంధ్రభూమి దినపత్రిక లోని “కవులూ.. రచయితలూ” శీర్షికలో సుప్రసిద్ధ విశ్లేషకులు విహారి పరిచయం చేసారు.

పరిశోధన ఒక అసిధారావ్రతమని, అందునా చారిత్రక పరిశోధన మరీ వ్యయప్రయాసలకోర్చినదని విహారి పేర్కొన్నారు. సయ్యద్ నశీర్ అహమ్మద్ రాసిన పుస్తకాలను, చేసిన పరిశోధనల గురించి ఈ వ్యాసంలో విశ్లేషించారు రచయిత.

ఈ వ్యాసం పూర్తి పాఠాన్ని ఈ దిగువ చిత్రంలో చదవగలరు.


సయ్యద్ నశీర్ అహమ్మద్ రాసిన పుస్తకాలు డిజిటల్ రూపంలో కినిగెలో లభిస్తున్నాయి.

ఈ పుస్తకాలపై తగ్గింపు కూడా ఉంది. వివరాలకు ఈ లింక్ చూడండి.

సయ్యద్ నశీర్ అహమ్మద్ ఈ పుస్తకాలు 25 శాతం తగ్గింపు ధరకు On Kinige

Related Posts:

భారత స్వాతంత్ర్యోద్యమం ఆంధ్రప్రదేశ్ ముస్లింలు – హైదరాబాద్ మిర్రర్ – సమీక్ష

ప్రముఖ పరిశోధకుడు, చరిత్రకారుడు సయ్యద్ నశీర్ అహమ్మద్ రచించిన “భారత స్వాతంత్ర్యోద్యమం ఆంధ్రప్రదేశ్ ముస్లింలు” అనే పుస్తకాన్ని హైదరాబాద్ మిర్రర్ దినపత్రిక 24 అక్టోబర్ 2011 నాటి సంచికలో ‘అక్షర మిర్రర్’ శీర్షికలో సమీక్షించింది.

ఈ సమీక్షలో నశీర్ అహమ్మద్ ఎంతో శ్రమకూర్చి ఈ పుస్తకానికి అవసరమైన సమాచారన్ని సేకరించారని, తెలుగు పాఠకులకి అందుబాటులో లేని చారిత్రక వివరాలను అందజేసారని పేర్కొన్నారు.

ఈ గ్రంథం మొదటి భాగంలో భారత స్వాతంత్ర్యోద్యమంలోని 1757 ప్లాసీ యుద్ధం నుంచీ మొదలుపెట్టి 1956 నాటి ఆంద్రప్రదేశ్ అవతరణ వరకు జరిగిన ప్రధాన ఘట్టాలను వివరించగా, రెండవ భాగంలో యాభై మంది సమరవీరుల జీవితచరిత్రని వివరించారు. మూడవ భాగంలో విముక్తి పోరాటానికి కొనసాగింపు జరిగిన ప్రజా ఉద్యమాలలో పాల్గొన్నవారి వివరాలు, నాల్గవ భాగంలో కొంతమంది స్వాతంత్ర్య సమరయోధుల సంక్షిప్త వివరాలను పొందుపరిచారు.

సయ్యద్ నశీర్ అహమ్మద్ రచనలు మతవిద్వేషాన్ని రేకిత్తించవని, జాతీయ సమైక్యత – సమగ్రత, సామరస్యం పెంపొందించేలా ఆయన కలం సాగుతుందని ఈ సమీక్ష పేర్కొంది.

పూర్తి సమీక్షని ఈ పై చిత్రంలో చదవండి

ఈ పుస్తకం డిజిటల్ రూపంలో కినిగెలో లభిస్తుంది.

భారత స్వాతంత్ర్యోద్యమం ఆంద్రప్రదేశ్ ముస్లింలు On Kinige

కొల్లూరి సోమ శంకర్

Related Posts: