“పవన్ కళ్యాణ్ హఠావో పాలిటిక్స్ బచావో” పుస్తకంపై సమీక్ష

తెలుగు సినిమా రంగంలో తనదైన ఒరవడితో అగ్రపథంలో దూసుకెళ్తున్న కథా నాయకుడు పవన్ కళ్యాణ్. విభిన్న చిత్రాలు తీస్తూ ఎంతోమంది అభిమానాన్ని చూరగొన్నాడు. తను ఏది చేసినా ఓ సంచలనమే. అయితే ఆయన వివాదాస్పద వైఖరీ సంచలనమే. అయితే, ఆయన ఆటిట్యూడ్‌ను పవనిజంగా అభిమానులు ముద్దు చేస్తారు. కానీ, ఆయన కప్పదాటు వైఖరిని, తెలంగాణ వ్యతిరేకతను తన పవనిజంలోని రాజకీయ వైరుధ్యాల్ని తెలిపే భిన్న కోణాలను పవన్ కళ్యాణ్ హఠావో పాలిటిక్స్ బచావో అంటూ బొగ్గుల శ్రీనివాస్ ఒక పుస్తకంగా తీసుకొచ్చాడు. ఇది మొదటి భాగం అని రచయిత చెప్పుకున్నాడు. ముఖ్యంగా మొన్నటి సార్వత్రిక ఎన్నికలకు ముందు కాంగ్రెస్ పార్టీ హఠావో నినాదంతో జనసేన పార్టీని ఏర్పాటు చేయడం తెలిసిందే. రాజకీయాలు నాకు పడవంటూనే కాంగ్రెస్‌ని ఖతం చేయాలని, రాజకీయ పిలుపు నిస్తూ జనసేన పార్టీని ఏర్పాటు చేయడం గురించి శ్రీనివాస్ బాగానే విమర్శించిండు. పవన్ ద్వందరీతిని, ఆయన అపసవ్య ఆలోచన తీరును ఎండగట్టిండు. అటు తర్వాత జనసేన పార్టీ సిద్ధాంత గ్రంథంగా ఇజం పేర్న పుస్తకాన్ని కూడా పవన్ కళ్యాణ్ వెలువరించాడు.

ఇందులో తన ఆలోచనా విధానాల్ని ప్రకటించిండు. అయితే, ఇందులో ఆయన చెప్పిన సిద్ధాంతాలకు ఆచరణకు సంబంధం లేని అనేక విషయాలు కనిపిస్తాయని రచయిత వివరించిండు. తెలంగాణలో పుట్టానంటూనే ఇంకోచోట ఇంతమంది త్యాగాలతో తెలంగాణ ఏర్పడటం అవసరమా? అని తెలంగాణ వ్యతిరేక గళాన్ని వినిపిస్తాడు. పుస్తకం చివర్లో పవన్ కళ్యాణ్ ప్రసంగ పాఠాలను రచయిత యథాతథంగా జతచేయడం వల్ల పాఠకుడికి సులువుగా పవనిజం పరిణామక్రమాన్ని, అందలి అపసవ్య ధోరణిని అర్థం చేసుకునే అవకాశం కల్పించాడు రచయిత. ప్రశ్నించడానికే వచ్చానన్న పవన్ ఎన్నికల తర్వాత ఆయన పార్టీ ప్రశ్నలా ఎందుకు మిగిలిపోయింది? వంటి మంచి ప్రశ్నలు వేసిన ఈ రచయిత పుస్తకాలు మొన్నటి హైదరాబాద్ బుక్ ఫెస్టివల్లో హాట్ కేకుల్లా అమ్ముడుపోయాయి. అందుకు ఈ పుస్తకం రెండో భాగంలో మరి శ్రీనివాస్ ఏం రాస్తాడో చూడాలి. అయితే సంచలనం కోసం కాకుండా సావధానంగా పవనిజంలోని అబద్దాలను మరింత విశ్లేషణాత్మకంగా రాయడానికి రచయిత పలువురిని ఇంటర్వ్యూ చేసి విషయాన్ని సంగ్రహిస్తే ఇంకా బాగుండేది. ఏమైనా, ఒక యువకుడి సాహసానికి ముచ్చటేస్తుంది. ఇలా, తెలంగాణ యువతరం -మన దగ్గరే ఉంటూ మనల్ని విమర్శించే వాళ్లను, అప్రజాస్వామిక తీరుతెన్నులతో రెచ్చిపోయే వాళ్లను- ఒక పద్ధతిగా ఎండగట్టేందుకు, కోపాన్ని నిగ్రహించుకుంటూ రచనల్నే సాధనంగా ఎంచుకుని ముందుకు సాగడం మంచి పరిణామం. అభినందించదగ్గ విషయం.

-నమస్తే తెలంగాణ-బతుకమ్మ , 04-01-2015

పవన్ కల్యాణ్ హటావో… పాలిటిక్స్ బచావో… పుస్తకం డిజిటల్ రూపంలో కినిగె లో లభిస్తుంది. కినిగె వెబ్‌సైట్ ద్వారా ఆర్డర్ చేసి ప్రింట్ పుస్తకాన్ని తగ్గింపు ధరకి పొందవచ్చు. మరిన్ని వివరాలకు ఈ క్రింది లింక్‌ని అనుసరించండి..

పవన్ కల్యాణ్ హటావో… పాలిటిక్స్ బచావో… on kinige

PawanKalyanHataaoPoliticsBachao600

Related Posts:

“మశాల్” పుస్తకంపై సమీక్ష

ప్రతి ఉద్యమం సాహిత్యాన్ని సృష్టిస్తుంది. ఉద్యమంలోని నవ్యత సాహిత్యంలో కొత్త ఇతివృత్తానికి పాదుపోస్తుంది. కొన్నిసార్లు పాత శిల్పాన్ని తలదన్నే శిల్పం కూడా జతకూడుతుంది.మలి దశ తెలంగాణా ఉద్యమం వందలాది కవులను కొత్తగా తయారుచేసింది. అభ్యుదయ, ప్రగతిశీల విప్లవ కవులు కూడా ఇందులో పాల్గొన్నారు. ఇంత పెద్దఎత్తున ఈ అరశతాబ్దంలో ఏ ఉద్యమంలో రానంత సాహిత్యం వెలువడింది. ఐతే కొన్ని కారణాలవల్ల ఆ పుస్తకాల గురించి, కవుల గురించి లోకానికి తెలియరాలేదు. అంటే వాటిని సమీక్షించే పరిచయాలు, వాటిపై రాసిన వ్యాసాలు ఎక్కడా సరిహద్దులు దాటలేదు. రావలసిన పత్రికల్లో సైతం వ్యాసాలు రాలేకపోయాయి. అలాంటి పుస్తకాలలో వనపట్ల సుబ్బయ్య రాసిన ‘మశాల్’ సుదీర్ఘ కావ్యం ఒకటి. 192 పేజీల కావ్యం చదవడం మొదలుపెడితే ఆపరు. సాధారణంగా కవిత్వం చదివే పాఠకులు తగ్గిపోతున్నారు. కారణం ఏమంటే- దానిలో పునశ్చరణ అధికం. చెప్పిందే చెప్పి పాఠకుడిని విసిగిస్తారు. అసలే అర్థంకాని భాష. భావ చిత్రాల మర్మం తెలియదు. స్పష్టత ఉండదు. ఉంటే సమాసాల అన్వయత కుదరదు. కవి లేని పాండిత్యం చూపాలని ఆశించడంవల్ల కవిత సంక్లిష్టం అవుతున్నది. అలాంటి రోజుల్లో సుదీర్ఘ కావ్యం రాసి మెప్పించాడు కవి. ఎక్కడా చదవడం ఆపే పరిస్థితి రాదు. పాఠకుడికి సమయం చిక్కాలే తప్ప పుస్తకం చేతిలోకి తీసుకుంటే పక్కన పెట్టబుద్ధికాదు. కవి ఉద్రేక పూరిత స్వరం వెంబడి పాకే పాముల్లా అక్షరాల వెంట పడతాం. సుబ్బయ్య చేతిలోని కలం అలవోకగా పాదరసంలా కవిత్వం జారవిడిచింది.మిల్టన్ ‘వేస్‌లాండ్’ చదివిన పాఠకుడు ఇప్పుడు ఎవరైనా ఉంటే అలాంటి అనుభూతే ఈ పుస్తకం చదివాక కలిగిందని చెబుతాడు. ఉద్యమం ఇతివృత్తం అయినా చెప్పే విధానంలో ఎంతో నవ్యత సాధించాడు. మాండలిక పదాలు అంటామా లేదా అన్నది ప్రశ్నకాదు. జీవద్భాషా పదాలను ఉపయోగించుకున్న తీరు ప్రశంసనీయం. ఆ పదాలను వాడాలని వాడి పాఠకుడికి వివరణ ఇచ్చే పాత సంప్రదాయానికి గండికొట్టాడు. ఆ పదాలు చెంగు చెంగున ఎగిరి కవిత్వపు కాసారంలో కలువపూవు అందాలై మెరిశాయి. ఉద్విగ్నభావన కవితకు వేడి పుట్టించింది. కనబడని ఆవిరి అక్షరాలై కదిలినప్పుడు పాఠకుడు విచలితుడు అవుతాడు. రాతి సొరికలో కదలాడే మర్రి మొలకలా భావం పెరిగి పెద్దదై మనని ఆవరిస్తుంది. పచ్చపురుగులున్న తోటలో ముద్దబంతిపూలు వాలిపోయినట్లు పారిభాషిక పదాలు కవిత్వాన్ని ఖూనీచేస్తాయి. ఐతే ‘మశాల్’ ఆ పదాలు పూబంతుల తోరణాల్ని చూసి విప్పారిన దృష్టులవుతాయి.
ఉద్యమపు ప్రతి మలుపుని చరిత్రకారుడు గుర్తుంచుకుని తేదీలతో రాసినట్లు చారిత్రక క్రమవిధానాన్ని కవి పాటించి కవిత్వం చేశాడు. చాలామంది కవులకు చక్కని రహస్య కవితాశక్తి ఇది.ఒక నాలుగేండ్ల కాలంలో సాగిన మహత్తర ఉద్యమాన్ని వస్తువుగా తీసుకున్నా ఎన్నో దశాబ్దాల చరిత్రని తడుముతూ అనేక విషయాలను కవిత్వీకరిస్తాడు. కవి, తాను ఉద్రేకపడి రాయడం ఒక పద్ధతి. పాఠకులకి అంతే సంచలనం కలిగించడం ఒక పద్ధతి. ఇలాంటి భావ సంచలనం కలిగి ఉన్న కవిత్వం ప్రగతిశీల కవిత్వం నుండి ఈ మధ్య రాలేదు. ఇంత పెద్ద రచన కూడా లేదు. కవులు తమకుతాము స్వచ్ఛందంగా ఇల్లొదిలి, వీధి వదిలి, ఊరొదిలి, చేస్తున్న పనులు నదిలో ఉద్యమం గుమ్మాలపై నిలిచి కాహళి మోగించడం కొత్త. సుబ్బయ్య వృత్తిరీత్యా, కులం రీత్యా క్షురకుడు. అతని చేతిలోని కవికి ఉన్న పదనుని, నేర్పుని కలానికెక్కించాడు. అక్కడే అతను కవిగా గెలిచాడు. లబ్దప్రతిష్టులైన కవులు ఎందరో రాశారు. కాని చరణాల పేరు పదాల కుదింపు మాత్రమే.
మశాల్’ అంటే దివిటి. దీని వెలుగుని అస్తిత్వ అలజడి చేయడం ఒక పని. చరిత్ర లోతుల్లో పైకి కనుపించే అన్యాయాలను లోలోతుల్లోంచి అర్థంచేసుకుని విశద పరచడం రెండో పని. దివిటీ వెలుగు చిన్నదే. కాని దివిటీ కవిత్వ సంకేతార్థంలో చైతన్యం అని, ప్రేరణ అనీ, స్ఫూర్తి అని, చీకటితో పోరాడే ఖడ్గం అని అర్థం. అందుకే సమయోచితమైన పేరుపెట్టాడు.కవి వచనంలో ఒక తూగుని కూడా సాధించాడు. అది ఉపయోగించిన పదజాలంవల్లో లేదా భావాల క్రమ నిర్మాణంవల్లో ఏర్పడింది. ‘‘భగభగ మండే సూర్యుని కంట బొటబొట కన్నీళ్ళు కారడం’’ అన్నా, ‘‘నమ్మకం సడలించిన నక్షత్రాలను ఎరి/ మోదుగు పూదండలు అల్లి’’ అన్నా, నిశ్శబ్ద పావురాళ్ళనె చూశారు/ వాటి రెక్కల కింద తల్వార్‌లు చూడలేదు’ అని రాసినా తూగు ఎక్కడా తప్పలేదు. చదివించే గుణానికి తూగు అవసరం.పోరాడడానికి త్యాగాలొద్దు/ మండె మశాల్తీలై అనంతంగా వెలగాలి అని అన్నాడు. మశాల్‌ని మశాల్తీలు అని ప్రయోగించడం తూగు కోసమే. ‘‘సామవలతో కుందేళ్ళకు సంసారం ఎట్ల’’ వంటి ప్రాకృతిక అంశాన్ని రాజకీయ చేయడం కవికి కాలంతో పుట్టిన విద్య. మరోచోట ‘‘ఒక ఒప్పందం/ వెయ్యి ఆవుల దొప తీర్చాలె/ లేకపోతే సామ జీవులు సైతం యుద్ధప్రకటనలు చేస్తయి’’ అని హెచ్చరిస్తాడు.ఈ కవి లోగడే ‘వొల్లెడ’ కవితా సంకలనం తీశాడు. ‘జల్‌జలా’లో ఇతర కవులతోపాటు ఇరవై కవితలు ప్రచురించాడు. అప్పుడే విమర్శకుల దృష్టి నాకర్షించాడు. కాని ‘మశాల్’ వెలుగుని మరచిపోకుండా చేశాడు. అతని అన్ని భావాలతో ఏకీభవించినా, విబేధించినా అందరూ అతని మశాల్ వెలుగుని మాత్రం గుర్తించి తలలూపేలా చేశాడు. ఈ కవిత్వం ప్రాంతీయ మహోద్రేక కవితగా గుర్తించవచ్చు.
ఈ కవిత్వంలో స్ర్తీలను, యువకులను, విద్యార్థులను, అమరవీరులను పదే పదే గుర్తుచేసి వారి త్యాగాల బాటలో పాఠకులని ప్రయాణింపచేస్తాడు. వేయి మంది వీరులను ఉద్యమానికి విరాళంగా ప్రకటించిన వీరమాతలను కొనియాడడం ఎవరైనా హర్షిస్తారు. ప్రజాస్వామ్యంలో జనం తమ శక్తిని ప్రదర్శించినట్లే అక్షరాలు కూడా అమోఘమైన రీతిలో స్పందించాయి. ఇప్పుడు ఉద్యమం ముగియలేదు. ముందు పరుచుకునే ఉంది. న్యాయంకోసం, తగిన వాటాకోసం ఎదురు చూస్తున్నది. సుబ్బయ్య తన వచనాన్ని పదునెక్కించి ప్రజల తరఫున నిలుస్తాడని భరోసా ఇస్తుంది ‘మశాల్’.

-జయధీర్,ఆంధ్రభూమి – అక్షర, 06/09/2014

 

“మశాల్డిజిటల్ రూపంలో కినిగె లో లభిస్తుంది.  మరిన్ని వివరాలకు ఈ క్రింది లింక్‌ని అనుసరించండి.

మశాల్ on kinige

 

Mashaal600

Related Posts:

తెలంగాణ మాండలికంలో దళిత నవల – “సూర”నవల పై సమీక్ష

దళితులపై కొనసాగే ఆర్థిక, లైంగిక దోపిడీలను వివరించడంతోపాటు దళితులలో వున్న మూఢ విశ్వాసాలను, వెనుకబాటుతనాన్ని ‘సూర’ నవల చిత్రీకరించింది.ఊళ్లో బతకలేక మాల చెన్నడు, చంద్రి పట్నం వచ్చి కూలీనాలీ పనులు చేసుకుని బతుకుతుంటారు. తమ కొడుకు సూరడు చదువుకొని బాగుపడాలని వారి కోరిక. గారాబం, చెడు సావాసాలు మరిగిన సూరడ్ని దండించి బంధువు, కాలేజీ విద్యార్థి అయిన కేశవులు ఓ దారికి తెస్తాడు. పటేల్ కాశిరెడ్డి తమ ఇంట్లో పని చేయడానికని సూరడ్ని, చదివిస్తానని చెప్పి సర్కారు బళ్లో వేస్తాడు. కాశిరెడ్డి ఆర్థిక పరిస్థితి క్షీణించడంతో సూరడు హాస్టల్లో చేరిపోతాడు. హాస్టల్స్‌లో కొత్త ఉద్యోగాలు వస్తున్నాయి. పదివేలు తెచ్చుకుంటే అందులో కుదురుస్తానన్న కాశిరెడ్డి మాటలు నమ్మి చెన్నయ్య, చంద్రి ఊళ్లో తమ వంతుకు వచ్చిన పొలాన్ని అయినకాడికి అమ్మి పదివేలు తెచ్చి కాశిరెడ్డి చేతుల్లో పోసి, తర్వాత తాము మోసపోయామని తెల్సుకుంటారు. చేసేది లేక తిరిగి ఊరికి వచ్చి గుడిసె వేసుకుంటారు. తాగుడు మరిగి అనారోగ్యం పాలయిన చెన్నడు మంత్రాలు, భూతవైద్యుడు చుట్టూ తిరుగుతుంటాడు. తల్లిదంఅడుల కీచులాటలు, దాయాదులతో పోట్లాటలు చూసి విసిగిపోయిన సూరడు ఊరికి రావడం మానేస్తాడు. కాలేజీలో చేరిన సూరడికి నాగిరెడ్డి పటేల్ కూతురు పరిచయం కాస్తా ప్రేమలోకి దిగుతుంది. నాగిరెడ్డి తన కూతురు సూరడితో తిరగడం పరువు తక్కువని భావిచి సూరడ్ని చంపడానికి ప్రయత్నిస్తాడు. దాంతో ప్రేమికులిద్దరూ లేచిపోయి పట్నంలో కాపురం పెడతారు. అక్కడి నుండి సూరడు ఊరికి వచ్చి ఊళ్లో చేతబడి, మూఢ నమ్మకాలను పోగొట్టటానికి కృషి చేస్తాడు. ఊళ్లో మాల, మాదిగ పిల్లలను చేరదీసి వాళ్లకు చదువు చెప్పి రెండు గూడేలను ఏకం చేద్దామనుకుంటాడు. నాగిరెడ్డి ఊళ్లోని దళితుల పాస్‌బుక్కులు తీసుకునిపోయి బ్యాంకులో పెట్టి, అప్పులిప్పిస్తానని సంతకాలు చేయిస్తాడు. వచ్చిన డబ్బంతా తానే కాజేస్తాడు. అప్పు కట్టమని దళితులకు నోటీసులు వస్తాయి. నిలవేసిన దళితులను బెదిరించి పోలీసులతో కొట్టిస్తాడు. మరల సూరని మీద హత్యా ప్రయత్నం చేయిస్తాడు. దీంతో విసిగిపోయిన దళిత గారీబు పటేల్‌ను పొడిచి చంపి పోలీసులకు లొంగిపోతాడు.
ఇందలో మంచిగా బతుకుదామని చెన్నయ్య, చంద్రి ఊరు విడిచి పట్నం వస్తారు. ఊళ్లో వున్న పొలం అమ్ముకుని, ఆ డబ్బు పటేల్‌కిచ్చి మోసపోతారు. దాంతో తిరిగి ఊరికి వచ్చి కీచులాటలు, పోట్లాటలతో తమ జీవితాన్ని గడిపేస్తారు. అలా కాకుండా పటేల్ మోసం చేసినా, ఇక ఊళ్లో ఏం లేదని తెలుసుకుని పట్నంలోనే స్థిరపడి బతకడానికి ప్రయత్నం చేస్తే బాగుండేది. పట్టుదల, ముందుచూపు, స్వంత నిర్ణయాలతో, నీతివంతురాలిగా కనిపించే చంద్రి, సూరడు పెద్దవాడు కావడంతో గయ్యాళిగా, అప్రధాన పాత్రగా మారిపోవడం ఏం బాగాలేదు. అలాగే జయలక్ష్మి ప్రేమ వ్యవహారం కూడా పచ్చిగా, ఫాస్ట్‌గా, ఏకపక్షంగా సాగిపోతుంది. సహజత్వం లోపించింది. బాగా చదువుకుని ప్రయోజకుడై సూరడు దళితోద్ధరణకు పూనుకుంటే బాగుండేది. అలా కాక ఒక లక్ష్యం అంటూ లేకుండా తెగిన గాలిపటంలా ప్రవర్తించే సూరడు తన సుఖం తాను చూసుకునే వాడిలా చిత్రీకరించడం వల్ల ఆ పాత్ర ప్రయోజనమే దెబ్బతింది. ఆదర్శవాదం జోలికి పోకుండా యధాతథ వాదంతో నవల నింపేసినట్లు అనుకోవాలి. దళితులలో వున్న అజ్ఞానాన్ని, అమాయకత్వాన్ని ఆసరాగా చేసుకొని వాళ్లను పూజలు, మంత్రాల పేరిట ఎలా దోపిడీ చేస్తున్నారో ఇందులో చక్కగా తెలియజేశారు. గిరిజనులు హరిజనులే అన్ని ఉద్యోగాలను తన్నుకుపోతున్నారని అగ్రవర్ణాల వారు రెండు సందర్భాలలో తమ అక్కసును వెలిబుచ్చితే వారికిచ్చిన సమాధానాలు చెంపపెట్టులా ఉన్నాయి.
ఈ నవలను పూర్తిగా తెలంగాణ మాండలికం అందునా నల్లగొండ మాండలికంలో రాయడం విశేషం. ఇది ప్రాంతీయ మాండలికమే కాదు, కుల మాండలికం కూడా. ఉచ్ఛారణ పరమైన మాండలికాన్ని యథాతథంగా అక్షరీకరించడం వల్ల ఇది ఇతర ప్రాంతీయులకు ఒక పట్టాన అర్థం కావడం కష్టం. వస్తువును పక్కనబెడితే మాండలికాన్ని అభిమానించేవారు, రకరకాల మాండలికాల పట్ల ఆసక్తి గలవారు తప్పకుండా చదవాల్సిన పుస్తకం. పదేళ్ల కింద వచ్చిన ఈ పుస్తకం మళ్లీ రెండవ ముద్రణగా మన ముందుకు వచ్చింది.

-కె.పి.అశోక్‌కుమార్, ఆంధ్రభూమి-అక్షర,08/02/2014.

 సూరడిజిటల్ రూపంలో కినిగె లో లభిస్తుంది.  మరిన్ని వివరాలకు ఈ క్రింది లింక్‌ని అనుసరించండి.

సూర on kinige

 

Sura600

Related Posts:

తెలంగాణ ధావత్ – ‘తెలంగాణ వంటలు (వెజ్)’ పుస్తకంపై సమీక్ష

భాష అంతరించిపోతోందనో, సంస్కృతి కనుమరుగు అవుతోందనో బాధపడిపోతుంటారు కానీ, వంటల సంగతి మాత్రం ఎవరూ పట్టించుకోరు. ఓ తరం గతించిపోయిందంటే, ఆ మనుషులతో పాటూ ఎన్నోకొన్ని వంటలూ కనుమరుగైపోతాయి. అలా, చాలా రుచుల్నే కోల్పోయాం. ఓ గృహిణిగా తనకు తెలిసిన, పరిశోధకురాలిగా తాను తెలుసుకున్న తెలంగాణ వంటకాల్ని ఓ పుస్తకంగా తీసుకురావాలన్న జ్యోతి వలబోజు ఆలోచన మంచిదే. అందులోనూ తెలంగాణ ఉద్యమాల పాఠశాల మాత్రమే కాదు…రుచుల వంటశాల కూడా! మలీద, తీపి శేవలు, మక్కరొట్టెలు, సొరకాయ సర్వపిండి, గట్క, సెనగపప్పు పోలెలు, మరమరాల లడ్డు, బెల్లపన్నము వగైరా వగైరా శాకాహార వంటకాల్ని ఎలా వండుకోవాలో, కావలసిన దినుసులేమిటో కొలతలతో సహా వివరించారు.

-దమయంతి, ఈనాడు ఆదివారం అనుబంధం, 13/04/2014

***

ఈ సమీక్షను ఈనాడు పుస్తక సమీక్ష పేజీలో చదవడానికి ఈ క్రింది లింకు క్లిక్ చేయండి
http://archives.eenadu.net/04-13-2014/Magzines/Sundayspecialinner.aspx?qry=pustaka

 

 

 

 

 

 

 

తెలంగాణ వంటలు (వెజ్)” డిజిటల్ రూపంలో కినిగెలో లభిస్తుంది. కినిగె వెబ్‌సైట్ ద్వారా ఆర్డర్ చేసి ప్రింట్ పుస్తకాన్ని తగ్గింపు ధరకి పొందవచ్చు. మరిన్ని వివరాలకు ఈ క్రింది లింక్‌ని అనుసరించండి.

తెలంగాణ వంటలు (వెజ్) on kinige

Related Posts:

ప్రశ్నాక్షరాలు – ‘కొత్త వంతెన’ పుస్తకంపై సమీక్ష

కె.శ్రీనివాస్‌ అక్షరాలు పదునైన అస్త్రాలను తలపిస్తాయి. ఆ శైలిలో ఆలోచనా ఆవేశం సమపాళ్లలో ఉంటాయి. పదమూడేళ్ల క్రితం ‘ప్రజాతంత్ర’లో వెలువడిన వ్యాసాల్ని ఇప్పుడు ‘కొత్తవంతెన’ పేరుతో పుస్తకంగా తీసుకొచ్చారు. ‘మూసీ అంటే నీళ్లు మాత్రమే కాదు, మూసీ అంటే దక్కన్‌, మూసీ అంటే తెలంగాణ’ అంటూ మురికినీటి ప్రవాహంగా మారిపోతున్న ఆ జలవాహిని దుస్థితిని తలుచుకుంటారు. ‘కాకతీయులూ వద్దు, ఖాసిం రజ్వీలూ వద్దు’ అంటూ మధ్య యుగాల, ఆధునిక రాచరిక పాలనలోని దుర్మార్గాల్ని గర్హిస్తారు. ‘ఆకలినీ ఆత్మహత్యలనూ హత్యలనూ చూస్తావా ఉల్ఫెన్‌సన్‌?’ అంటూ ప్రపంచ బ్యాంకు ప్రతినిధి సందర్శనను నిరసిస్తారు. తెలంగాణా రాజకీయ, సాంస్కృతిక, సామాజిక పరిణామాలపై పుస్తకంలో నలభైకిపైగా వ్యాసాలున్నాయి.

- వినయ్, ఆదివారం అనుబంధం, ఈనాడు, 16th Feb 2014

 ఈ ఆర్టికల్‌ని ఈనాడు పుస్తకం పేజీలో చదవడం కొరకు ఈ క్రింద లింక్ క్లిక్ చేయండి:

 http://archives.eenadu.net/02-16-2014/Magzines/Sundayspecialinner.aspx?qry=pustaka


 

 

 

 

 

 

 

కొత్త వంతెన” డిజిటల్ రూపంలో కినిగెలో లభిస్తుంది. మరిన్ని వివరాలకు ఈ లింక్‌ని అనుసరించండి.

***

కొత్త వంతెన on Kinige

Related Posts:

లక్ష్యసాధనకు వజ్ర సంకల్పం

ఏ కార్యసాధనకైనా సంకల్పం ముఖ్యం. చెక్కు చెదరని దీక్షతో సాగితే ఎంతటి పనైనా సుసాధ్యమవుతుంది. అయితే, కొందరు మొండి ఘటాలవల్ల ఉత్పన్నమయ్యే కొన్ని నడమంవూతపు చేష్టలు కాగల కార్యానికి అడ్డు తగులుతుంటాయి. ఇలాంటప్పుడే కర్తవ్యపరులకు కావలసింది వజ్ర సంకల్పం. యువకవి చీపెల్లి బాపు ప్రస్తుత తెలంగాణ బిడ్డలందరికీ ఇదే ఉక్కుదీక్షతో రాష్ట్రసాధనకు సిద్ధం కమ్మని పిలుపునిస్తున్నారు. ‘వజ్ర సంకల్పం’ శీర్షికన ఆయన వెలువరించిన దీర్ఘ కవిత అంతిమంగా ‘పాలక వర్గాల కుట్రల్ని కూల్చేయడాన్నే’ లక్ష్యంగా చేసుకుంది. ‘ఆకలి పోరాటమే/ ఉద్యమాలకు నాంది/ సామాజిక రాజ్యస్థాపనే/ దీనికి శాశ్వత పరిష్కారం’,

‘అక్షిగకుల పేదల ఆకలి మంటలు తీర్చడం/ ఆశిస్తున్న తెలంగాణ పురిటి స్వప్నం’ (పే:45), ‘ప్రజాస్వామ్యం ఉల్లంఘించడం/ ఋజువైన చోటే/ ఉద్యమం అగ్నికణమై/ రగులుతుంది’ (పే:53), ‘ఒకరు తెస్తారట/ ఒకరు ఇస్తారట/ ఇచ్చి పుచ్చుకొనే/ వస్తువా? తెలంగాణ’ (పే:58) అంటూ తీవ్రమైన పదజాలంతో ఉద్యమవూదోహుల కళ్లలోకి అక్షరాల కారం చల్లారు. పాఠకుల్లో ఉద్యమ కసిని రగిల్చడం ద్వారా ఒక రకంగా ‘మన్ను తిన్న పాముల’ను తట్టి లేపే ప్రయత్నం జరిగింది.

దోర్బల, నమస్తే తెలంగాణ ఆదివారం అనుబంధం, 14 జూలై 2013

* * *

‘వజ్ర సంకల్పం’ కవితాసంపుటి డిజిటల్ రూపంలో కినిగెలో లభిస్తుంది. మరిన్ని వివరాలకు ఈ లింక్‌ని అనుసరించండి.
వజ్ర సంకల్పం On Kinige

Related Posts:

పరిమళించిన పట్టుకుచ్చుల పువ్వు

దాసరాజు రామారావు రచించిన “పట్టుకుచ్చుల పువ్వు” కవితాసంపుటిపై కాంచనపల్లి గారి సమీక్ష పాలపిట్ట మాసపత్రిక, మార్చి 2013 సంచికలో ప్రచురితమైంది.

* * *

అమాయకంగా కనిపిస్తడు, మితంగా మాట్లాడుతడు, హితంగా నవ్వుతడు, ఇటువంటి మనిషిలో ఇంత అగ్నిపర్వతం ఉందా ? ఇతనిలో లోపలి ప్రకంపనలను ఇంత అద్బుతంగా అక్షరాలుగా పేర్చగలడా? అసలేమనుకుంటున్నడు ఇతడు? ఇన్ని స్వప్నాలని, ఇన్ని జ్ఞాపకాలని ఇట్లా కాగితాల తోటల్లో పరచి పరచి మనల్ని మనం కోల్పోయిన వైనాన్ని గుర్తు చేసి గుర్తుచేసి ఒకానొక నిశ్శబ్ద సంధ్యలో మనల్ని బిగబట్టిన దుఃఖాన్ని చేయాలనా? పిడికిలిలో చేరిన ఆవేశాల్ని చేయాలనా? ఏమిటీ తని యత్నం, లేకపోతే చూడండి. ఆ ఇల్లంటే… అంటూ స్నానానికి తోడిచ్చిన వేడినీళ్ళ పొగలు శరీరాన్ని చక్కిలిగింతలై చుట్టుకున్న క్షణాల్ని గుచ్చిన ఉభయకుశలోపరుల ఉత్తరాల దండ వేలాడే కొయ్యల్ని ఎట్లా మన తలపులకు తెచ్చాడో. ఆ ఇల్లే అని ఈయన రాసిన కవిత ఒక ఆయన స్మృతి గర్భంలో దాచుకున్న ఇంటిది కాదు. ఆంధ్ర వాళ్ళ పట్టణానికి వ్యాపించిన వ్యాపార సంస్కృతికి బలైన ప్రతి తెలంగాణ కవిది. ఇంకా చెప్పాల్నంటే ప్రతీ తెలంగాణ ఊరు కోల్పోయిన మనిషిది.

కొండాపూర్ మ్యూజియం దగ్గర తెలంగాణ రాష్ట్ర సమాఖ్య తరఫున వేముగంటి మురళి ఓ సభ పెట్టిండు. అక్కడికొచ్చిన వాడు రాక తన శబ్ద మౌనంతో ఏం కవిత సృష్టించిండు?

దర్వాజంత ఎత్తున్న
దర్వాజల పట్టని
కాగును కావలించుకొని ఏడ్వాలని
అంటూ తను పోయెటోడు పోక మనల్ని కూడా ఎక్కడికో తీసుకుపోయిండు.

ఈనె రాసిన చెరొవక కల అనే కవితకు వరవరరావు గారే పడిపోయిండ్రు. తెలంగాణకే కాక ప్రపంచీకరణ నేపధ్యంలో చెరువులు కోల్పోయిన అన్ని ప్రాంతాలకు వర్తిస్తుందని కితాబిచ్చిండ్రు.

జీవగంజి, తాప, బుడ్డగోచి అటువంటి మాటలాడి తనలోని తెలంగాణీయత చాటుకున్నాడు. తెలంగాణ రాష్ట్ర కాంక్షతో పాటు ఆయనలోని మానవతా పరిమళాలే అతన్ని కవిగా నిలుపుతున్నాయి. కర్నూలు జిల్లాలో తుఫాను బీభత్సాన్ని చూసి కలవరపడిపోయి

ఎండిన పూచిన పుల్ల కూడా
నీతో కయ్యం
అనబడని సమస్త మానవ దేహాలు
చాచిన వేల చేతులుగా అల్లాడుతూ
ఆవాచిన కళ్ళ తొవ్వల
పొంగునే
ఇంకా ఊరకే
అని జలఖడ్గాన్ని అభ్యర్థించిండు.

ఇంత మంచిగ నడిచిపోయే ఈ కవిలో మళ్ళీ వేణువును కత్తిపోట్లకు గురిచేసి, రాగాలను దొంగిలించిన తను సత్యాగ్రహ శిబిరంలో దండేసుకున్నాడు. తెగిన శిరసొకటి చెట్టుకు వేలాడుతున్నది గాలిపటమై అంటూ సర్రియలిస్టిక్ నీడలు కూడా కనబడుడు ఒక విశేషం. నెమ్మదస్తుడని మనం భ్రమ పడే ఈ కవిలో ఎన్ని సముద్రాలున్నాయో?

True wit is nature to advantage to dressed
What that thought but never so well expressed.
అన్న పోప్ మాటలు గుర్తొస్తాయి ఒక్కోసారి ఇతని భావావేశానికి తగిన అక్షరాలు దొరకని వైనం చూస్తుంటే. ప్రతులు కాని చదవండి, అప్పుడు గాని పుస్తకం విలువ తెలియదు.

కాంచనపల్లి

* * *

“పట్టుకుచ్చుల పువ్వు” డిజిటల్ రూపంలో కినిగెలో లభిస్తుంది. మరిన్ని వివరాలకు ఈ క్రింది లింక్‌ని అనుసరించండి.

పట్టుకుచ్చుల పువ్వు On Kinige

Related Posts:

ఎమ్బీయస్ కబుర్లు జనవరి 2010

విషయ సూచిక:
1. జనవరి 5న ఏం జరగబోతోంది…?
2. రోశయ్య గారు అలా అనకూడదా…?
3.హీరోలకు యాస వుండదేం…?
4.సినిమాల్లో తెలంగాణావారిని రానివ్వరా…?
5.యాస గురించి మరికొంత…
6. నాకేం కడుపునొప్పి?
7. జనవరి 5కి ముందూ, తర్వాత
8. తాడూ వుంది, బొంగరమూ వుంది
9.చిరంజీవి మాటల్లో అనౌచిత్యం…..?
10.మీడియాపై జాలిపడాలా?
11.కావూరి కావు కావు….
12.మతి చెదుర్స్…..
13.డిపెండెంట్సా? ఇండిపెండెంట్సా?
14. ‘మేం గెలిపించుకుంటాం….’
15. గోన గన్నారెడ్డి 1 – 7
16. భద్రం బీ కేర్‍ఫుల్ బ్రదరూ 1-5
17. గుమ్మడికి నివాళి 1-5

ఇది నేను గ్రేట్ ఆంధ్రా డాట్‍కామ్‍లో "ఎమ్బీయస్ కబుర్లు" అనే శీర్షికలో 2010 జనవరిలో రాసిన వ్యాసాల (ఆర్టికల్స్) సంకలనం.

ఈ ఆర్టికల్స్ సబ్జెక్ట్ వారీగా విడగొట్టబడి ఉండవు. వీటిలో రాజకీయాల గురించి ఆర్టికల్స్ ఉన్నాయి, సమాజపరమైనవి ఉన్నాయి, గోనగన్నారెడ్డి నవల పరిచయం ఉంది, గుమ్మడి గారికి నివాళి ఉంది. ఇది ఒక కలగూర గంప. మీకు కావల్సింది మీరు ఏరుకుని చదవవచ్చు.

ఈ పుస్తకం మీకు నచ్చితే తెలియబరచండి. తక్కినవి కూడ అందుబాటులోకి తెస్తాను.

- ఎమ్బీయస్ ప్రసాద్

 

—-

ఈ పుస్తకం ఇప్పుడు కినిగెలో ఈ-పుస్తకంగా లభిస్తుంది. వివరాలకు ఇక్కడ నొక్కండి

ఎమ్బీయస్ కబుర్లు జనవరి 2010 On Kinige

Related Posts:

ఎమ్బీయస్ కబుర్లు జనవరి 2010

విషయ సూచిక:
1. జనవరి 5న ఏం జరగబోతోంది…?
2. రోశయ్య గారు అలా అనకూడదా…?
3.హీరోలకు యాస వుండదేం…?
4.సినిమాల్లో తెలంగాణావారిని రానివ్వరా…?
5.యాస గురించి మరికొంత…
6. నాకేం కడుపునొప్పి?
7. జనవరి 5కి ముందూ, తర్వాత
8. తాడూ వుంది, బొంగరమూ వుంది
9.చిరంజీవి మాటల్లో అనౌచిత్యం…..?
10.మీడియాపై జాలిపడాలా?
11.కావూరి కావు కావు….
12.మతి చెదుర్స్…..
13.డిపెండెంట్సా? ఇండిపెండెంట్సా?
14. ‘మేం గెలిపించుకుంటాం….’
15. గోన గన్నారెడ్డి 1 – 7
16. భద్రం బీ కేర్‍ఫుల్ బ్రదరూ 1-5
17. గుమ్మడికి నివాళి 1-5

ఇది నేను గ్రేట్ ఆంధ్రా డాట్‍కామ్‍లో "ఎమ్బీయస్ కబుర్లు" అనే శీర్షికలో 2010 జనవరిలో రాసిన వ్యాసాల (ఆర్టికల్స్) సంకలనం.

ఈ ఆర్టికల్స్ సబ్జెక్ట్ వారీగా విడగొట్టబడి ఉండవు. వీటిలో రాజకీయాల గురించి ఆర్టికల్స్ ఉన్నాయి, సమాజపరమైనవి ఉన్నాయి, గోనగన్నారెడ్డి నవల పరిచయం ఉంది, గుమ్మడి గారికి నివాళి ఉంది. ఇది ఒక కలగూర గంప. మీకు కావల్సింది మీరు ఏరుకుని చదవవచ్చు.

ఈ పుస్తకం మీకు నచ్చితే తెలియబరచండి. తక్కినవి కూడ అందుబాటులోకి తెస్తాను.

- ఎమ్బీయస్ ప్రసాద్

 

—-

ఈ పుస్తకం ఇప్పుడు కినిగెలో ఈ-పుస్తకంగా లభిస్తుంది. వివరాలకు ఇక్కడ నొక్కండి

ఎమ్బీయస్ కబుర్లు జనవరి 2010 On Kinige

Related Posts:

వొడువని ముచ్చట

ఈ పుస్తకానికి సేత తెలంగాణా సిద్దాంత కర్త ప్రొఫెసర్ జయశంకర్ సార్, వ్రాత కొంపల్లి వెంకట్ గౌడ్.

తెలంగాణా చరిత్రలో ఒక కాన్సెప్ట్ కోసం పూర్తి జీవితాన్ని పణంగా పెట్టి పనిజేసిన జయశంకర్  సార్ అనుభవాలు రికార్డ్ చేసి అందించారు వెంకట్ గౌడ్.

పుస్తకం ఎట్లుండాలంటె… అని చెబుతూ, “నేను రాస్తే ఎట్లుంటది అంటే ప్రతి అక్షరం చెక్కినట్లు వుంటది. రాసే ప్రతీ పదం చదివేవాల్లను ఆలోజింపజేయాలె” అని అంటారు సార్.

జయశంకర్ గారు విద్యార్థిగా, ఉద్యోగిగా, టీచరుగా, పదవిలో ఉన్నా లేకున్నా తెలంగాణ సమస్యతోనే జీవితం పెన వేసుకున్న స్వచ్ఛంద కార్యకర్త. ఆయనకు ఏ రాజకీయ పార్టీలతో గాని, వేదికలతో గానీ, వాటిల్లో సభ్యత్వం గానీ లేవు. తెలంగాణా గురించి ఎవరు పనిచేసినా వారితో మమేకమై పని చేసారు. తను తెలంగాణా సిద్ధాంత కర్తను కానని, మొదట ఇంగ్లీషు మీడియాలో తెలంగాణా ఐడియలాగ్ అని రాయడం మొదలు పెట్టారని, కాలక్రమంలో దాన్నే తెలుగు మీడియా ‘సిద్ధాంతకర్త’గా అనువదించి ప్రాచుర్యం కల్పించిందని ఆయన వివరించారు.

ఇప్పుడు నడుస్తున్న ఉద్యమం ఎలా రివైవ్ అయిందో ఈ పుస్తకంలో తెలియజేసారు సార్.

‘తెలంగాణాలో ఏం జరుగుతోంది’ అనే పుస్తకానికి వచ్చిన ప్రాచుర్యం ఏ మాత్రం ఎక్స్‌పెక్ట్ చేయలేదని అంటారాయన.

అమెరికాలో తెలంగాణ డెవలప్‌మెంట్ ఫోరం అనే సంస్థ ఎలా ఏర్పడిందో సార్ వివరంగా చెప్పారు. దాని కోసం జయశంకర్ గారు అమెరికాలో విస్తృతంగా ప్రయాణించి ఎన్నో ఉపన్యాసాలిచ్చారు.

కెసీఆర్ తో తానెందుకు ఇంప్రెస్ అయ్యారో జయశంకర్ గారు చెబుతూ, కెసీఆర్ కాన్సెప్టులలో లోతుగా వెళ్ళి, విశ్లేషించి క్రిటికల్‌గా చర్చించేవారని అన్నారు. విషయ అవగాహన ఉండి తెలంగాణ ప్రజల్లో తెలంగాణ ప్రజల భాషలో నుడికారంలో తీసుకుపోయేటువంటి వ్యక్తి కెసీఆర్ అని సార్ భావించారు.

తెలంగాణవాదులని పరస్పరం కలవమని లక్ష్యం కోసం కలిసి పని చేయమని, అప్పుడే ఉద్యమం స్ట్రెన్తెన్ అవుతుందని జయశంకర్ చెప్పేవారు.

తనను ఎవరైనా విమర్శించినా, ప్రతి విమర్శ చేయనని చెబుతూ, “నాకు చేతనైంది చేస్తనయ్యా, తప్పైతే తప్పు, ఒప్పైతే ఒప్పు. …కాలం నిర్ణయిస్తది… ఎవరి పాత్ర ఏంది” అని అంటారు.

ఉర్దూ, తెలుగు, ఇంగ్లీషు మూడు భాషలు తెలిసుండం తెలంగాణా కాంటెక్ట్స్‌లో చాల అవసరమని, తనకున్న అడ్వాంటేజ్ అదేనని సార్ అంటారు.

కళారూపాలు ఉద్యమంపై చూపిన ప్రభావం గురించి చెబుతూ, సాంస్కృతిక దాడికి వ్యతిరేకంగా కల్చరల్ డైమెన్షన్ రావడానికి, తెలంగాణా సాంస్కృతిక పునరుజ్జీవనానికి కళారూపాలు ఎంతో దోహదం చేసాయని చెప్పారు.

తెలంగాణను తప్పకుండా జూస్తనని నమ్మిన వ్యక్తి జయశంకర్ గారు. తెలంగాణ రాష్ట్రం సంపూర్ణ అభివృద్ధి కోసం అన్నీ సాధ్యమవుతాయని ఆయన నమ్మారు.

బి.సి.లలో ఐక్యత లేదని, అదే తెలంగాణ ప్రాంతంలో సామాజిక న్యాయానికి ప్రతిబంధకం అని ఆయన భావించారు. రాష్త్రం ఏర్పడితే సామాజిక న్యాయం సంభవం అవుతుందని చెబుతూ, ఇక్కడి బలహీన వర్గాలలో చైతన్యస్థాయి పెరిగిందని, ఆ చైతన్యమే రాబోయే రాష్ట్రాన్ని కాపాడుతుందని ఆయన భావించారు.

కాకతీయ యూనివర్సిటీలో పనిచేసిన మూడేండ్లలో తను చేపట్టిన మార్పుల గురించి చెప్పారు సార్ ఈ పుస్తకంలో. ‘నేను చేసేపనిలో ఓపెన్‌నెస్ వుంటది, గుసగుసలు ఉండవు’ అంటారాయన.

నిజమైన బలహీన వర్గాలంటే ఆర్ధికంగా, రాజకీయంగా, సామాజికంగా నెగ్లెక్ట్ అయినవాళ్ళు తప్ప, ముస్లిమ్సా, దళితులా, బిసిలా అని గాదు…. నెగ్లెక్టెడ్ సెక్షన్స్…అని అభిప్రాయ పడ్డారు జయశంకర్ గారు.

కల్చరల్ మూవ్‌మెంట్, పొలిటికల్ మూవ్‌మెంట్ రెండూ కలిసి సాగాలని, అవి రెండూ ఒకదానికొకటి ముడిపడి ఉంటాయని సార్ భావిస్తారు. సామాజిక న్యాయం దృష్టితో చూస్తే ఇది అత్యవసరమని ఆయన అభిప్రాయం.

పిల్లల ఆత్మహత్యల గురించి వ్యాఖ్యానిస్తూ “ఈ జనరేషన్ యూత్‌లో చాల ప్రస్టేషన్స్ వున్నయ్. అవగాహన లోపం ఉన్నది. ఎక్స్‌పెక్టేషన్స్ వున్నయ్. ఇవన్నీ నాకు గూడ సరిగా అర్థం గావడంలేదు, పిల్లలు ఎందుకిట్ల జేస్తున్నరని. సెల్ఫ్ ఇంబ్యాలెన్, ఇది చాల విచిత్రమైన పరిణామం” అని అన్నారు.

డిసెంబర్ 9 ప్రకటన రావడానికి కెసీఆర్ దీక్ష ట్రిగ్గర్‍లా పనిచేసిందని, లాబీయిస్ట్‌ల కుట్రల వల్ల కేంద్రం వెనక్కి తగ్గిందని చెప్పారు. లాబీయింగ్ గురించి చెబుతూ, మద్రాసు నుంచి విడిపోడానికి లాబీయిస్టులు ఎంత శక్తివంతంగా పనిచేసారో చెప్పి అంతే శక్తితో ప్రస్తుతం పనిచేస్తున్నారని అన్నారు. ఇప్పుడు నడుస్తున్న లాబీయింగ్ లోపల కులాలున్నయ్, ప్రాంతాలున్నయ్, డబ్బుసంచులున్నయ్ అని చెబుతూ, లాబీలో ఉండే వారి కాంబినేషన్ మారచ్చు, కానీ లాబీలవేనని చెప్పారు.

లాండ్ రిఫార్మ్స్ అనేది ప్రత్యేక రాష్ట్రం ఉంటే వెంటనే జరిగిపోయేవని, ఆంధ్రప్రదేశ్ ఏర్పడడం వలన ఆనాటి ముఖ్యమంత్రి ప్రవేశబెట్టిన సంస్కరణలు ఆగిపోయాయని చెబుతారు.

తెలంగాణ రచయితల గురించి చెబుతూ…వారిని వాగ్గేయకారులిగా అభివర్ణించారు, కాకపోతే ఈ వాగ్గేయకారులు దేవుని గురించి కాకుండా మనుషుల వెతల గురించి రాసారని అన్నారు.

అధ్యాపక వర్గంలో తెలంగాణ గురించి మంచి అవగాహన ఉందని, కానీ ప్రత్యక్షంగా ఉద్యమంలో దిగి పనిచేయడానికి పరిమితులున్నాయని సార్ భావించారు.

మన్‌‍మోహన్‌సింగ్ భారత ప్రథాని కాకముందు ఆయనతో తనకున్న సంబంధాలని వివరించారు జయశంకర్.

తమది దిగువ మధ్యతరగతి కుటుంబమని చెబుతూ, చిన్నతనంలో తన విద్యాభ్యాసం సాగిన తీరుని వివరించారు. తన లైఫ్ యాంబిషన్ ఎకనామిక్స్‌లో లెక్చరర్ కావడం అని చెబుతూ, దాని సాధన కోసం ఎంతగా శ్రమించాల్సి వచ్చిందో వివరించారు.

తన జీవిత ప్రస్థానంలో భాగంగా ఏ ఊర్లో అయితే పుట్టారో, అదే ఊర్లో స్కూల్ టీచరుగా పనిచెసి, అదే ఊళ్ళో వైస్ ఛాన్సలర్‌గా పదవీ విరమణ చేసారు జయశంకర్.

దేశం మొత్తం మీద క్షీణిస్తున్న విలువల గురించి ఆందోళన చెందుతూ, కెరీర్, కెరీరిజమ్ పెరిగిపోయాయ్ని, సంపాదన ప్రధాన ధ్యేయమైపోయిందని అన్నారు. అధ్యయనం చేయడం తగ్గిపోతోందని, అధ్యయనం అంటే పుస్తకం చదవడమే కాదు. లైఫంతా అధ్యయనమేనని అన్నారు.

ఇప్పటి వరకు ఏ రచనలో రాని అనుభవాలను, జ్ఞాపకాలను రచయితతో పంచుకున్నారు సార్. అవి ఆయన భాషలోనే వస్తున్న పుస్తకం ఇది. ఇంకా ఎన్నో విషయాలు స్వయంగా జయశంకర్ గారు చెప్పినవి ఈ పుస్తకంలో ఉన్నాయి.

ఇది జయశంకర్ గారి చివరి పుస్తకం. చారిత్రక, సాంస్కృతిక నేపధ్యంలో అతి ముఖ్యమైన పుస్తకం. ఆయన మనసు విప్పి ఎన్నో విషయాలు చెప్పారు ఈ పుస్తకంలో. ఓ రకంగా ఇది ఆయన ఆత్మకథ అని భావించవచ్చు.

ఈ పుస్తకం డిజిటల్ రూపంలో కినిగెలో లభ్యమవుతుంది. వెల 90/- రూపాయలు. నెలకి 30/- రూపాయల అద్దెతో కూడా చదువుకోవచ్చు.

వొడువని ముచ్చట On Kinige

కొల్లూరి సోమ శంకర్

Related Posts: